البونتو واختيارها

[megaman]

يا اخوانى اناعندى 35 سنة وغير رياضى وعجبانى البونتو جداااااا خاصة اللون النبيتى وبقارن بينها وبين اللانوس وعندى بنت 3سنيين وولد سنة ياريت حد يفيدنى بسرعة

[MohabSaeed]

البونتو اعتماديه جدا و اعطالها قليله و اقتصاديه جدا فى استهلاك البنزين
جوده تقفيلها جيدا جدا و فيها abs , Airbag .و جنوط اصلى .
بالمقارنه مع الانوس فهى احسن من الانوس فى كل شى تقريبا . فيما عادا ان موتور الانوس اقوى ... و قطع غيار الانوس منتشره بشكل اكتر طبعا .

* دلوقتى الانوس تمنها مبالغ فيه جدا " 70الف جنيه !!!! " و البونتو دلوقتى 72 الف جنيه ... و احتمال تكون رخصت عن كده كمان .. انا شايف ان البونتو تكسب فى المقارنه و اهم ميزه فيها انها تقفيل ايطالى .

[Busquets]

اخر سعر قريته فى جرنال الجمعة 68 للبونتو

اللانوس افضل لانها منتشرة اكتر

بس البونتو معمره جدا شوف من كام سنه و لسه شغاله!

و كمان فيها عوامل امان اكبر

لو محتاج الشنطة الكبيرة يبقة لانوس مش محتاج خليك فى البونتو مع العلم ان شنتطها مش صغيره

[R A N A]

هي البونتو فعلا عربية حلوة وميزتها انها ايطالي 100% بس انا لما سألت عنها قالولي صفقة رابحة بس توكيلها وقطع غيارها وصيانتها عليهم علامات استفهام ياريت حد من ملاك البونتو يفيدنا ويقولنا اخباره ايه مع التوكيل وقطع الغيار

[zeyad1810]

lبالنسبة للتوكيل فمعظم التوكيلات فى مصر اوحش من بعض وكمان غالين جدا جدا جدا يعنى الحاجة اللى ب 10 جنية برة يديهاللك ب 30 و40 يعنى استهبال واللى بيشجعهم على كدة ان الناس بتفرح انها بتعمل كل حاجة فى التوكيل رغم ان الصنايعية اللى فى التوكيل فى افضل منهم برة
المهم البونتو فعلا عربية معمرة واعتمادية وناعمة ومظهرها جذاب وحجم الشنطة بتاعها معقول
بالنسبة لقطع الغيار هى ممكن تتجاب من برة التوكيل عند الكيلانى مثلا اللى فى وسط البلد