ما الفرق بين التمبرا الايطالى والمصرى يا اهل الخبره

[Amien]

ما الفرق بين التمبرا الايطالى والمصرى يا اهل الخبره


انا بفكر جديا فى شراء تمبرا ..... وعايز لما ابص على العربيه ابقى عارف الفرق بين المصرى والايطالى ....... حد عنده مشاكل مع التمبرا يا جماعه ....... يا ريت تفيدونا ...... ولو حد يعرف الاسعار يا ريت يقولنا الرانج بتاع السعر علما بان اللى فهمته ان فى منها 1600 وفيه 1400 .... وشكرا للجميع.

[Amien]

ايه يا جدعان محدش عنده العربيه دى ولا ايه?????

[Amien]

Any answer ???

[hazem_khidr]

سوري يا استاذ امين نخدتش بالي من السؤال
التمبرا عربيه جميله جدا و المصري بتاعها من سنه 97 او 98 لحد 2000 ما انتجتش كتير يعني.
مافيش فروق بينهم الا لو الشبكه اصليه في الايطالي حتلاقي الشبكه مكتوب عليها فيات و المصري مش مكتوب عليها حاجه.
غير كده الايطالي كانت بتنزل بعدادات ديجيتال و عاده المصري كل عداداتها عاده.
عربيه جميله جدا جدا و مشكلتها قطع غيارها الخارجيه نادره شويه و غاليه يعني حاجه زي الفواني الحاجات دي انما كموتور و عفشه مش حتلاقي فيها اي مشكله ان شاء الله

[Amien]

شكرا جزيلا يا باشمهندس حازم ..... انا كنت متآكد انى حلاقى الاجابه هنا .....

[hazem_khidr]

شكرا جزيلا يا باشمهندس حازم

العفو يا باشا علي ايه بس فعلا ما اخدتش بالي من السؤال غير لسه حالا و اي سؤال تحت امرك :)

[gmgoom]

انا كان عندي فيات تميرا ايطالي موديل 94
هبدا بالمييزات لانها قليلة
الصالون بتاعها واسع
سحبها مش بطال نظرا لانها امامي
راسية على الطريق
شكلها مقبول نوعا ما في نظري احلى من الشاهين
................
عيوبهااااااااااااااااااااااااااا
قطع غيارها غير منتشرة خاصة لو انت من سكان الاقاليم
قطع غيارها غالية بالنسبة للشاهين مثلا
تخبل انى فانوس الاشارة بتاعها ب 65 جنيه مع العلم انه في الشاهين ب15 جنيه والفرق بينهم ان فانوس التمبرا اكبر شويتين
الفانوس الامامي جديد ب 265 -275 جنيه
وش فانوس خلفي ب40 جنيه
اكصدام اماي او خلفي ب275 جنيه مع العلم ان اكصدام الشاهين تقريبا ب80 - 100 جنيه
المساحات ب250 جنيه ومش بيتغير لها فرش
اهم عيب في العربية لازم تخلي بالك منه جدا
انها بتسخن ولما تسخن مش هتعرف العيب فين
تخيل انى غيرت للعربية مروحة الريداتير وعملتلها عمرة وسخنت بعدها علطول وبعدين مشيت شوية في الشتا وعلى اوائل الصيف جابت اخر مع العلم انى كنت عامل زرار للمروحة وكنت باشغلها علطول مش ياستنى لما تشتغل على الترموستات
لو عاوز تعرف العيب ده بص على قربة المية في العربيةهتلاقيها باين عليها انها بتنفخ ميه لدرجة ان المية سايبة فيها اثر من برة وده منتشر جدا في العربيات التمبرا
العفشة بتاعت العربية ضعيفة هي والمقصات
الشكمان بتاعها كان عندي في مشكلة كبيرة جدا فضلت اصلح فيه تقريبا 6 شهور كل ما اروح الحم الشكمان واغيره جوانات وتقريبا مرة ومرة باغير جوطان يبوظ تاني لحد ما عملتله بتاعه مش فاكر اسمها ايه بس هي بتوصل بين الفرن وبقية الشكمان اللي بيركب على اولها الجوانات واضطريت اعملها عمولة لاني ملقتش منها جديد لازم تشتري شكمان كامل القطعة دي مش بتتباع لوحدها

