رابطة مالكي وعشاق التمبرا (الجزء الأول)

[adelco]

انت تأمر يا عادل باشا انا ممكن اجيلك تحت البيت حتى لو فى الهند و أروح اعملك العربية و أطوقها كمان بس انت هات مية زمزم ههههههههههههههههه بجد يا عدول انت ـامر يا ريس الترصيص العجلة الواحدة بتترصص ب 5 جنية او 6 جنية حسب المنطقة و المنظف انت قصدك انهى واحد عايز منظف الكربراتير و لا منظف دورة البنزين الى بيتحط فى التانك انا أرشحلك و أفضل منظف الكاربراتير الانجيكشن نتيجة فورية من أول 100 متر سواقة

السلام عليكم
ازيك يا جدو عامل ايه
والله يا اخى انت هترفدنى من الشغل
عموما انا اقصد منظف دورة البنزين
وانا الكربراتير بتاعى عاده مش انجكشن
انت نسيت ولا ايه

[ZALABANY]

صباح الجمال يا شبابا اخبار المانجة ايه يا عدول احان كل سنه بنروح العبور ونسمع انها ممكن تكون ارخص من الاسماعيلية كمان ايه الاخبار هناك وكنت بتصطاد في القناه ولا فين وايه اخبار الصيد برده

[heshamzaky]

السلام عليكم
ازيك يا جدو عامل ايه
والله يا اخى انت هترفدنى من الشغل
عموما انا اقصد منظف دورة البنزين
وانا الكربراتير بتاعى عاده مش انجكشن
انت نسيت ولا ايه

ازيك يا عادل يا ابنى عامل اية ههههههههههه يا باشا انا عارف ان العربية عند كاربراتير وانا مصر على انك تجيبة حا يعجبك يا عدولة بالنهاية هو منظف مش اختراع يعنى و الانجيكشن فى التمبرا مش واو يعنى عادى و طبعا انا فاكر عربيتك كويس بأمارة الغطاء الكاوتش الى حطيتة مكان المساحة الناقصة اية رأيك يقى هههههههههههههههه

[galilio_mad]

اتش , هو ده المنظف اللى بقولك عليه

اسمه Prestone من كالتكس اللى على ناصية عباس العقاد و مصطفى النحاس
اخر مرة جبته من سنة و شوية كان ب50ج بس لو جربتة حيعجبك قوى و شغال كربراتير و انجكشن

[Bonanza]

صباح الخير

ده للكربراتير ولا للانجيكشن يا جاليليو ، ولا يمشي الاتنين

[heshamzaky]

صباح الجمال يا شبابا اخبار المانجة ايه يا عدول احان كل سنه بنروح العبور ونسمع انها ممكن تكون ارخص من الاسماعيلية كمان ايه الاخبار هناك وكنت بتصطاد في القناه ولا فين وايه اخبار الصيد برده

صباح الفل يا زلبانى صيد اية يا عمى بيقولك اصطاد سمكة one fish only خلينا فى المانجة هههههههههههههههههههههههههههههههههههههههههههههههههه ههههههههه

[heshamzaky]

اتش , هو ده المنظف اللى بقولك عليه

اسمه prestone من كالتكس اللى على ناصية عباس العقاد و مصطفى النحاس
اخر مرة جبته من سنة و شوية كان ب50ج بس لو جربتة حيعجبك قوى و شغال كربراتير و انجكشن

انت محرض يا باشا يعنى (((( هو يستاهل فعلا )))))))))) هههههه و بعدين عاوز منك طلب بليز ممكن لو عندك برنتر تطبع لى كل اكواد الموتور و العربية بتاعتى معلش حا اجيبلك سندوتش فول هدية و بجد يا جاليليو جرب منظف الانجيكشن الاسبراى و ادعيلى بيشيل كل الكربون الاسود و السحب بيبقى ناعم قوى و شكرا ليك يا معلمى على الصورة

[adelco]

صباح الجمال يا شبابا اخبار المانجة ايه يا عدول احان كل سنه بنروح العبور ونسمع انها ممكن تكون ارخص من الاسماعيلية كمان ايه الاخبار هناك وكنت بتصطاد في القناه ولا فين وايه اخبار الصيد برده

السلام عليكم
ازيك يا باشا
والله زمان
كل سنه وانتوا طيبين انا كنت عاوز اجيب مانجه لرمضان
اللهم بارك لنا فى شعبان وبلغنا رمضان
بص يا سيدى الغرض الاساسى كان المانجو والفرعى كان الصيد
لكن للاسف المكان اللى كنا رايحين نشترى منه المانجه ما كانش فيه اللى انا عاوزة
فاضطريت اشترى كرتونه فقط مانجو سكرى عملت حوالى 15 كيلو الكيلو ب 6 جنيه وبعدين طلعنا على الصيد
ورحنا مكان كده عبارة عن حوض حوالى 2 او 3 فدان بملا بالمياة لرى الاراضى
وبدانا الصيد قبل المغرب بحوالى ساعه
وجبنا كميه سمك كويسه جدا بس الاحجام مش كبيرة يمكن ده لاننا لسه مش عارفين نضبط المكان لاننا اول مرة نروحه
وان شاء الله هروح مرة تانيه بس مش علطول

[adelco]

