الى كل ملاك الفيات 132 رجاء المشاركه

[hhhggg]

بدون مقدمات امتلك 132 Gls 1800 من 28 سنه و لازالت تخدم و بنفس الكفاءه و على الطريق استطيع الوصول بها الى 160 بسهوله و ثبات حتى الان ورغم شرائى سياره اخرى ( فيرنا اوتوماتك ) الا ان ال132 و بحق ملكة الطريق بلا منازع .
الى من يمتلك 132 رجاء المشاركه بتجاربته مع هذه السياره .

[aboelnagah]

132

السلام عليكم ورحمه الله وبركاته

كل سنه وانتم طيبين بمناسبه عيد الاضحى

على فكرة انا بحب جدا العربية دى رغم ان هى عامله زى السفينه بس بجد واسعه جدا وعائليه وبتشيل كويس اوى ومناسبه للطرق بتاعتنا فى مصر

انا نفسى فيها بجد بس مش عارف هل هى ولا 131 ولا ايييييييييييه ؟

[mazagngi2010]

صاحبى عنده واحده بسم الله ماشاء الله عليها العربيه فى الطريق غوووول بيكهرب بيها الدايرى لما يكون عليه وياسلام لما يكون رايق على طريق بنها مصر بالليل ولا الهوا يقدر عليه بصراحه العربيه محترمه بجد ولو انت من الزقازيق ممكن تكون عارفها
والعربيه معاهم من زماااااااااان زيك كده وكان والده محتار بينها وبين 504 وجابها فى الاخر
وصاحبى ماشاء الله على عضلاته اللى طلعتله فى رجله وايده منها وبحب اسمعه قوى لما ييجى يركن العربيه والحته متجيبوش فيرجع يلف تانى ويقول (ياشيخه والنبى جيبيها حرام على امك هنلف تاااااااااانى) طبعا انت عارف المعاناه فى الركن بتاع ال32
وزى ماقال ابو النجاح هى فعلا شبه السفينه

[ziours]

على فكره يااستاذ hhhggg انا عندي نفس الموديل بتاعك وبقالها عندنا 30 سنة واحنا اول يد بس العكنت عايز اعرف منك شوية حاجات هي العربية حرارته الطبيعية عندك بتبقى كام وفي كمان حاجة مضيقني اوي في العربية دي اني مش بعدي 120 كم بالرغم اني مظبط كل حاجة من (سير كاتينة- وبوجيهات) ومغير العفشة الامامية باكملها مش عارف ناقص ايه بس وفي حاجة غريبة كمان اول ماجي ادور العربية بسمع صوت كركره والصوت ده بيمنع لما اجي ادوس دبرياج فمش عارف ايه ده بظبط وهل قابلتك مشكله زي دي ؟
شكرا واسف لللاطلة

[ahmedsrs]

طيب جرب بدل مدوس دبرياج ترفع بدال الدبرياش برجليك وشوف الصوت هيروح ولا لا انا عندى نفس المشكله فى 125 الأيطالى واعتقد هى نفس موتور 132 وعملت الحركة دى والصوت اختفى وركبت سوستة ترفع بدال الدبرياش . وبالنسبة للحرارة الؤشر بيطلع سنة بسيطة وعمرها مبتوصل للربع او النص الى لو فيه مشكلة فى سير الكاتينة ( مفوت سنة او سنتين ) ده لو لسة مركبه قريب او التاكيهات

[hemaf16]

انا عندى 132 2000 وديه صورها http://groups.msn.com/seat132/132myl...nw?albumlist=2 والعربيه ديه عشقى ومهما قولت بصراحه مش هينفع اوفيها حقها من نحية القوه عندك متور 2000 والحصان 112 من الاخر لو العربيه كويسه شد بيها مع اى عربيه وشوف ووثبته على الارض وسوقتها ممتعه وطريقه اخدها للملفات بسرعه ممتعه جدا بصراحه العربيه ديه معجزه فيات ويكفى عربيه كبيره وعائليه والتسارع بتعها من 0 ل 100 11 ثانيه او اقل شويه وطبعا كلكم عرفين فى عربيات جديده كتير تسرعها اكبر من كده يعنى مش زى السفينه وفى واحد هنا فى المنتدى عاملها موضوع جميل اوى بس بصراحه مش متذكر اسمه ممكن تدور عليه هو كاتب بالتفصيل عن العربيه الجميله ديه

[hhhggg]

