الى خبراء بونتو 2009

[mmust]

من كام يوم كنت ماشى فى شارع النزهة و كان ماشى قدامى عربية بونتو 2009 لسه بكياسها و كان راكب فيها 4 العربية كانت واطية جدا جدا من ورا لدرجة اتى خفت انها تحك فى الأرض و هيا ماشيا دا طبيعى فى البونتو ولا فى عيب فى العربية دى بذات

[zeyad1810]

البونتو اصلا عربية واطية على الارض ولما بتحمل فيها ركاب بيظهر الموضوع دة اوى وخصوصا لو كانوا اوزان تقيلة

[emadosman63]

اعتقد أن فيه سيارات كثيرة لما تكون محملة توطى أكثر للأرض هذا شيء طبيعى وبخاصة اذا كانت شنطة السيارة مليانة وفيه مداخلة حديثة عاى هذا السايت لصديق اشترى السيارة حديثا سألته فيها عن هذه النقطة فذكر أنه لا يشكو من علو السيارة بالنسبة للمطبات مع خالص تحياتى

[SharpArrow]

السلام عليكم
الحمد لله انا احد مالكي بونتو كلاسيك
انا مرة سافرت و معايا 4 كمان غيري و حاجات كتير في الشنطة جدا و كان الوزن توتال في العربية حوالي 500 كجم غير وزن العربية و كانت واطية جدا فعلا بس كان عزمها مش بطال بالنسبة للوزن الوهمي ده
بس انا كان معايا قبلها لانوس 99 و لما بحملها كانت بتمشي بالعافية و بتوطى اكتر و بتبقى رخمة جدا رغم انها 1500
و ده لان العفشة في البونتو انشف من اللانوس و الفيرنا كمان
فا متقلقش ده شىء طبيعي جدا و اي عربية بيحصلها كده حتى المرسيدس و Bmw

[emadosman63]

أعتقد أنه فيه حاجة كمان وهى أن السيارة مهيأة اساسا لأستخدام أسرة صغيرة