بعض الملاحظات على الينيا 77 حصان

[S.S.E]

التكيف مش قوى لازم افتحه على الاخر لحد ما احس به
وتانى حاجه بيأثر على سحب العربيه قوة (العزم)
واخيرا العربيه بعد التليين بدأت تسحب وتشد بها مع اى عربيه.

[SeiffoZ]

التكيف مش قوى لازم افتحه على الاخر لحد ما احس به
وتانى حاجه بيأثر على سحب العربيه قوة (العزم)
واخيرا العربيه بعد التليين بدأت تسحب وتشد بها مع اى عربيه.

الفيات و التكيف ... حاسس إن فيات فى التكيف مش قد كده ... بس ليه؟؟؟ ولا إنهم مش بيهتموا بالتكيف عشان مش محتاجينوا قوى فى عربياتهم ..
على فكرا فى عضو تانى علق على التكيف قبل كده ..
هو بيقول كويس بس لو فى حاجة ممكن يتلكك يبقا التكييف

[lolo2884]

انا علقت علي التكييف بس دلوقتي كويس معايا ومش بيأثر في السحب بتاع العربيه

[nnff909909]

أي واحد بيعلق على التكيف أكيد كان راكب ياباني ومتعود على تكيفوه ............ اللي في العربيات الياباني مش تكيف دا فريزر :d

[abou_ruqi]

انا علقت علي التكييف بس دلوقتي كويس معايا ومش بيأثر في السحب بتاع العربيه

حضرتك معاك عربيه إيه؟؟

ويا ترى الموضوع ده في اللينا بس والا في البونتو كمان ؟

[lolo2884]

حضرتك معاك عربيه إيه؟؟

ويا ترى الموضوع ده في اللينا بس والا في البونتو كمان ؟

معايا لينيا العربيه كويسه اسف معرفش حاجه عن البونتو

[maka]

اولا مبروك على العربية وربنا يديك خيرها ويكفيك شرها

تانيا ممكن تروح للتوكيل يرجعلك على الوصلات وشحن الفريون

[abou_ruqi]

معايا لينيا العربيه كويسه اسف معرفش حاجه عن البونتو

طيب ما تعملولنا تقييم لللينيا طالما في اعضاء عندهم منها !

[mahmoudzaied]

العربية دى عاجبنى شكلها جدا
بس سعرها غالى وكمان مش منتشرة ودا مخوفنى منها
انا مستنى حد يكون معاه العربية ويعمل تقييم شامل عنها

[NaviGator_13]

العربية مشكلتها حاجتين
قطع الغيار و ضعف الماتور
والتوكيل السيئ !!!

[S.S.E]

كان فى اعلان فى اخبار السيارات اليوم عن انشاء وافتتاح معرض وعلى ما اعتقد توكيل ويوجد فيه صيانه مجانيه من 7 حتى 15 مارس على موديلات فيات الجديد الاعلان موجود فى جريدة الاخبار السبت للسيارات

[Ahmed.Adel]

السلام عليكم

ايه أخبار العربية من ناحية الركوب و الاحساس بالمطبات و الحفر الصغيرة( العفشة مريحة ؟) . و من ناحية عزل الصوي الخارجي ؟

وشكراً مقدماً

[S.S.E]

ركوبه العربيه من حيث الصالون واسع ومريحه جدا تناسب جميع الاحجام وهى فى حجم الميجان اما المطبات فى الاول طبعا نشفه اما بعد التليين مريحه اكتر ومش اى نقره او حفره صغيره بحس بها يعنى عندنا مثلا فى حلوان نقر صغيره مبحسش بها
اما العزل وانا قافل زجاج العربيه مبسمعش صوت الضوضاء خارجى اما صوت المتور بسمعه لحدإ ما
واى سؤال انا فى الخدمه.

[abou_ruqi]

ركوبه العربيه من حيث الصالون واسع ومريحه جدا تناسب جميع الاحجام وهى فى حجم الميجان اما المطبات فى الاول طبعا نشفه اما بعد التليين مريحه اكتر ومش اى نقره او حفره صغيره بحس بها يعنى عندنا مثلا فى حلوان نقر صغيره مبحسش بها
اما العزل وانا قافل زجاج العربيه مبسمعش صوت الضوضاء خارجى اما صوت المتور بسمعه لحدإ ما
واى سؤال انا فى الخدمه.

التسارع اخباره ايه ؟

[Ahmed.Adel]

ألف شكر أستاذ S.s.e
وعلى فكرة أنا كمان ساكن في حلوان