شكرا لكل من شارك فى هذا الموضوع و من تجاربى معها سر هذه السياره فى سير الكاتينه لو مظبوط على الشعره سحبها بيبقى بشع و ممكن تعدى ال150 كم/س بسهوله و كمان بدال الدبرياج بيبقى خفيف لو حطيت شوية زيت فى جراب السلك و عدى من اسفل قاعدة الموتوراما الدركسيون بيبقى خفيف لو ظبطت المناول الى ناحية اليمين انا معنديش باوور بس اكنها فيها باوور بالظبط اما الحراره فهى المفروض بين 80 و 90 فى اى اجواء بس انا عامل تعديل على التبريد بتخليها ما بين 65 و 85 و عمرى ما عنيت من مشاكل السخونه رغم ان الريدياتير حديد بتاع فبريكتها و لم اغيره حتى الان اما التسارع فيمكن للاول يوصل 40 و الثانى 70 و الثالث 120 و انا ما بعملش ده كتير بس لازم من ان لاخر اعمل كده علشان الموتور ما يكسلش بس الطبيعى انى اغير بين 3000 و 4000 لفه و ده حسب الطريق و الحموله فى انتظار باقى المشاركات

[MohaMed_Refaat]

انا من عشششششششششششششششششششششششششششششششششششاق حبيبتى ومعشوقتى وجميلتى وحبيبة قلبى ونور عيونى قطوطتى الفيات 132 ولا استغنى عنها ابدا فبجد احبها حبا جما وبعمرها كل سنة علشان احافظ عليها موش علشان هية بتحتاج عمرة وهية 2000 سى سى موديل 1980 وهية طبعا فيها تكييف وباور وبصراحة بشد على الطريق مع اعتى العربيات الكورية وبعديهم والعربية فيها ميزة جامدة وهية سرعتها وخفتها بالرغم من كبر حجمها ولكن الكبوت شايل مكنة وحش
بس انا كنت عايز اعرف حاجة هو انا لو وطيت العربية قوى لانى عايز اوطيها من ورا وقدام علشان ازود الثبات اية الاضرار المحتمل حدوثها ولا مفيش اى ضرر على العربية ؟؟؟!!!

زى الفيات دية كدة

[MohaMed_Refaat]

[bimg]http://[/bimg][bimg]http://[/bimg]

[MohaMed_Refaat]

الصور موش راضية تظهر موش عارف لية ؟؟؟

[bimg]http://[/bimg]

<a href="http://www.postimage.org/image.php?v=PqdBtD0" target="_blank"><img src="http://www.postimage.org/PqdBtD0.jpg" border="0" /></a>





دى اخر محاولة

[MohaMed_Refaat]

هى دى الصورة

[islambana]

انا عندى 132 2000 وديه صورها http://groups.msn.com/seat132/132myl...nw?albumlist=2 والعربيه ديه عشقى ومهما قولت بصراحه مش هينفع اوفيها حقها من نحية القوه عندك متور 2000 والحصان 112 من الاخر لو العربيه كويسه شد بيها مع اى عربيه وشوف ووثبته على الارض وسوقتها ممتعه وطريقه اخدها للملفات بسرعه ممتعه جدا بصراحه العربيه ديه معجزه فيات ويكفى عربيه كبيره وعائليه والتسارع بتعها من 0 ل 100 11 ثانيه او اقل شويه وطبعا كلكم عرفين فى عربيات جديده كتير تسرعها اكبر من كده يعنى مش زى السفينه وفى واحد هنا فى المنتدى عاملها موضوع جميل اوى بس بصراحه مش متذكر اسمه ممكن تدور عليه هو كاتب بالتفصيل عن العربيه الجميله ديه

هوا ده الموضوع اللي انت تقصده ياباشا http://www.nilemotors.net/Nile/showthread.php?t=168

وعلي فكره ياجماعه العربيه دي جامده مووت وانا حاليا بدور علي واحده نضيفه عشان اشتريها ادعولي

[islambana]

على فكره يااستاذ hhhggg انا عندي نفس الموديل بتاعك وبقالها عندنا 30 سنة واحنا اول يد بس العكنت عايز اعرف منك شوية حاجات هي العربية حرارته الطبيعية عندك بتبقى كام وفي كمان حاجة مضيقني اوي في العربية دي اني مش بعدي 120 كم بالرغم اني مظبط كل حاجة من (سير كاتينة- وبوجيهات) ومغير العفشة الامامية باكملها مش عارف ناقص ايه بس وفي حاجة غريبة كمان اول ماجي ادور العربية بسمع صوت كركره والصوت ده بيمنع لما اجي ادوس دبرياج فمش عارف ايه ده بظبط وهل قابلتك مشكله زي دي ؟
شكرا واسف لللاطلة

بص ياباشا انا هقولك ع الحل اللي الي هيخلي العربيه تجري وللأمانه الكلام ده مش كلامي ده كلام الباشمهندس سبعاوي وكان كاتبه لزميل في كونتاكت كارز عنده نفس مشكلتك

علشان نكون متفقين من الاول السحب هياكل بنزين، فا انت تختار يا دى يا دى

1- اولا انا مفترض ان موتورك كبسه كويس، لو مش كويس يبقى اللى هافولهولك كله مالوش لازمة ولازم عمرة الاول، وبرضه مفترض ان الفتيس والكورونا حالتهم سليمة ومافيهمش اصوات غريبة