معلومات عن العربية
هي نفس شاسيه لانشيا ديدرا وكمان شاسيه الفا روميو موديلات اوائل التسعينات
فيمنها موتور 1600 وفي 1400 تقريبا او 1300
وعلى فكرة بيتسقط لها موتور 2000 سي سي بتاع اللانشيا
وفي منها اتوماتيك ما انصحكش اعطاله كتير ومش هتلاقي حد يصلحه
في منها كاربيراتير وفي انجكشن
وفي عربيات منها جميع الكماليات وفتحة سقف بس دي تقريبا بتبقى جاية من بره
انا بايع عربيتي ب34000 الف بس كانت عايزة تقريبا مصاريف 4-5 الاف جنيه
بص نصيحة لوجه الله بلاش منها ولومصمم
يبقى تجيبها نضيفة جدا وياريت تكون وارد الخارج عربيات معاقين يعني لانها بتبقى نضيفة وفي منها مرشتش جوة وبرة
اه نست اقولك هي تقريبابتدا من موديل 91 لحد96 ايطالي وبعد كده تقريبا من 97-2000 مصري
انا شصيا مش شايف ان الفرق كبير بينهم بس تقريبا المصري تزيد عن الايطالي في الصالون من جوة مخادع راس للكنبة اللي ورا ومسند يد في كرسي السائق زي بتاع ال406 تقريبا

[caysersosaih]

انا عندي تمبرا 1999 مصري
لا يوجد بها أي مشاكل
بالنسبة لفانوس الاشارة ب 25 جنيه
الفانوس الامامي كامل جديد ب 120 جنيه
فانوس امامي كامل استيراد ب 60
وش الفانوس الامامي 20 جنيه
وش الفانوس الخلفي 25 جنيه
زمان كان في مشكلة في قطع الغيار دلوقتي لا توجد اي مشاكل
المصري فيها مسند يد امامي
لو في سخونة رجع كل حاجة زي الفابريقية ولا تنسي تسليك الرادياتير
العربية في الصيف حتي مع التكييف لا تتعدي 90 درجة لو كل حاجة مظبوطة
موضوع الشكمان اللي كان عند الاخ الفاضل ده مشكلة جاويط بيتعمل عند خراط ب 10 جنيه يعني مش مشكلة اساسا
العلابية لازم تكون ايدك فيها عشان تديك نتيجة
السحب ممتاز(باطلع من عربيات جديده كتير)
الثبات فوق الممتاز بامشي بيها 190 كم/ساعه
التكييف قوي وفعال وتاتش مش بكر
عصاية الفتيس والدركسيون جلد ولو حتي العربية بقالعا 30 سنة هتلاقيهم بيبرقوا
الصاج جامد
العلربية في رأيي أفضل من عربيات جديده كتير

[semsem_uno]

انا عندي تمبرا 1999 مصري
لا يوجد بها أي مشاكل
بالنسبة لفانوس الاشارة ب 25 جنيه
الفانوس الامامي كامل جديد ب 120 جنيه
فانوس امامي كامل استيراد ب 60
وش الفانوس الامامي 20 جنيه
وش الفانوس الخلفي 25 جنيه
زمان كان في مشكلة في قطع الغيار دلوقتي لا توجد اي مشاكل
المصري فيها مسند يد امامي
لو في سخونة رجع كل حاجة زي الفابريقية ولا تنسي تسليك الرادياتير
العربية في الصيف حتي مع التكييف لا تتعدي 90 درجة لو كل حاجة مظبوطة
موضوع الشكمان اللي كان عند الاخ الفاضل ده مشكلة جاويط بيتعمل عند خراط ب 10 جنيه يعني مش مشكلة اساسا
العلابية لازم تكون ايدك فيها عشان تديك نتيجة
السحب ممتاز(باطلع من عربيات جديده كتير)
الثبات فوق الممتاز بامشي بيها 190 كم/ساعه
التكييف قوي وفعال وتاتش مش بكر
عصاية الفتيس والدركسيون جلد ولو حتي العربية بقالعا 30 سنة هتلاقيهم بيبرقوا
الصاج جامد
العلربية في رأيي أفضل من عربيات جديده كتير

