ارجو عمل ماركة تحت اسم نصــــــــــــر..

[menabigboss]

ارجو اخراج العربية المسماه شــــــــــاهين(وياريت كمان ال128 ،131، وكل العربيات اللي كل اسمها عبارة عن رقم) من منتدي الفيات .....ووضعها تحت لينك لوحدة اسمه (نصـــــــــر)...علشان نعرف نقرأ عن موديلات فيات الحقيقية المحترمة مثل لينيا وبرافو ...وغيرها
في انتظار رأي الادارة....ورأي الزملاء في المنتدي...
وشكرا

[ahmedaly84]

الـ 131 طول عمرها فيات

[mrghost]

ارجو اخراج العربية المسماه شــــــــــاهين(وياريت كمان ال128 ،131، وكل العربيات اللي كل اسمها عبارة عن رقم) من منتدي الفيات .....ووضعها تحت لينك لوحدة اسمه (نصـــــــــر)...علشان نعرف نقرأ عن موديلات فيات الحقيقية المحترمة مثل لينيا وبرافو ...وغيرها
في انتظار رأي الادارة....ورأي الزملاء في المنتدي...
وشكرا

يعنى الشاهين وال128 و131 موديلات مش محترمه؟!!!!!!!!!!!!!!!!!!!!!!!!!!
لو حضرتك عندك معلومات عن فيات هتعرف ان العربيات دى اللى عاملها فيات وليس نصر(يعنى بالنسبه لهيونداى مثلا نعملها قسم اسمه غبور؟ !!!!! (مفيش غير الشاهين هى اللى تركى وحتى موتورها موتور فيات!!!!)

[ahmedzizo131]

العربيات الى مش عجباك دي هي اساس الفيات يا.................

[sherifahmed]

يا جماعة الخير
اكيد الراجل خانو التعبير

[mrghost]

يعنى كل واحد يشوف رخصة عربيته مكتوب فيها ايه حتى لو نفس الرقم (مثلا نصر 131 وفيات 131) يدخل القسم المخصص ليها
طيب انا عربيتى مكتوبه فى الرخصه نصر والموتور مكتوب عليه فيات اعمل ايه؟!!!!!!!!!!

[SAMER_ENGINES]

هدي اللعب شوية يا menabigboss في أيه يا عم كل العربيات اللي قلت عليها دي سواء 128 أو 131 أو شاهين أو غيره كلها فيات و موتورها مكتوب عليه فيات FIAT يعني العربيات دي من أنتاج شركة فيات أصلا و فقط تجميع شركة النصر للسيارات مش اكتر لكن مفيش ماركة سيارات أسمها نصر أو علي الأقل مفيش ماركة سيارات عالمية و معترف بها عالميا تدعي نصر (حسب ما أعرف) لكن في ماركة سيارات عالمية تدعي فيات و أعتقد و ربما يفيدنا الاخوة المشرفين الأفاضل بأن الموقع لا يعترف ألا بالماركات العالمية الشهيرة.
و مع ذلك يا جماعة يمكن الراجل يكون خانه التعبير بس.

[ahmedzizo131]

ياريت العضو ينقي الفاظة مش يقول:-


(((((((( موديلات فيات الحقيقية المحترمة )))))))) .

[menabigboss]

العربيات الى مش عجباك دي هي اساس الفيات يا.................

شكرا علي اسلوبك الراقي يا ذوق...............
واتمني من الادارة اتخاذ اللازم نحو هذة الرسالة........

[menabigboss]

ياريت العضو ينقي الفاظة مش يقول:-


(((((((( موديلات فيات الحقيقية المحترمة )))))))) .

ياريت حضرتك اللي تنقي الفاظك .....وشكرا .........
انا بتكلم علي عربيات ....وانت حولت الموضوع الي موضوع شخصي....
حاجة غريبة فعلا....
وتم ارسال شكوي لادارة المنتدي بخصوص اسلوبك.....وطريقتك في الكلام...

[moudy88]

حتى العربيات بقى فيها تفرقه عنصريه (فيات -نصر) (البيض-السود):

[menabigboss]

1- صدقوني يا جماعة انا بتكلم بحسن نية.
2- انا بقول رايي علي عربية وممكن اكون مخطيء، ولكن لا داعي للكلام في الموضوع بشكل شخصي.
3- انا بتكلم عن الموديلات الحديثة من انتاج شركة نصر مثل الشاهين وال 128 الجديدة اللي في رايي مغالي جدا في تمنها مقارنة بجودتها،وكمنتش اقصد ال 131
4- انا متقبل كل الردود في نطاق الموضوع ولكن الردود خارج الموضوع غير مقبولة اطلاقــــــا...
وشكرا

[mrghost]

1- صدقوني يا جماعة انا بتكلم بحسن نية.
2- انا بقول رايي علي عربية وممكن اكون مخطيء، ولكن لا داعي للكلام في الموضوع بشكل شخصي.
3- انا بتكلم عن الموديلات الحديثة من انتاج شركة نصر مثل الشاهين وال 128 الجديدة اللي في رايي مغالي جدا في تمنها مقارنة بجودتها،وكمنتش اقصد ال 131
4- انا متقبل كل الردود في نطاق الموضوع ولكن الردود خارج الموضوع غير مقبولة اطلاقــــــا...
وشكرا

ماشى بس برضه مش هنقدر ننكر انها فيات مهما كانت غاليه او مش كويسه
وبعدين انا قولت لحضرتك ليه مش عاملين قسم لعربيات هيونداى ونسميه ابو غالى !!!!!!!!!!

[menabigboss]

Ok...ودة رايي الخاص ولحضرتك كافة الحق ان تتفق معي او لا ...
للاسباب الاتية :-
1- مفيش موديل حاليا لفيات العالمية اسمه 128 مثلا،وحضرتك ممكن تدخل علي اي موقع لفيات علي النت وتدور عليه( ومش هتلاقيه) ولكن دة فقط اجتهاد من شركة نصر لاعادة انتاج موديل كان ناجح جدا ايام ما كانت الشركة تحت اشراف فيات .....
2- لا تجرؤ شركة نصر اطلاقا علي ان تسمي اي من موديلاتها الحــــــــــــالية بأسم فيات ...لانها ليست لها علاقة حالية علي الاطلاق بفيات الايطالية...
3- توكيل فيات الوحيد في مصر هو التوكيل التعبان اوماترا .....وهو ليس علي علاقة من قريب او من بعيد بشركة نصر..

[mrghost]

كلامك مظبوط بس برضه الحقيقه ان اصل العربيات دى كلها فيات
حكايه بقى مين اللى بيجمعها او بيقفلها دى ملهاش علاقه
لان حاليا مفيش مصانع بتجمع عربياتها فى بلد واحده
يعنى المهم اصل العربيه ايه مش مصنوعه فين
وطبعا عمر فيات ما تنتج عربيات موديلها من 1980 او قبل كده كمان
على الاقل العربيات دى مش مناسبه للبلاد التانيه لانهم بيدوروا على الشكل والراحه والنعومه
انما احنا فى مصر عاوزين عربيه قطع غيارها رخيصه وتتعمل عند اى حد مش لازم توكيل وتمشى باى نوع بنزين وطبعا تتتحمل شوارع مصر المحروسه واكيد كل ده موجود فى موديلات فيات القديمه وعلشان كده هى لسه موجوده فى مصر