إعـــــــلان

Collapse

.

,
See more
See less

السلام عليكم ازيك يا جماعه عندي اسئله عن ال128

Collapse
X
 
  • Filter
  • الوقت
  • Show
Clear All
new posts

  • السلام عليكم ازيك يا جماعه عندي اسئله عن ال128

    انا عارف اني اسئلتي كتيره عن ال 128 ووجعت دماغكم بس نعمل ايه منكم نستفيد ههههههههههههههههههه وصباح االفل
    1- كيفيه تفتيح ماتور 128 سعه 1100 سي سي علي ماتور مستعمل مش معمول ليه عمره لاني سمعت انك ممكن تفتح ماتور بس لازم يكون معمول ليه عمره طيب واذاي افتح ماتور عربيه لسه شاريها مستعمله ب معملتش ليها عمره ؟

    2- السؤال ده للمهندس سبعاوي لانه نصحني ببنزين 92 وانا كنت بحط بنزين 92 بس لما اضطرتني الظروف لوضع بنزين 90 في احدي المرات لقيت ان البنزين 90 قعد معايا اكتر من البنزين 92 لمده يوم زياده وحسيت ان اداء العربيه افضل في السحب سبحان الله عربيه وش فقر نحطلها بنزين نضيف علشان نحافط علي صحتها مش راضيه بيه ولما حطيت لها بنزين ال 90 الاقل كفاءه لقيتها مبسوطه ومرضيه وبتجري كمان ومش عارف اسيطر عليها كمان بنت الايه فعلا عربيه فقريه زاي صاحبها وعموما مدام هيا كده انا بعد كده حطلها بنزين 65 علشان تستريح وتريحني هههههههههههههههههههههه افدني يا بشمهندس سبعاوي .

    3-كيفيه المحافظه علي الديسك والاسطوانه؟

    4- ازاي اظبط كهربه العربيه وامتي ااخر الكهربه وامتي ااقدم الكهربه؟

    5- في الغيار الاول والعربيه طالعه بحس برجه خفيفه في العربيه وبعد كده العربيه بتمشي عادي جدا وانا سالت الميكانيكي قاللي ده عيب ديسك واسطوانه وواحد ميكانيكي تاني قاللي ده بدايه طقم شنبر لو سمحتم عاوز اعرف مين فيهم اللي بشتغلني علشان اطلع (...........................) نتبيه من المشرف، تم استخدام الفاظ غير مقبولة، نرجوا من العضو الكريم عدم استخدام الفاظ مماثلة

    6- عاوز تاني ولا ايه ؟ جاوب علي دول بس واديلك غيرهم هههههههههه

  • #2
    1- بالنسبة لتفتيح الموتور واضح من مجما كلامك ان الموتور مش فى حالته المثالية فنصيحة انسى قصص تفتيح الموتور دى حاليا ومتخليش احلام السرعة تقودك الى انك تفوت الموتور وتجيب اجله ، خليك شايلك لحد ما يجيلوا معاد العمرة لوحده ولا تسرع بقصف عمره

    2-بالنسبة لل128 نسبة انضغاطها مش عاليه اوى وبالتالى مش مشكلة معاها البنزين ال90، وال80 كمان لو نضيف، خدها قاعدة، اول درجة بنزين متسقفش معاك استعملها

    3-المحافظة على الديسك والإسطوانة تعتمد على انك لما تنقل تدورس دبرياج على الآخلا، وبمجرد ما تنقل شيل رجلك تماما من على الدبرياج وحطها بعيد، متريحش رجلك على الدبرياج، والحاجة التانية ان خلوص الدبرياج (غرتفاع الدواسة يكون مضبوط بحيث ان الدبرياج يفصل فى نص مشواره، لا فوق اوى ولا تحت اوى

    4- تاخير وتقديم الشرارة بيتعمل مع تسقيف العربية، يعنى نفضل نقدم الشرارة لحد ما نوصل للحد اللى عنده العربية بتسقف، وده على فكرة مش بيتعرف والعربية واقفة، انا لما كان معايا 128 كنت بقدم الكهرباء واكب واجربها ويفضل فى مطلع، لحد ما اوصل للدرجة اللى بتخلى العربية تسقف اروح مأخر الشرارة شعرة بسيطة عن حد التسقيف، وده افضل ضبط لها

    5- ممكن يكون سبب الرعشة فى الطلعة ان الدبرياش وحش وممكن يكون السبب ان عمود الكامة متاكل وممكن يكون السبب ان فيه شنبر مفوت، الفروق بين انواع الرعشة ماتتحسش غير بالسواقة، شرفنا فى المقابلة الجاية وانا بإذن الله اعرفلك سبب الرعشة دى إذا كان دبرياش وللا موتور
    [SIZE=5][COLOR=navy]سبعاوى[/COLOR][/SIZE]
    _______________________________________________

    Comment


    • #3
      to sab3awy

      يا سبعاوي انا الماتور الحمد لله حالته زاي الفل الله اكبر بس انا كنت عاوز افتحه بس هاخد بنصيحتك بلاش احسن وربنا يستر طريقنا بس متوري حالته حلوه مش وحشه زاي منتا بتقول

      Comment


      • #4
        معلش أنا آسف مش فاهم الجزئية دي سامح جهلي لاني مسوقتش ومعنديش عربية بس حابب افهم

        4- تاخير وتقديم الشرارة بيتعمل مع تسقيف العربية، يعنى نفضل نقدم الشرارة لحد ما نوصل للحد اللى عنده العربية بتسقف، وده على فكرة مش بيتعرف والعربية واقفة، انا لما كان معايا 128 كنت بقدم الكهرباء واكب واجربها ويفضل فى مطلع، لحد ما اوصل للدرجة اللى بتخلى العربية تسقف اروح مأخر الشرارة شعرة بسيطة عن حد التسقيف، وده افضل ضبط لها

        Comment

        Working...
        X