Tempra Test Drive

[Klay]

• Fiat Tempra
  
  مع أول مشاركة ليا في المنتدى الجميل ده حبيت أعرض تجربتي الخاصة مع العربية المتميزة دي ، وهي فيات تمبرا موديل 91 والموتور 1400 سي سي.
  اولا العربية من بره شكلها الصراحة تحفة وجميل جدا وانسيابي لأقصى درجة ، اول ما تفتح الباب لازم تنبهر من المساحة المهولة في الصالون وده الصراحة اجمل حاجة في العربية الصراحة يعني وهي المساحة الداخلية الواسعة ، طبعا التابلوه شكله متميز مع العدادات الديجيتال المتميزة جدا. وطبعا ماننساش الشنطة الواسعة اللي ممكن تط فيها خروفين تلاته.
  بالنسبة للموتور طبعا محدش يختلف على موتور التمبرا متميز جدا.
  نتكل على الله وندور ، الصراحة والحق يقال المتور بيدور من أول مرة وصوته ناعم جدا ، العربية سحبها مقبول جدا وعلى 155 العربية كانت ثابتة جدا على الطريق ، لكن فيها مشكلة الباور لما تيجي تلف بالعربية بيطع كده صوت غرييب (عععععععع) ورحت لكذا ميكانيكي قاللي عادي خالص .
  المهم الصراحة يعني العربية معايا اديلها سنتين والله ما بتعوز حاجة غير البنزين والزيت بس
  والله من اكتر العربيات اللي جبتها وريحتني خالص لأني كان معايا ريجاتا كانت مطلعة عنيا لكن مع التمبرا والله ارتحت خالص ، باعتبرها عن تجربة شخصية من اسن العربيات اللي انتجتها شركة فيات.
  يارب يكون الموضوع عجبكو
  وشكراً

[/img]

[kareem_Ashmawy]

و الله أنا احترت ناس تقول التمبرا عربية زى الزفت و ناس تقول حلوة
بس مدام حضرتك بتقول عن تجربة شخصية يبقى حضرتك أكيد على حق
شكرا لحضرتك

[OsKaR]

شكرا على التقييم

[Klay]

و الله أنا احترت ناس تقول التمبرا عربية زى الزفت و ناس تقول حلوة
بس مدام حضرتك بتقول عن تجربة شخصية يبقى حضرتك أكيد على حق
شكرا لحضرتك

لا والله بجد كل من قال عليها عربية وحشه بجد ظلمها
دي عربية ممتازة الصراحة ومريحاني جدا
والكلام ده طبعا عن تجربة شخصية
وشكرا لردك

[bassam nagy]

بصراحة انا سمعت من ناس كتيير انها عربية حلوة وممتازة وشهد شاهد من اهلها ربنا يباركللك فيها

[hazem_khidr]

التمبرا عربيه ممتازه و محدش يقدر يقول غير كده لكن مشكلتها ان قطع غيارها قليله شويه و غاليه

[Klay]

التمبرا عربيه ممتازه و محدش يقدر يقول غير كده لكن مشكلتها ان قطع غيارها قليله شويه و غاليه

معاك حق في الأجزاء الخارجية فقط
أما بالنسبة للموتور والعفشة والحاجات دي فكل قطع غيار الريجاتا تركب عليها تمام

[hazem_khidr]

ايوه ما انا قصدي الفوانيس او الزجاج و الحاجات الخارجيه انما موتورها قطع غياره متوافره مفيهوش مشاكل

[osha966]

التمبرا أفضل ما أنتجته فيات

الحقيقة أنى أملك فيات تمبرا 1600 منذ 7 سنوات وهى سيارة عظيمة جدا موديل 1996 وسعرها لايقارن بأمكاناتها وهى أفضل من سيارات كثيرة حديثة يابانى أو كورى وهى متينة جدا وعائلية وموفرة فى البنزين فتستهلك 250 كم\20 لتر رغم أنها 1600 فول أوبشنز

[osha966]

التمبرا سيارة رائعة

[fahd_628]

شكرا يا باشا على التجربة و انا اسمع انها سيارة ممتازة

[khaledloda]

شكرا

العربية دي بتعجبني جدا ورغم موديلها لو قديم شكلها متماسك وجديد عن عربيات تانية كتير

بس ال1400 استهلاكله في البنزين يا تري قد ايه عشان والدي مهتم بالعربية دي وبيفكر فيها

وبعد اذنك سؤال تاني العدادات الديجيتال شغالة كويس ولا لأ؟؟ ولو حاجة فيها علقت او كده مين يعرف يصلحها

والف الف شكر مرة تانية وربنا يبارك لحضرتك في عربيتك

[hazemaa]

اريد مقارنة بين ال تمبرا والشاهين . اشترى ايهما؟ وسعرهما ممكن كام؟

_________________________
تحصر الكتابة باللون الاحمر على المشاركات الادارية فقط.

مشرف القسم.

[maka]

تمبرا طبعا شكل وتقفيل وتكييف وثبات واوسع بس عاوزة ميكانيكى وكهربائى نضاف

[wwael12345]

ورحت لكذا ميكانيكي قاللي عادي خالص .
المهم الصراحة يعني العربية معايا اديلها سنتين والله ما بتعوز حاجة غير البنزين والزيت بس
والله من اكتر العربيات اللي جبتها وريحتني خالص لأني كان معايا ريجاتا كانت مطلعة عنيا لكن مع التمبرا والله ارتحت خالص ، باعتبرها عن تجربة شخصية من اسن العربيات اللي انتجتها شركة فيات.
يارب يكون الموضوع عجبكو
وشكراً [
و على فكرة انا عضو جديد