حد غيرقفل شنطة الـ127 بمفتاح مشرشر من الناحيتين ؟؟

[roky]

أعتذر عن تكرار الموضوع في ورشة نايل موتورز ... لكني حسيت أنه في القسم ده هلاقي أجابات من مالكي الـ 127

أمبارح اشتريت قفل للأبواب
تركي ... بمفتاح مشرشر من الناحيتين
تمن القفل للبابين 22جنيه
وأشتريت كمان قفل منفصل (بمفتاح مختلف عن مفتاح الأبواب) للشنطة. مفتاح عادي مش مشرشر من الناحيتين. صناعة صيني و في كيس ماعليهوش أي كتابة و تمنه 28 جنيه
سألت البائع، قالي أنه الـ 127 معادش ينزلها أطقم أقفال (أبواب و شنطة بنفس المفتاح) لكن قفل الشنطة تشتريه لوحده و مفيش منه غير النوع الصيني ده .
لقيت أن القفل الصيني ده زيه زي القفل الأصلي اللي في العربية ... بيفتح بأي مفتاح ... فرحت مرجعه للراجل و قلتله ده كده مايلزمنيش ... فرضي يرجعه و قالي أن قفل الأبواب المشرشر ده كويس و مش هايفتح غير بالمفتاح بتاعه فأحتفظت بقفل الأبواب في ورقته (ولسه ماركبتوش).
معني كلام الراجل كده أن أي شنطة 127 تتفتح بأي مفتاح ... طب ما هو اللي يفتح الشنطه كده يبقي فتح العربية ... ما كانو يعملوها بأوكره وبلاها مفتاح ووجع قلب
مع العلم أن البايع ده المفترض انه محل كويس في قطع غيار الفيات و الشاهين وله سمعة ... محل له واجهه صغيرة كده في شارع السودان ، أسمه محل الحاج جلال .. بعد المحكمة بشوية وانت رايح ناحية ميدان الكيت كات
هل ياتري حد عنده فكرة عن حل لموضوع قفل الشنطة ده ...
و هل فيه نوع كويس للشنطة ؟؟ سواء بمفتاح منفصل أو بنفس مفتاح الأبواب ؟؟

أفيدونا يا أهل الخبرة

[HASSANSG]

انا من شهرين كدة اشتريت قفل للشنطة من التوفيقية وكان بـ 25 جنية وتعمدت انى اجرب مفتاح تنك البنزين عليه لانهم شبه بعض جداً بس ما رضيش يفتح مع العلم ان القفل دة صينى والمفتاح مشرشر من ناحية واحدة بس

[roky]

انا من شهرين كدة اشتريت قفل للشنطة من التوفيقية وكان بـ 25 جنية وتعمدت انى اجرب مفتاح تنك البنزين عليه لانهم شبه بعض جداً بس ما رضيش يفتح مع العلم ان القفل دة صينى والمفتاح مشرشر من ناحية واحدة بس

طب هو كان في كيس ... كان مكتوب عليه أي حاجة
أصل اللي انا جبته كان معليهوش أي حاجة ... لكن مفتاحي القديم كان بيفتحه بسهوله جدا ... أحسن من المفتاح اللي جي مع القفل كان بيعاكس

[HASSANSG]

كان فى كيس فعلا والكيس فى علبة كرتون
يمكن يكون حظى وقع فى قفل مش بيفتح على اى مفتاح.وربنا يستر ما كنش حسدت نفسى ولا حاجة

[roky]

كان فى كيس فعلا والكيس فى علبة كرتون
يمكن يكون حظى وقع فى قفل مش بيفتح على اى مفتاح.وربنا يستر ما كنش حسدت نفسى ولا حاجة

ممم علبه كرتون
واضح ان الموضوع كبير ... طب لو تتكرم و تتفتكر العلبة الكرتون كان مكتوب عليها نوع أو أي حاجة ...