2- الكاربراتير لازم يكون حالته A1، لو الكاربراتير سليم هاتله طقم بيكات اوسع، يعنى مثلا زود 10 على رقم كل بيك ، يعنى مثلا لو البيكات اللى راكبة 150 هات 160 وهكذا، والكاربراتير يتنضف باسبراى من نوع جيد(جانك junk او سناب snap)، لو الكاربراتير حالته مش اد كدا هاتحتاج كاربراتير

3- استعمل بوجهيات 3 شمعة (شامبيون او NJK) ويفضل الشامبيون، ولازم يكون اصلىىىىىىىىىىىىىىىىىىىىىىىىىىى، وابعد عن البوش لأن المضروب منه كتير جدا فى السوق

4- الكاوتش لازم يكون بحالة ممتازة ومنفوخ على الضغط الصحيح مش اقل، ومايكونش عريض عن مقاسها الصح

5- راجع ضبط التاكيهات(الأطباق): ضيط التاكيهات يتم والعربية باردة، واثناء ظبط التاكيها ت خلى الفنى يبصلك على كل ركب عمودين الكامة، لو فيه عمود كامة متاكل غيره

6-راجع ضبط سير الكاتينة

7- لازم الشكمان يكون حالتهA1، راجع العلب وإطمن ان مافيش علب منفسة او لحامات مخرومة، ال132 مشهورة ان فرن الشكمان بتاعها والجوان بتاعه بيضرب، راجعهم كويس

8- تاكد من حالة الرادياتير وان العربية مش بتسخن بشكل مبالغ فيه، ولو الرادياتير عاوز تنضيف نضفه ولو حالته سيئة غيره،
9-لازم تكون الفلاتر كلها جديدة(هواء ، بنزين ، زيت)
10-لا تستعمل الزيت العادة ، استعمل زيت سوبر، مويبل XHP او شل helex او توتال كوارترز 5000 ،او حتى مصر للبترول 10000، لو الزيت السوبر لما بتحطه فى عربيتك بينقص يبقى موتورك محتاج عمرة الاول علشان يسحب اكتر من كدة
11-لو العربية متركب فيها اى سبويلرات شيلها ، لأن السبويلرات اللى بتركب للعربيات القديمة دى كلها شغل بلدى ولا فائدة لها سوى المنظر وبتعوق حركة الهواء، ولو متركب لها شبكة سقف شيلها، اى زوائد طالعة من العربية شيلها

12-بعد ما تعمل الكلام دا كله أصحى بدرى الساعة اربعة وانزل خد العربية مشوار رايح جاى العين السخنة وزود للعربية بالتدريج بدون عافية وكل ما تجرى معاك زودلها تانى لحد ما تفتح معاك، ولو محتاج تكرر المشوار كرره

نصيحة اخيرة، فى التأنى السلامة، علشان انا معنديش استعداد اشيل ذنوب لازم اقوللك اللى ليك واللى عليك، 132 شكل ال2000 رغم ثقل وزنها خفيفة جدا على الأرض فى السرعات العالية لأنها عالية عن الأرض والعفشة الخلفية بتاعتها مافيهاش الشداد اللى بالعرض زى ال131 والشاهين واللادا، علشان كدة انا لا انصح اطلاقا انك تجرى بيها فوق ال120، انت ممكن تعمل اللى انا قلته دا علشان تحسن قدرتها على السحب والتسارع، لكن لا داعى نهائى انك تجرى بيها فوق 120

[hemaf16]

ايوه ياباشا هو ده الموضوع موضوغ جميل بصراحه وبصراحه الراجل فاهم حجات كتيره فعلا عن العربيه بس ياباشا على فكره بنسبه لليجيب بيها فوق 120 ال 131 والشاهين طبعا فيهم عيب عند السرعه الدركسيون بيخف اوى وده عيب مشهور وانا مشى 140 وسعات 160 بس العربيه لغاية 140 ثابته ومش بيقل ثبتها بعد 120 بس برده ميه ميه انك قولتلو يخلى بالو فعلا ويعمل كده علشان بيظبط السحب لكن ميجريش بيها

[MohaMed_Refaat]

معلش يا رجالة على الصور اللى موش ظاهرة ابس انا قصدى اسال سوال معين بوضحة بالصور وهو لو وطيت العربية بالشكل اللى حيبان بالصور إن شاء الله اية الاضرار اللى ممكن تحصل هل فى اى اثر سلبى على العربية ولا عادى مجرد الحكة ارجوا الافادة لانى ناوى اوطيها من ورا كدة هل دة غلط على العفشة وعلى الشاسية ولا عادى ؟؟؟؟؟؟؟؟ [img][/img]