ارجوا منكم المساعده ضروري

[micanica]

بسم الله الرحمن الرحيم

اولا يا جماعه انا اسف جدا علي ازعاجكم

مش هطول عليكم و هدخل في الموضوع
انا الصراحه عندي عربيه فيات 131 و كنت ناوي ابيعها

وانا كنت عاوز منكم انكم تتمنوا السياره لاني انا للاسف مش متابع الاسعار في ظل تقلب سوق السيارات في مصر

علي فكره العربيه انا كنت شاريها مش رشه دواخل او خوارج لكني انا رشيت العربيه بره و جوه للنظافه فقط ليس الا لكن العربيه مازالت بلون بلادها و مغيرتش فيها اي حاجه خالص

الماكينه 1300cc
2كامه
موديل 1977
اللون فضي ميتاليك
لون الصالون فضي من نفس لون السياره
التابلوه في حاله الزيرو و كله شغال
4 فرد كاوتش زيرو و الاستبن مانزلش الارض
الجنوط بتاعه بلادها
كاست +سماعتين (مكانهم في الباب زي وضع بلادها لم احفر في صاج الشماسه)
السياره بحاله نادره جدا و لم تحتاج الي اي مصاريف


لولا اني اريد ان اركب زيرو لما رغبت في بيعها ابدا

و اريد منكم الان ان تعطوا ثمنا للسياره بدون اي مجامله لاني ارغب في بيعها


و شكرا جزيلا

[amir]

لكني انا رشيت العربيه بره و جوه للنظافه فقط ليس الا لكن العربيه مازالت بلون بلادها و مغيرتش فيها اي حاجه خالص

مع احترامي ليك و لكلامك و تمنياتي انك توفق في البيع و الشراء كمان
الا ان مفيش حد بيرش دواخل العربيه نضافه

[micanica]

شكرا يا د/ امير

لكن طبعا فيه اللي بيرش العربيه نظافه

انا هقولك السبب

ان العربيه من عند الرفرف اليمين قدام من اثار الشتا و الرطوبه بدأت تظهر اثار للصداء

لكن الانسان المهمل هو اللي يترك الموضوع علي ما هو عليه

لكن انا لا استطيع ان اركب سياره فيها اي شئ غلط

و السبب التاني اني انا مكنتش بفكر ببيع العربيه لكني كنت محتفظ بيها لنفسي

ثم انا مش مخبي العربيه مه اكيد اللي هيشتريها هيكشف عليها و الحمد لله انا متأكد من سيارتي كويس اوي و متأكد ان اللي هيجي يشوفها مش هيقدر يقول فيها حاجه



بس علي فكره حضرتك انا عاوز اراء عن سعر للعربيه و لكن لا اريد اراء في حاله العربيه لاني كما قلت قبل ذلك ان حالتها نادره (اي فوق الممتاذه)


و ذلك لاني مش مهمل فيها و سواء فيها حاجه او مفيهاش انا بعملها كشف دوري كل كذا شهر


و علي العموم شكرا مره تانيه

[amir]

ربنا يوفقك في البيع و الشراء

[ahmedzizo131]

الماكينه 1300cc
2كامه


انا عمرى ما سمعة عن 1300 سي سي 2 كامة
و عموما العربية تعمل فى حدود الـ20 الف

[micanica]

الف شكر يا استاذ احمد علي اهتمامك

علي فكره انا كنت زيك كده برضه مستغرب من الموضوع ده لكني انا فحصت علي هذا الاساس اكثر من مره


بالاضافه الي ان السياره مكتوبه كده في الرخصه


و بالفعل انا حاسس ان العربيه استهلاكها في البنزين مش كتير

و اشكرك مره اخري

[ahmedzizo131]

باشا اتاكد من الافراج الجمركى اللى موجود فى ملف السيارة فى المرور .
خصارة تبعها طلما هى مش مزعلك فى حاجة .

