افيدوني افادكم الله (الاونو)

[mrdownload]

السلام و التحية علي كل اخوتى فى هذا المنتدي الرائع
حقا هذا المنتدي من الممكن ان يكون الملاذ للكثيرون المقبلون علي شراء سيارة
عموما سامحوني علي الاطالة

انا امامي عربية فيات اونو م 90 و المتور عامل 46000 و المالك طالب 31000 جنيه مصرى و هي فابريقة جوة فقط ........
- ما هي عيوب الاونو
- هل تسخن فى المشاوير البعيدة
- هل تصلح للسفر .
- هل العفشة متينة ام ضعيفة
- هل هي افضل ام ال128
- هل السعر مناسب ام كتير
- هل فعلا مؤشر الحرارة يعمل بعد وصول الموتور للغليان.

1000 شكر لكم جميعا و فائق احترامي لكل الاعضاء

[AshTurbo]

انا امامي عربية فيات اونو م 90 و المتور عامل 46000 و المالك طالب 31000 جنيه مصرى و هي فابريقة جوة فقط ........
- ما هي عيوب الاونو
- هل تسخن فى المشاوير البعيدة
- هل تصلح للسفر .
- هل العفشة متينة ام ضعيفة
- هل هي افضل ام ال128
- هل السعر مناسب ام كتير
- هل فعلا مؤشر الحرارة يعمل بعد وصول الموتور للغليان.

1000 شكر لكم جميعا و فائق احترامي لكل الاعضاء

عربية جميلة عيوبها لا تذكر وقطع غيارها مناسبة جداً مش بتسخن في المسافات البعيدة ممكن تسافر بيها 200 أو 300 كيلو وعادي كمل بردو العفشة ضعيفة شوية خصوصاً في عيون القط طبعاً الأونو أحسن من ال 128 بكل تأكيد السعر غالي وممكن تاخدها على 25 أنت وشطارتك أنا بتاعتي كانت 93 أيطالي وكانت عربية جميلة والتظبيط يليق عليها أوي ولو عاملة 46 ألف كيلو زي مابتقول يبقى 10\10

[mrdownload]

1000 1000 1000 شكر Ash Turbo
بس كان فيه ناس بتقول ان فيها عيب تسريب زيت عند التكهات هل هذا صحيح
و بعدين انا مش فاهم يعني ايه عين القط ؟؟؟؟ هو ده موديل فى الاونو
معلش هتعبك معايا
1000 شكر مره تانيه

[AshTurbo]

بالنسبة لموضوع الزيت اللي بيسرب محصلتش معايا وعموماً وديها لميكانيكي محترم تعرفه وأطلب منه يكشفلك على كل حاجة تحت الكابوت بالنسبة لعيون القط دي زي مطبات صناعية عملها المرور عشان الناس تهدي بس حاجة في منتهى الغباء بتبوظ العفشة بتاعة أجدع عربية حتي لو جيب والناس بدل اتهدي وتتبهدل بتعدي عليها بسرعة يعني حصل العكس ودى موجود منها في كورنيش أسكندرية كتير ... نصيحة أخوية بقى لو تعرف تجيب أونو موديل 93 أحسن بكتير من 90 لأن ال 93 الموديل الوحيد اللي نزل أيطالي غير كدة كله تركي لحد 2008 وأنا بحب الشد على فكرة وكنت مبهدل العربية جامد خمسات وغرز أخوك متصيت يعني ههههه وكانت أشهر اونو في أسكندرية وكنت بشد بيها مع ألفا روميو وتريوس وبي أم دبليو وبخيطهم على البحر بس طبعاً طريق دايركت هتفرم مش محتاجة كلام بس أنا بقولك على الأكسيلراشن بتاعها جميل لما تحطلها بوجيهات 3 شمعه بدل شمعه واحدة وفلتر هواء وبنزين 92 وهتلاقي تجميع جامد جداً بس بردوا في التأني السلامة عشان ربنا يكرمك وعموما ال 93 ممكن تجيبها على 31 ألف أنا بايعها وفيها :

كاسيت سي دي فيس أوف سوني مع 2 سماعه بايونير جداد .
ديفل ألمونيوم مستورد كان عامل 800 فتحتين .
طقم جنوط فضي مطفي تمنهم 4000 جنيه .
سبويلر ستانلس مستورد كان عامل 1200 جنيه .
فرش جلد كان عامل 450جنيه .
أعتاب جانبية كانت عاملة 600 جنيه .
وكان في مساند رأس وفوانيس جانبية بتاعة بي أم دبليو فوجات شبورة وكوريك تمساح جديد بعلبته وكانت عاملة 90 ألف كيلو وبايعها على 26 ألف بس طبعا كانت تجيب أكتر بس كنت محتاج فلوسها عموماً أتمنى أكون أفدتك وربنا يوفقك في أختياراتك .

