فى مشكله عندى فى الاونو

[waelsaleh]

انا لسا جايب عربيه اونو من اسبوع بس فيها مشكله ان اى مطب الاقى العربيه بتحك منى ؟هل دا عيب فى الاونو عامه ولا فى عربيتى انا بس؟هى اونو موديل 2000 وكمان عايز اعرف من حضراتكم ميكانيكى كويس للعربيه اونو,انا ساكن فى فيصل؟معلش انا خبرتى فى العربيات قليله شويه,بتعبكوا معايا,وشكرا ليكم.

[DAHB115]

استاذ وائل ازيك انا بردوه جبت عربية اونو وبشتكي من العيب دا وكل ما يقابلني مطب اخاف منه لايبهدل العربية من تحت اظن انها محتاجه تترفع عند بتاع العفشة وانا احتمال كبير اوديها واشوف الحل واقولك لو ليها حل

[semsem_uno]

انا معايا اونو و تقريبا ماكنش بيحصل موضوع الحكة ده غير لما كلت مطب و معايا ناس فالعلبة اتفتحت و اتنت
و بعدها غيرت النص الخلفي للشكمان بواحد جديد ماركة ابو اليزيد بس بتاع اونو برده و كان عامل زي بتاع بلدها بالظبط من عند واحد بتاع شكمانات بس العيب بتاع الأونو ان علبة الشكمان مقوسة لتحت علشان بتعدي من تحت القنطرة و هي ديه اللي بتحك في المطبات
يعني من الأخر ماتركبش اكتر من تلاتة بيك و لو لقيت مطب عالي خده علي اربع عجلات
غير كدة الأونو ديه عربية ممتازة بس خسارة في الشوارع الزفت ديه

[semsem_uno]

و انا بطلب من الأدارة عمل اتحاد ملاك الأونو

[semsem_uno]

و اللي مؤيد يقول

[waelsaleh]

شكرا للى رد على الموضوع
بس من كلامكوا كده واضح ان ده عيب موجود فى العربيه
بس لو واحد وصل لحل يا ريت يقولى
انا طبعا اؤيد فكره عمل اتحاد ملاك اونو
والف شكر ليكوا

[bmw323]

أنا أؤيد فكرة اتحاد ملاك الأونو علشان الأونو بصراحة عربية جامدة
وتستاهل أتحاد ملاك فكرتك حلوة يا سمسم مشكور يافندم

[semsem_uno]

لا شكر علي واجب يا باشا

[AshTurbo]

بالنسبة لموضوع الحك في المطبات دة شائع في الأونو وفي حل ممكن تجربوه وبسيط ومش مكلف وهو أن أنت تركب كاوتشات فوق المساعدين مش فاكر الظبط اللي عملها عندي عملها أزاي وأية الكاوتشات بس هو على سكتي وممكن أسألة لو في حد مهتم والحل دة بيرفع العربية جامد والحك من تحت في المطبات بيقل كتير .

[DAHB115]

يا ريت بجد يا تربو لاني بجد متضايقة من موضوع المطبات بس لو ارتفعت شوية بالكاوتش دا مش هيكون شكلها الخارجي وحش عارف انا لسه شارياها وموضوع الحك دا بيخليني افكر ابيعها واجيب غيرها
معلش هتعبك وشكرا لاهتمامك

[Nader]

بالنسبة لموضوع الحك في المطبات دة شائع في الأونو وفي حل ممكن تجربوه وبسيط ومش مكلف وهو أن أنت تركب كاوتشات فوق المساعدين مش فاكر الظبط اللي عملها عندي عملها أزاي وأية الكاوتشات بس هو على سكتي وممكن أسألة لو في حد مهتم والحل دة بيرفع العربية جامد والحك من تحت في المطبات بيقل كتير .

فكرة الكاوتش او "العلايات" بلغة الصنايعية هتحل المشكلة
فعلاً وهترفع العربية في حدود 5سم. لكن المشكلة هتكون في
الثبات مع الجاري، ثبات العربية هيقل فوق سرعة 90 -
100، إذا كنت مش بتجري فالعلايات حل مناسب لك.

[AshTurbo]

يا ريت بجد يا تربو لاني بجد متضايقة من موضوع المطبات بس لو ارتفعت شوية بالكاوتش دا مش هيكون شكلها الخارجي وحش عارف انا لسه شارياها وموضوع الحك دا بيخليني افكر ابيعها واجيب غيرها
معلش هتعبك وشكرا لاهتمامك

لا أطلاقاً مش هيخلي شكلها وحش والأرتفاع مش هيكون كبير زي اللي في دماغك بس هيرحمك من وجع دماغ الحك في المطبات .. العربية جميلة حرام تبيعيها لأنها مش هتتعبك ومش هتكلفك كتير وفي نفس الوقت موتورها كويس وبتستحمل بهدلة يبقى خليها وربنا يباركلك فيها .

[AshTurbo]

فكرة الكاوتش او "العلايات" بلغة الصنايعية هتحل المشكلة
فعلاً وهترفع العربية في حدود 5سم. لكن المشكلة هتكون في
الثبات مع الجاري، ثبات العربية هيقل فوق سرعة 90 -
100، إذا كنت مش بتجري فالعلايات حل مناسب لك.

ممكن ترفعها كما أكتر من 5 سم ولكن بلاش تزيد عن 10 سم وبالنسبة للثبات بيقل بس مش هيكون ملحوظ عند اللي بيسوقوا بالراحة وهيوضح أكتر من عند سرعة 120 وأنت طالع بس مفيش منه قلق بأذن الله وعفشة العربية كويسة وناشفة هتستحمل أنا عندي كنت مركب مساعدين زيت وهواء يمكن دي فرقت معايا في حكاية الثبات بس الخلاصة أن بعد تركيب الكاوتشات دي العربية مش بتحك زي الأول .

[waelsaleh]

ربنا يسهل لحسن يا جماعه متعرفوش الموضوع ده بيضايق
الواحد اد ايه,كل مطب جامد العربيه بتحك منى.
انتوا عارفين يا جماعه انا لسه جايب العربيه من اسبوعين
ورحت بيها لبتاع العفشه قالى العفشه كده كويسه روح لبتاع الشكمانات رحت لبتاع الشكمانات قالى ان فيه كلبس من اللى بيمسك الشكمان مقطوع وقالى ان علبه الشكمان مشروخه من كتر المطبات اللى بتحك فيها المهم عمل الكلبس بتاع الشكمان وبردوا لسه الحكه موجوده فلو موضوع العلايات دة هيحل المشكله يبقى تمام قوى لحسن انا قربت ازهق منها

[ahmed_aly007]

انا معايا اونو مو 2000 مشكلة المطبات ظهرت عندى بس كان السبب فى المساعد الخلفى كان مهرب زيت لما غيرت المساعدين الخلفى العملية ظبطت معايا
نصيحة افحص المساعدين ولو امكن تركب جنوط مقاس اكبر افضل بكتير من تعلية المساعدين
انا مركب جنوك وبتساعد كتيييييير على ثبات العربية فى السرعات العالية وخاصة فى المنحنيات