[micanica]

شكرا للمره التانيه يا استاذ احمد
علي فكره انا معتز جدا بالعربيه بتاعتي
لكني انا الصراحه ببحث عن الكماليات
زي مثلا الباور و الزجاج الكهربائي و ايضا بعض الاشياء الاخري من الكماليات زي مثلا اريد ان يكون للسياره مفتاح واحد فقط مثل اللانسر البوما
و تلك السياره هي التي اريد شرائها بالفعل

لكن والدي يعارضني حتي الان في مسأله بيع تلك السياره

[ahmedzizo131]

انا فى اراي ممكن كل الكماليات اللي انتا عاوزها تركب على 131 مثل الزجاج الكهرباء و الباور بتاع الشاهين يركب عليها و المفتاح الواحد ، كل دى امور بسيطة جدا و ممكن تركب .
انا مركب عندي الزجاج الامامي كهرباء و عمالها سنتر و انذار مش بستعمل غير مفتاح الكنتاك .
و فى حاجة تانية قطع الغيار بالنسبة للسيارات الجديدة ببلاش لان مثلا فانوس البومة بـ الف جنيه و المقص الامامي كمان بالف جنيه و كل دة كان امام عيني علشان كانت لانسر عملة حادثة و اشترهم الحاجات دى امام و غيرها جاجات تانية .
عموما ربنا معاك و القرار قرارك .
ربنا يوفقك .

[micanica]

الف شكر يا استاذ احمد
بس ممكن حضرتك تفيدني في تكلفه الحاجات اللي حضرتك ذكرتها دي كل واححده علي حده
يعني مثلا ماكينه الزجاج اتكلفه كام و هكذا .......؟

[ahmedzizo131]

بص يا باشا :-
اولا : بالنسبة للزجاج الامامي " الموضوع كلة بيتكلف فى حدود الـ300 جنيها ( سعر ال2 ماكينة و التركيب )+ شوية مصاريف تانية ذى شراء عدد 2 زرار كهرباء و مصنعية الكهربائي ".
ثانيا : السنتر و الانذار " تقريبا فى حدود ال250 جنيها " شامل التركيب .
ثالثا : الباور " انا سالت عليه واحد بتاع عفشة و قالى هيتكلف تقريبا فى حدود الـ2000 جنيها ، بس هو خوفني منه شوية و قالى ان ممكن العربية تعوم مني " .
رابعا : الجنوط " مقاس 13 ابتداء من 700 جنيها و حتى 900 جنيها " .
خامسا :التكييف : بتكلف فى حدود ال3000 جنيها .
و اى خدمة تاني ياباشا ، عموما انا تحت امرك يا جميل .

[micanica]

ربنا يخليك لينا يا استاذ احمد
و انا اللي متشكر جدا علي تعبك معايا
و ربنا يعوض تعبك ده خير ان شاء الله

[ahmedzizo131]

باشا انتى تامر فقط ،
و ذا عزت اى حاجة تاني انا تحت امرك يا جميل .

[ahmedzizo131]

باشا انتى تأمرفقط ،
و ذا عزت اى حاجة تاني انا تحت امرك يا جميل .

[mtageldeen]

انا الصراحه عندي عربيه فيات 131 و كنت ناوي ابيعها

الحقيقة لا أنصحك بالبيع أبداً خاصة في هذ الأيام وأهم سبب أن السيارة لن تباع بمبلغ جيد
وأتوقع سعرها 15 ألف وهذا ليس بخس من ثمن السيارة خاصة أنني لا أنوي الشراء ولكن لثلاثة أسباب:

الأول:الموديل والموتور

قدم الموديل والذي لم يعد مرغوب أبداً في هذه الأيام
والموتور 2 كامة وليس كامة واحدة مما يعني إستهلاك بنزين أكثر
وأيضاً 1300 وهو أضعف من نظيره في هذا الموديل (1600)

الثاني:حالة الدواخل

السيارة رشة دواخل حتي لو كانت نظافة ولا يوجد بها خطأ ولكن هذا يبخس من ثمنها وهذه هي معايير السوق المصري
ولو كانت رشة نضافة فعلاً فهذا نصيب المشتري وخسارة للبايع (للأسف)

ثالثاً:حالة السوق

إنخفاض الأسعار عامة في هذه الأيام.


أنا كنت متابع للسوق الفترة الماضية بشكل جيد بل وإشتريت سيارة 131 لصديق لي منذ 45 يوم تقريباً

ولهذا أتحدث عن دراية ولا أنصحك بالبيع مادامت مريحاك لأن ثمنها مش هيفرق كتير في العربية الزيرو التي تنوي شرائها.

وربنا يوفقك علي أي حال.