قدامى 131 مو 79 ب23000 حلو ولا لا

[عزوز]

قدامى 131 مو 79 ب 23000 فابريكه جوه بس فيها شويه بارومه فى الببان والكبوت وعايزه تترش دوكو عاوز رايكو :roll:

[Nader]

بلاش ابعد عن البارومة، ولو عالجتها العربية مش هتبقى فابريكة دواخل.

[hazem_khidr]

سعرها بيقول انها مش ولا بد من رايي ابعد عنها و لو عاوز 131 تجيب اخر موديلاتها يعني 83 او 84 كده مثلا انما 79 قديمه اوي

[حسام كرم]

بلاش منها 30سنة وبارومة
حرام تدفع فيها فلوس

[sab3aawy]

لو البارومة مش طايلة قوايم او علب شاسيه او دواسة او دواخل الرفارف من اسقل او اى حزء داخل حوض المحرك(يعنى فيه بارومة فى اى مكان عينك بتقع عليه لما تفتح الكبوت، والموضوع كله بارومة فى الابواب وغطاء الكبوت فسعرها معقول لو باقى السيارة سليمة ومحركها وآلات جرها بحالة جيدة

لكن لو البارومة ماسكة فى أى حاجة من الأساسيات دى ففر من هذة السيارة كما تفر من طاعون
نصيحة لازم سمكرى يشوفها لو ناوى تشتريها

[MohabSaeed]

انا شايف ان سعرها معقول نوعا ما بالنسبة لاسعار ال 131 الحالية .... هو فعلا اهم حاجة تكون البارومة بعيدة عن الشاسية و الارضية .. غير كدة بتتظبط ..بس اهمممممممممممممممممممممممممممم حاجةةةةةةةةةةةةةةةةةةةةة تشوف الكارونة .. والموضوع دة تحتية مليون خط ... اكشف على الكارونة ... واتأكد انها سليمة .. ومش بتون ... تعرف ازاى ... اجرى بيها لغاية سرعة 80 .. وزود لحد 120 .. لو مش بتعمل صوت يبقى سليمة وتمام التمام " الكارونة تمنها لوحديها 2000 جنية " .... وشوف بردة حالة الموتور عاملة ازاى ..
هو لو خارجيا متبهدلة وفيها بارومة فى الرفارف والابواب ... بتتظبط بسهولة جدا ... فى اسوا الاحوال حتغير الرفارف وطبل الباب ... وترشها بالكامل .. وتجيبلها اكصادمين ورا وقدام وفوانيس استيراد . وباكتة جانبية ... حتلاقة العربية زى ماتكون جديدة ... طبعا مش شرط تغير كل الى انا قولت علية .. بس شوف اية الى باظ او مكسر او مبهدل منة وغيرة ... وكل حاجات ال131 الاستيراد .. نصيحة هاتها من عزبة شلبى ..." وطبعا بورسعيد احسن كمان بس طبعا بعد المسافة " ... وابعد عن الوكالة " الحرامية " .. وبالنسبة للصاج .. التوفيقية فيها كل الصاج بتاع ال131 .. رفارف طبل باب ومراية خلفية وصدر وكل حاجة حتى فرد الشاسية حتلاقيها . وبالتوفيق ان شاء اللة

[عزوز]

مشكورين يا جماعه على النصائح انا فعلا رحت لاقيت البارومه مش سايبه حته فيها وطبعا هربت علطول بعد ما دبيت المشوار

[MohabSaeed]

ان شاء الله تلاقى حاجة كويسة .. بسعر معقول ...

هية كان سعرها بيقول ان فيها حاجة .. لان اسعار ال131 " الى تتركب وشغالة " بتتراوح من 27 الف الى 35 الف جنية .
لان بيبقى فى موديلات فيها تكيف اصلى ازجاج كهرباء .. و جاية موافقة استرادية .. ومش ماشية كتير .. ودية اغلى حاجة .. وممكن توصل زى ماقولتلك ل 35 واكتر كمان .لو حضرتك معاك 28 الف .. ان شاء الله حتلاقى 131 بحالة جيدة ..او ممكن تشوف الريجاتا .. بردة عربية ممتازة .

[عزوز]

متشكر يا استاذ مهاب على ردك وادينى بدور وربنا يسهل