[mrdownload]

مشكور والف شكر يا جميل
بس الموديل ده 90 صاحبه جايب العربية كلها من ايطاليا يعنى نازله معاه من الطيارة و ايطالي عموما انا اقتنعت بكلامك يا جميل بس قولي هيا فيها مروحة مش كده؟ و ايه رايك لو ركبت فيها تكييف تتضعف الموتور؟ و لو اشترتها هجيلك بيها اسكندريه و ده وعد بس هدبسك فى اكلة سمك هاهاهاها و يكفيني شرف معرفتك

سلام

[AshTurbo]

طالما متأكد أنها أيطالي يبقى على البركة بس زي ما أتفقنا حسب حالتها ولو راشة دواخل او خارج أكيد السعر هيقل يعني السعر اللي هو مديهولك لو هيا فابريقة تقدر تنزله شوية لو مش فابريكة يبقى أتوصى بيه ونزل السعر لآخر ما تقدر .

بالنسبة للمروحة فيها مروحة وكويسة وكل حاجة بس أنت حط مايه (ماء) خضراء بس مش من المضروبة وهتبقى العيشة زي الفل وأسكندرية تنور بيك يا عزيزي والشرف ليا أنا ولك مني كل المودة .

[mrdownload]

معلش هتعبك معايا تاني اذاي اعرف اذا كان عداد الونو اتلعب فيه و اتقلب ولا لا عشان عايز اتأكد من الكيلوات اللى عملتها العربيه
1000000 شكر ليك
سلام

[AshTurbo]

معلش هتعبك معايا تاني اذاي اعرف اذا كان عداد الونو اتلعب فيه و اتقلب ولا لا عشان عايز اتأكد من الكيلوات اللى عملتها العربيه
1000000 شكر ليك
سلام

وديه لواحد بتاع عدادت وهيعرف بسهولة أذا كان العداد ملعوب فيه ولا سليم زي ما هو .

[loverwomens]

انا عايز معلومات عن الفيات اونو موديلها يبدأ من امتى وينتهة امتى وسعرخا كام وايه مميزاتها وعيوبها وهل شنطتها واسعة موفرة للبنزين ولا لا قطع غيارها فين وغالية ولا رخيصة ولو اشتريتها هبقى كسبان ولا خسران

[loverwomens]

d_x2008@hotmail.com

انا عايز معلومات عن الفيات الاونو بتبدأ من موديل امتى وتنتهى امتى ايه مميزاتها وعيوبها موفة للبنزين قطع غيارها اسعارها كام
وشكرا

[loverwomens]

انا عايز معلومات عن الفيات اونو موديلها يبدأ من امتى وينتهة امتى وسعرخا كام وايه مميزاتها وعيوبها وهل شنطتها واسعة موفرة للبنزين ولا لا قطع غيارها فين وغالية ولا رخيصة ولو اشتريتها هبقى كسبان ولا خسران

[amoura_2004]

فيات اونو موديل 93 ايطالي \1000 سي سي \ 107000 كيلو \ سي دي CD \ سماعات 210 watt JBL \ بطارية جديدة \ كاوتش جديد \ سنترال لوك
المكان : سموحة , الاسكندرية
للاتصال : 0105542225

[major123]

انا كان معايا اونو موديل 93 ايطالي بص العربية جميلة لكن انت بتتكلم على 1000 سي سي يعني سحبها ضعيف شوية عفشتها ناعمة ولكن مش قوية شنطتها متوسطة الحجم العيب الوحيد اللي خالني ابيع العربية هو عدم وجود مؤشر للحرارة واكثر من مرة اللمبة الحرارة تنور بس بتكون خلاص جابت جوان وش سلندر .

[amoura_2004]

في حد يحب يشترى الاونو 93 ايطالي 1000 سي سي

[semsem_uno]

حصل معانا الموقف بتاع لمبة الحرارة ده قبل كده بس كان فعلا بعد ما جابت الجوان و كل اللي اقدر اقوله انها عربية مفهاش اي عيوب و اصيلة و مفهاش غير عيب واحد انك لو مركب معاك اكتر من تلاتة علبة الشكمان هتحك معاك في المطبات بس عادي يعني هناخده علي اربع عجلات
و عفشتها مش وحشة خالص و انا كنت معايا ستة عندهم 16 لي 18 سنة و رحنا كبري المطار صد رد

و العربية ديه بتنزل من 83 لي 89 الشكل القديم اللي شبه الريجاتا من قدام و من 89 لي 2003 تقريبا شكل اللي احنا بنشوفه

و بالنسبة لعداد الحرارة ده عشان معظم الأونو عندنا اونو باسيك او اونو 45
و ممكن تركب عداد حرارة خارجي عالتبلوه في حدود 100 و شكله جامد
و الرابط ده عليه قصتها بالكامل

http://en.wikipedia.org/wiki/Fiat_Uno