و مفيش أي حسد ولا حاجة

[HASSANSG]

والله يا roky انا مش فاكر بس احسن حاجة انك تاخد معاك المفتاح اللى انت بتقول انه كان بيفتح القفل اللى انت رجعتة وجرب وانت واقف عندة لو اشتغل يبقى مش هاتشترية طبعا بس اهم حاجة سيبك من اللى هايقولك 30 و 35 والكلام دة ما تزيدش عن 25 مع انى حاسس انى اتخميت برضة وان شاء الله تقفل الشنطة وتنام مرتاح

[YaSSerwIN]

للاسف الكلام دة مش فى 127 بس

انا مفتاح الباب بتاعى كان بيفتح عربية 127 واحد صحبى وكان بيفتح عربية 132 ومفتاح التانك او الشنطة بتاعى كان بيفتح عربية 127 توب

وصباح الفل

[zaman288]

انا دوخت في الموضوع ده وشوفت مفاتيح عامله زي مفاتيح المخازن وحجمها كبير اوي والمفتاح بتاعها الاصلي صغير وبيفتح كل التنك والشنطه والبابين ولو هغير همشي بمفاتيح كتيره وواحد صاحبي معاه 27 برضه قالي هاتلها غطا وغطيها بالليل هتحميها من حاجات كتيره ومنها الحراميه كمان لان الحرامي مبيفكرش يسرق عربيه متغطيه الا فيما ندريا اما يكون متاكد ان فيها حاجه قيمه غير كده مش هيبصلها

[maka]

للاسف الكلام دة مش فى 127 بس

انا مفتاح الباب بتاعى كان بيفتح عربية 127 واحد صحبى وكان بيفتح عربية 132 ومفتاح التانك او الشنطة بتاعى كان بيفتح عربية 127 توب

وصباح الفل

ده على كده الدنيا خربانة وانا مش واخد بالى.........ربنا يستر

طاب وايه الحل انذار ولا مفتاح على الموبينة

[YaSSerwIN]

انا صاحبى بتاع ال 128 لغيتله كوالين البيبان وركبتله انذار وسنتر



وفعلا ممكن تعمل زرار صغنن كدة فى التابلوه بيفصل ويوصل البور بتاع الموبينا

و90 % الغطا بيحمى

[roky]

احسن حاجة انك تاخد معاك المفتاح اللى انت بتقول انه كان بيفتح القفل اللى انت رجعتة وجرب وانت واقف عندة لو اشتغل يبقى مش هاتشترية طبعا بس اهم حاجة سيبك من اللى هايقولك 30 و 35 والكلام دة ما تزيدش عن 25 مع انى حاسس انى اتخميت برضة وان شاء الله تقفل الشنطة وتنام مرتاح

سعادتك هو ده اللي حصل بالضبط ... مفتاحي القديم فتح القفل الجديد زي المرهم ... عشان كده رجعته .. والراجل كان ذوق و مقالش حاجة لانه كان عارف كده

انا دوخت في الموضوع ده وشوفت مفاتيح عامله زي مفاتيح المخازن وحجمها كبير اوي والمفتاح بتاعها الاصلي صغير وبيفتح كل التنك والشنطه والبابين ولو هغير همشي بمفاتيح كتيره وواحد صاحبي معاه 27 برضه قالي هاتلها غطا وغطيها بالليل هتحميها من حاجات كتيره ومنها الحراميه كمان لان الحرامي مبيفكرش يسرق عربيه متغطيه الا فيما ندريا اما يكون متاكد ان فيها حاجه قيمه غير كده مش هيبصلها

الكلام ده 100% ... أنا واحد صاحبي برضه عنده 27 و مغير الأبواب بمفاح مشرر من الناحيتين ، لكن سايب الشنطة بمفتاح عادي . و مفتاحي بيفتح عنده و العكس صحيح .
هو الغطا طبعا فكرة معقوله .. و هاتحمي بودي العربية علي الأقل .. ومش مكلفه.
بس طول ما العربية تحت البيت مفيش قلق ... القلق وأنا راكن في حتة غربية ... مش ماعقول كل ماركن العربية في أي مكان لأقفلها و أغطيها