+1111111

[mikology]

انا عندي تمبرا 1999 مصري
لا يوجد بها أي مشاكل
بالنسبة لفانوس الاشارة ب 25 جنيه
الفانوس الامامي كامل جديد ب 120 جنيه
فانوس امامي كامل استيراد ب 60
وش الفانوس الامامي 20 جنيه
وش الفانوس الخلفي 25 جنيه
زمان كان في مشكلة في قطع الغيار دلوقتي لا توجد اي مشاكل
المصري فيها مسند يد امامي
لو في سخونة رجع كل حاجة زي الفابريقية ولا تنسي تسليك الرادياتير
العربية في الصيف حتي مع التكييف لا تتعدي 90 درجة لو كل حاجة مظبوطة
موضوع الشكمان اللي كان عند الاخ الفاضل ده مشكلة جاويط بيتعمل عند خراط ب 10 جنيه يعني مش مشكلة اساسا
العلابية لازم تكون ايدك فيها عشان تديك نتيجة
السحب ممتاز(باطلع من عربيات جديده كتير)
الثبات فوق الممتاز بامشي بيها 190 كم/ساعه
التكييف قوي وفعال وتاتش مش بكر
عصاية الفتيس والدركسيون جلد ولو حتي العربية بقالعا 30 سنة هتلاقيهم بيبرقوا
الصاج جامد
العلربية في رأيي أفضل من عربيات جديده كتير

اؤيد كلامك
بس احب اضيف حاجة للعضو اللى بيشكى منها
مشكله التمبرا فى وجهه نظرى ان لو انت واخدها من حد مهملها هاتطلع عينك و هتقرفك عشان هايبقى لاعب فيها و تلاقيه كان عاوز يقلبها شاهين و معرفش - انا مش بقول ان الشاهين وحشه لا سمح الله مع كل احترامى لملاكها و ليها كعربيه - بس انا اقصد مثلا حاجة زى المساحات
مساحه الشاهين رخيصه جدا اظن ب 15 جنيه حاجة كده
مساحه التمبرا ب 80 جنيه وانا شاريها - بس طبعا انا شفت دى و شفت دى و الفرق شاسع بمعنى الكلمه - الفكره ان لو بصيت لحاجة التمبرامش هتلاقى منها مضروب و لا رخيص قوى زى عربيات كتير فى بلدنا زى الشاهين- لكن فى اصلى و ده نادر لما حد يشتريه وينطبق كلامى على كل حاجة تانيه فى العربيه من تيل و شكمان و فوانيس و كله كله
اللى عاوز اوصلهولك ان العربيه لو جبتها حاله نظيفه من حد محافظ عليها هتريحك قوى قوى ومتستخصرش الف ولا اتنين زياده عن السوق فى سبيل انك هاتدور و تمشى و عربيه تبقى بحاجتها الفبريكه غير كده ماتشتريش !

[yoko]

يا جماعة الموضوع بقاله ٣ سنين حرام عليكم!!!!!!!!!!

[mikology]

يا جماعة الموضوع بقاله ٣ سنين حرام عليكم!!!!!!!!!!

ههههههههههههههههههههههههههههههههههه
والله ما اخدت بالى
هههههههههههههههههههههههههه
جامده قوى قوى قوى اخر حاجة

[tantawiii79]

بلاش نقارن أسعار قطع الغيار نقارن الرفاهية و النعومة و دى أذواق المهم انت عاوز ايه من العربية قوة و نتجاهل الخشونى و التعب فى القيادة و شكل غير إنسيابى دور على الرفاهية

[isso1992]

2na 3andy tempra 1999 feha moskela fe el shakman w bets5an gamed fe el seef