لملاك السيينا 1400

[ahmedhilmy]

الاخوة الافاضل السلام عليكم رجاء من اخوكم انا مقدم علي شراء سيينا 2001 فبريكة بالكامل و عاملة 57000 كم صاحبها طالب 42000 السعر مناسب و لا كتير في حالة السسوق اللي احنا فيه دي حاجة الحاجة التانية انا شخصيا العربية عجباني بس في ناس كتير مش بتشكر فيها العفشة و التكييف سئ قوي و قطع الغيار غالية موت ايه صحة الكلام ده حتي قالوا في واحد اسمه الكيلاني هو اللي محتكرها افيدونا افادكم الله و لكم خير الثواب عنا ان شاء الله

[megoghanem]

الموديل ده معايا
العشفة ممتازة
التكييف نقطة الضعف الوحيدة، ولكن مش سيء لهذه الدرجة، هو بس نتيجته مش بتظهر في الحر الشديدن وفي عربيات كتير زي الكوري مثلا عندها برضه نفس العيب خاصة الـ1300

أما بخصوص العفشة فلو حالتها كويسة ما تخافش عليها وأي حد يقولك كلام عنها يبقى مش عارفها، أنا بقالها معايا قرب سنة ومطبات وسكك تراب ومقلقلة وغيرها والحمد لله تمام جدا ع الآخر ومنتهى الرضا

وبخصوص السعر فده معقول لو الحالة كويسة وفابريكة بره وجوه

[ahmedhilmy]

انا شاكر جدا علي الرد بس برده معلش هو موضوع التكييف بقي ضروري دلوقتي في مصر و كل الناس اجمعوا علي انه الصبح ملو ش لزمة خالص و بعدين معلش حضرتك مفدتنيش بخصوص قطع الغيار اخبارها ايه معاك

[motoxp]

بص يا سيدى انا معايا سيينا 2001 1400 سى سى عاملة 79.000 كيلو اول ما اشترتها منذ سنة فبريكة برة و جوة حالة ممتازة كانت 43.000 الف والصراحة العربية ممتازة والله العظيم ولا يعرف قيمتها الا من يشتريها سحب عالى عربية ممتازة تكييف مساءا ممتاز فى النهار متوسط توكل على الله و مش هتندم وهتبقى تدعيلى انا كنت فى نفس حيرتك والحمد لله

وبرضه صلى صلاة استخارة