إعـــــــلان

**anongy** · 22-02-2009, 01:07 AM

مفيش رد لية

**motoxp** · 22-02-2009, 01:23 PM

السيينا عربية ممتازة جدا باور تحفة
زجاج امامى كهرباء
سحب كويس جدا
موتور قوى جدا
تكييف ليلا كويس نهارا ضعيف جدا
قطع غيار حسب التصنيع بيختلف السعر ففى : صينى -مصرى - تركى - المانى - ايطالى حسب الترتيب للاحسن
4 سماعات و كاسيت كلاريون ممتاز السوند فيها
مش اى حد يفهم فيها

**Sherif Sharaf** · 22-02-2009, 04:34 PM

أنا عندى سيينا موديل 2001 (يعنى بقالها دلوقتى حوالى 7 سنين)، بصراحة عربية ممتازة جداًبالنسبة لسعرها، وأنا هقولك أنطباعاتى عنها بعد 7 سنين:
* التكييف ضعيف شوية (طبعاً شحنته أكثر من مرة خلال السبع سنوات)
* عربيتى مكنتش سنترلوك وللأسف مش بيركبلها السنترلوك العادى (يعنى لازم تجيب الأصلى ويركب فى التوكيل)
* قطع غيرها رخيصة جداً بالنسبة للعربات فى نفس الفئة السعرية (كعادة كل العربيات الفيات)
* أنا عامل بيها حوالى 130 ألف ، والحمد لله لم أغير الكبالن ولا المساعدين حتى الآن.
* استهلاك البنزين فى عربيتى عالى شوية حوالى 200 - 230 كيلومتر فى الصفيحة (مش عارف ليه عالى كده مع محرك 1400)
* مكنتش أعرف إن فيه حاجة إسمها سير الكتينة بتتغير(لحد ما انقطع بعد 115 ألف كيلوواضطريت أخرط الصبابات

)
* عموماً هى عربية ممتازة ولم أندم على شرائها أبداً

.

**motoxp** · 22-02-2009, 05:44 PM

انا عربيتى 2001 و 1400 و مركب سنتروانذار ولف عن واحد فى شبرا بس خذ يوم كامل فى التركيب علشان مكن الباب على وير ورخم اوى بس الحمد لله شغال تمام
انا عامل بيها 82.000 كيلو و ممتازة غيرت سير الكاتينة عند 40.000 و الحمد لله
والله عربية بتستحمل و ناعمة اوى

**slayer** · 22-02-2009, 10:22 PM

هل فى منها اتوماتيك ؟؟؟؟؟؟
و لو حد عندو صورها الجديده يوريهلنا لأنى شفت كذا شكل ليها

**anongy** · 23-02-2009, 02:47 PM

http://صورة السينا 2008

**motoxp** · 23-02-2009, 03:56 PM

صورة السيينا الجديدة

**awazeer** · 24-02-2009, 12:09 AM

العربيه دي نضيفه جدا ومش واخده حقها في مصر خااالص
العربيه معايا بقالها تسع سنين والحمد لله شغاله كويس
موتورها قوي جدا
تكييفها حلو ومش بيخنق الموتور (بتكلم عن 1600)
ممتازه في السفر
شنطتها كبييييره
استهلاك متوسط للبنزين
عربيه لو اهتميت بيها هتشوف معاها احلى ايام حياتك
عيبها ان التكييف في عز الحر مش بيدي هواء بارد غير لما تكون العربيه ماشيه لكن لو واقفه التكييف مش هيبقى فعال
العفشه هتحتاج تربطها كل فتره لو بتمشي في طرق مكسره كتير
الثبات يبدأ يقل بعد 120
مش اي حد يعرف يشتغل فيها (لازم يكون حد فاهم فيها كويس اوي)
مجملا عربيه ممتازه وتستاهل كل جنيه يدفع فيها

**د.محمود صلاح** · 06-03-2009, 09:18 PM

أخبار السخونة ايه معاكم بالذات عند تشغيل التكييف ؟
وايه اقصى سرعة جبتها بيها ؟
وصناعتها ايه ؟ او هل هى تجميع مصرى ؟
عنوان التوكيل فين ؟ ومن فين بتجيب لها قطع غيار ؟ وفيه مكانيكى معين مخصوص للسيينا ؟
شكرا

**rrrrreee** · 10-03-2009, 11:52 AM

المشاركة الأصلية كتبت بواسطة د.محمود صلاح مشاهدة المشاركة

أخبار السخونة ايه معاكم بالذات عند تشغيل التكييف ؟
وايه اقصى سرعة جبتها بيها ؟
وصناعتها ايه ؟ او هل هى تجميع مصرى ؟
عنوان التوكيل فين ؟ ومن فين بتجيب لها قطع غيار ؟ وفيه مكانيكى معين مخصوص للسيينا ؟
شكرا