الحل بقي اللي وصلتله الخميس اللي فات

أخدت أقفال الأبواب المشرشرة من الناحيتين و رحت للصنايعي و حكيتله المشكلة .. و قالي أركبلك قلب قفل مشرشر من الناحيتين في مكنة الشنطة اللي عندك ... و أخرطهولك علي مقاس أسنان المفتاح اللي أنت شريته جديد ...
كده بقي معاي مفتاح واحد مشرشر من الناحيتين، بيفتح البابين و الشنطة.
تمن القلب اللي خرطه عشرة جنيه ... و أجرة أيده عشرة جنيه (عشان الخراطة .. ده قعد يجي نص ساعة يخرط فيه)

وعلي فكرة هو قالي أن كل المشرشر من الناحيتين ده صيني (أياً كان المكتوب عليه تركي ولا ياباني) والتركي أو الأيطالي مفيش منه غير أبو مفتاح صغير و مشرشر من ناحية واحدة بس. عمره أطول لكن مشكلته انه كله بيفتح علي كله.

الحقيقة أنا لسه ماتأكدتش من أمان القفل اللي هو خرطه ده (عاوز أجرب عليه كام مفتاح و أشوفه هايتفتح ولا لآ) لكن هو ده أحسن حل وصلتله .. يعني ما باليد حيلة

وشكــــــــــــرااااااااً

[maka]

سعادتك هو ده اللي حصل بالضبط ... مفتاحي القديم فتح القفل الجديد زي المرهم ... عشان كده رجعته .. والراجل كان ذوق و مقالش حاجة لانه كان عارف كده



الكلام ده 100% ... أنا واحد صاحبي برضه عنده 27 و مغير الأبواب بمفاح مشرر من الناحيتين ، لكن سايب الشنطة بمفتاح عادي . و مفتاحي بيفتح عنده و العكس صحيح .
هو الغطا طبعا فكرة معقوله .. و هاتحمي بودي العربية علي الأقل .. ومش مكلفه.
بس طول ما العربية تحت البيت مفيش قلق ... القلق وأنا راكن في حتة غربية ... مش ماعقول كل ماركن العربية في أي مكان لأقفلها و أغطيها

الحل بقي اللي وصلتله الخميس اللي فات

أخدت أقفال الأبواب المشرشرة من الناحيتين و رحت للصنايعي و حكيتله المشكلة .. و قالي أركبلك قلب قفل مشرشر من الناحيتين في مكنة الشنطة اللي عندك ... و أخرطهولك علي مقاس أسنان المفتاح اللي أنت شريته جديد ...
كده بقي معاي مفتاح واحد مشرشر من الناحيتين، بيفتح البابين و الشنطة.
تمن القلب اللي خرطه عشرة جنيه ... و أجرة أيده عشرة جنيه (عشان الخراطة .. ده قعد يجي نص ساعة يخرط فيه)

وعلي فكرة هو قالي أن كل المشرشر من الناحيتين ده صيني (أياً كان المكتوب عليه تركي ولا ياباني) والتركي أو الأيطالي مفيش منه غير أبو مفتاح صغير و مشرشر من ناحية واحدة بس. عمره أطول لكن مشكلته انه كله بيفتح علي كله.

الحقيقة أنا لسه ماتأكدتش من أمان القفل اللي هو خرطه ده (عاوز أجرب عليه كام مفتاح و أشوفه هايتفتح ولا لآ) لكن هو ده أحسن حل وصلتله .. يعني ما باليد حيلة

وشكــــــــــــرااااااااً

طاب ما تفكر بالمرة تعمل الكونتاكت بنفس المفتاح علشان تبقى زى العربيات الجديدة