انت محرض يا باشا يعنى (((( هو يستاهل فعلا )))))))))) هههههه و بعدين عاوز منك طلب بليز ممكن لو عندك برنتر تطبع لى كل اكواد الموتور و العربية بتاعتى معلش حا اجيبلك سندوتش فول هدية و بجد يا جاليليو جرب منظف الانجيكشن الاسبراى و ادعيلى بيشيل كل الكربون الاسود و السحب بيبقى ناعم قوى و شكرا ليك يا معلمى على الصورة

السلام عليكم
الله ينور عليك يا جاليليو
احفظ بقى يا هشام عشان انت اللى هتجيبهولى

[JUVENTUS]

كويس جدا كدة بص الشحن بحوالى 120 جنية و اشحن فريون 134 بلاش فريون 406 دة بيبوظ الكباس انا دفعت مصنعية 150 جنية فك و تركيب التابلوة يعنى انت فى الرينج المعقول مرة رحت ل محلين فى مدينة نصر شيوخ منصر عاوزين فك و تركيب تابلوة بس 250 جنية

بيني و بينك الجماعة بتوع التكييف دول في كتير منهم نصابين للاسف هما و بتوع الفرامل برضو مش عارف ليه

[heshamzaky]

السلام عليكم
الله ينور عليك يا جاليليو
احفظ بقى يا هشام عشان انت اللى هتجيبهولى

عدولة هو كدة حا تلاقية فى اى محطة بنزين نظيفة مثل كالتكس او موبيل بس 50 جنية كتير شوية و لازم افهم من جاليليو هو حا يتحط على تفويلة تانك بالكامل

[heshamzaky]

بيني و بينك الجماعة بتوع التكييف دول في كتير منهم نصابين للاسف هما و بتوع الفرامل برضو مش عارف ليه

اية الى حصل حد نصب عليك فى حاجة بتاع التكيف يعنى و بص لو عرفت تروح معاة العزبة روح حا تعرف مكان جديد و تتفرج على حاجة ما شفتهاش من قبل تضاف الى خبرتك

[JUVENTUS]

اية الى حصل حد نصب عليك فى حاجة بتاع التكيف يعنى و بص لو عرفت تروح معاة العزبة روح حا تعرف مكان جديد و تتفرج على حاجة ما شفتهاش من قبل تضاف الى خبرتك

واحد قريبي وصفلي واحد و بالرغم من اني كنت هروح للراجل اللي انا اعرفه قلت اسأل مش خسران حاجة المهم كان عاوز ياخد 250 فك و تركيب بس و يقولي دي تمبرا التبلوه بتاعها صعب مش زي الكوري و الياباني بيبقو اسهل

[galilio_mad]

عدولة هو كدة حا تلاقية فى اى محطة بنزين نظيفة مثل كالتكس او موبيل بس 50 جنية كتير شوية و لازم افهم من جاليليو هو حا يتحط على تفويلة تانك بالكامل

كل انواع المنظفات لازم تتحط على تنك كامل , تفضى العبوة الاول و تفول التنك بعد كده

و هو غالى عشان العبوة كبيرة و فعالة قوى , و كده كده انت بتحط المنظف كل سنة و لا حاجة فمش بتفرق سعرة كام


و على فكرة , رش الاسبراى فى الكربراتير او ال Throttle Body و هو راكب قصة فاشلة
بمعنى انك بتشيل الوساخة و الكربون اللى ظاهرين بس , النظافة الصح انك تفكه بره و تفرتكه و تديله اسبراى و تجمعة و حيبقى احسن بكتيييير من الرش الظاهرى

ده غير ان ساعات بيكون فى حاجات خشنة زى التراب او ذرات كربون كبيرة بتنزل جوه الموتور و فى احتمال انها تعمل مشكلة ( احتمال ضعيف بس موجود )

[heshamzaky]

كل انواع المنظفات لازم تتحط على تنك كامل , تفضى العبوة الاول و تفول التنك بعد كده

و هو غالى عشان العبوة كبيرة و فعالة قوى , و كده كده انت بتحط المنظف كل سنة و لا حاجة فمش بتفرق سعرة كام


و على فكرة , رش الاسبراى فى الكربراتير او ال Throttle Body و هو راكب قصة فاشلة
بمعنى انك بتشيل الوساخة و الكربون اللى ظاهرين بس , النظافة الصح انك تفكه بره و تفرتكه و تديله اسبراى و تجمعة و حيبقى احسن بكتيييير من الرش الظاهرى

ده غير ان ساعات بيكون فى حاجات خشنة زى التراب او ذرات كربون كبيرة بتنزل جوه الموتور و فى احتمال انها تعمل مشكلة ( احتمال ضعيف بس موجود )

انا مقتنع بكلامك بس علشان تفك المانفول و الانجيكشن او الكاربراتير شغلانة مش فى الفك بس لازم العربية تبقى باردة تماما علشان ما فيش حاجة تقفع و تعرف تنظف براحتك بس شغلانة يا معلم انت عاوز فك زى كدة الاول و بعدين تفريكة صح هههههههههههههههههههههه بس انا جربت انظف و الموتور مطفى بتدور بعد شوية و لو الموتور داير شد و زود من سلك البنزين حا تطلع بلاوى بس الريحة بتاعت العادم بتبقى جامدة