لية مفيش رد على هذة الاسئلة نفسنا نعرف شيئ عن العربية اكتر ؟؟؟؟؟؟؟؟؟؟؟؟؟؟؟؟؟؟؟؟؟؟؟

**wet7014** · 11-03-2009, 10:45 PM

المشاركة الأصلية كتبت بواسطة rrrrreee مشاهدة المشاركة

لية مفيش رد على هذة الاسئلة نفسنا نعرف شيئ عن العربية اكتر ؟؟؟؟؟؟؟؟؟؟؟؟؟؟؟؟؟؟؟؟؟؟؟

حاضر حضرتك
العربيه صناعه ايطالي تقفيل مصري في (مصانع نيسان )
بالنسبه للتوكيل
1- في شركه النيل الهندسيه في ابو رواش ( ده التوكيل القديم )
2- اوماترا في المنطقه الصناعيه جسر السويس ( التوكيل الجديد )
اما بالنسبه لاماكن قطع الغيار فموجود كيتير
1- الكيلاني و التوفقيه
2- شارع دمشق
اما بالنسبه للميكانيكي
فممكن التوكيل او المركز اللي في المطار
او امير وجوزيف
بالنسبه للسخونه مشاكلها معروفه
1- يأما كتاوت السرعه العاليه ( السرعه اللي بتشتغل لما تشغل التكييف )
2- يأما ثرموثتات الكوعه ( بيكون مصدي فبيتغير او يتشال )
اما بالنسبه للسرعه فحدث ولا حرج
العربيه غبيه
انا عن نفسي جبت اقبل كده علي الدائري 190 ومكنتش دايس الدوسه علي الاخر) وملحقتش اكمل علشان كنت هحود
و التسارع رهيب
انا عربيتي 1600 2002 (hlx)
ارجو اني اكون افدت حضرتك
و لو في اي استفسار انا في الخدمه

**wet7014** · 11-03-2009, 10:49 PM

المشاركة الأصلية كتبت بواسطة mana9wafaie مشاهدة المشاركة

بص يا باشا انا معايا سيينا 2002 Hlx اللى هيا اعلى حاجة فيها 1600 مشتريها مستعملة من واحدة كانت ركناها على طول تقريبا يعنى كانت عاملة قبل 40 الف بشوية وحاليا معايا بقلها سنتين وصلت ل 60 الف...
العربية موتور ملوش حل بجد قوى جدا وصاج مفيش منة دلوقت متلقيهوش مموج بعد فترة ولا الكلام دة خالص دة حتى السمكرية يشهدوا بكدة لما بيشتغلو فيها...
التكيف متواضع جدا فى الحر انا عن نفسة فى عز الصيف مش بشغلة لانه مش بيعمل حاجة الصبح خالص واللى قاعد ورا هيتخنق لكن بليل جامد جدا...
طبعا تسارع ملوش حل وشنطة كبييييييرة جدا انا كنت مسافر بيها فى مرة وكان معايا اربعة تانى وشنط كالية الشنطة على اخرها وجبت بيها 205 وفضلت عليها فترة على طريق الكريمات الجديد وكانت بتجمع تانى بس انت قلبى مطاوعنيش...
الثبات مش قوى بعد ال 140 بس هيا نازلة بجنوط 14 وكاوتشات 185 فدة بيدها ثبات...
المشكلة عندى غيرتلها كبالن كتير فى الفترة دى ومحدش عارف اية السبب على الرغم من انى مش بتحرك كتير بيها وفى الملفات بفصل كمان..
المجمل انها فى حدود سعرها انا فضلتها عن اللانوس والفيرنا اللى فى نفس تمنها لانها فعلا اقوى وتستحمل اكتر منهم....
ولو محتاج اى حاجة انا فى الخدمة...

يابشا ممكن يكون الاكس بتاع الكوبلن في عربيه حضرتك فيه رفا

حضرتك معلش مقاس كاوتش العربيه الاصلي 175/65 r14

**awazeer** · 12-03-2009, 02:09 AM

المشاركة الأصلية كتبت بواسطة wet7014 مشاهدة المشاركة

يابشا ممكن يكون الاكس بتاع الكوبلن في عربيه حضرتك فيه رفا

حضرتك معلش مقاس كاوتش العربيه الاصلي 175/65 r14

ممكن اسألك سؤال
هي اللي في الصوره دي عربيتك؟
ما شاء الله شكلها جامد جدا
لو كده عملت فيها ايه بالظبط وكلفتك كام؟
الصوره دي بتبين ان العربيه دي تحفه في التظبيط
سؤال تاني هو في فرق في الموتور بين ال HL وHLX ولا الاتنين واحد

Comment

إعـــــــلان

.

اخبار السيينا ايه لمحترفى فيات

اخبار السيينا ايه لمحترفى فيات

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment