رابطة مالكي وعشاق التمبرا (الجزء الأول)

[galilio_mad]

يا جماعه انا بدأ يظهر عندي عيب في العربيه...

لما بكون في مكان زحمه وبدوس دبرياج كتير علشان انقل وافصل بلاقي بعد شويه ان في رعشه جامده في بداية التحرك..

ده طبعا عيب طقم الدبرياج الفاليو اللي ما كملش سنه!!!!

اللي عايز اعرفه ايه اللي بيخلي الدبرياج يعمل كده لما يسخن؟ (التفسير العلمي)..

هى القصة بالعكس , الاسطوانة و الدسك لما بيسخنوا بيرعشوا
و الطبيعى انهم يسخنوا من دوس الدبرياج كتير , و اللى يسخن المجموعة اكتر انك تدى غيار و تفضل دايس دبرياج
يعنى لو واقف لاى سبب المفروض تسيب العربية ممورة

اللى مش طبيعى انهم يرعشوا , و ده راجع زى ما قلت انت لمجموعة الدبرياج
و كده يا الاسطوانه فيها ريجة ( عالى و واطى ) او سوست الدسك ضعفت

بس تعايش مع الموقف , و سايسها بالدبرياج , حرام تفك وتغير عشان الرعشة بس

[mikology]

انا عندى حكايه الرعشه دى بردو و كمان الدبرياج عالى و تقيل فحت
عاوز اغيره
اجيب انواع ايه كويسه و يتستحمل ؟؟

[heshamzaky]

انا عندى حكايه الرعشه دى بردو و كمان الدبرياج عالى و تقيل فحت
عاوز اغيره
اجيب انواع ايه كويسه و يتستحمل ؟؟

بص فية نوع ب 450 جنية تقريبا المجموعة كلها فى علبة واحدة الميكانيكى و بتاع قطع الغيار بيشكرو فية و فية نوع المانى عند الكيلانى تقريبا اسمة لوك ب 650 جنية حاجة كدة مش متأكد بالظبط

[mikology]

تمام يا رياسه
هو نفس الطقم ده هو هو بتاع الشاهين قال ؟؟

[heshamzaky]

تمام يا رياسه
هو نفس الطقم ده هو هو بتاع الشاهين قال ؟؟

صطق بتاع الشاهين اية مش فاهم الموضوع وضحلى الصورة

[mikology]

انا اقصد الديسك و البليه و الاسطوانه - الطقم كامل ده - هو هو اللى بيركب فى العربيات الشاهين ؟

[heshamzaky]

انا اقصد الديسك و البليه و الاسطوانه - الطقم كامل ده - هو هو اللى بيركب فى العربيات الشاهين ؟

مش عارف اذا كان هو و لا لآ بس الطقم لما بتشترية بتقول للراجل عاوز طقم للتمبرا و على فكرة فية نوع ب 350 جنية تقريبا

[heshamzaky]

ميكو انا سألت عند الكيلانى دلوقت الطقم ال لوك الالمانى ب 450 جنية و هو هوة بتاع التمبرا و الانشيا

[heshamzaky]

ازيك يا اسامة عامل اية يا باشا و مختفى فين عادل بيسلم عليك و على الناس كلها

[JUVENTUS]

ازيكو يا جماعة الرابطة وحشتني اوي
الحمد لله خلصت مناقشة مشروعي في الكلية و هو ده اللي كان شاغلني عنكو

[galilio_mad]

ميكو انا سألت عند الكيلانى دلوقت الطقم ال لوك الالمانى ب 450 جنية و هو هوة بتاع التمبرا و الانشيا

يفضل تفك الطقم القديم و تجيب زيه

الاسطوانة بتبقى واحدة , الدسك فى شكلين او ثلاثة و بيختلف فى اماكن الاخرام بتاعة الفلام
المشكلة الكبيرة بتبقى فى البلية ودى بالذات لازم تجيب زى القديمة

الطقم الالمانى ده كويس ولو هو ده اللى فى العلبة الصفرا حيبقى تمام عن تجربة مع كذا حد

[mikology]

شكرا يا اتش
شكرا يا جاليليو - عاوز اسالك على حاجة صحيح - انا امبارح اشتريت منظف دوره بنزين اسمه stp على ما اتدكر هو ب65 جنيه من بنزينه وطنيه هو امريكى - دورت على اللى انت كنت حاطت صورته مالقيتهوش
المهم بقى دلوقتى اغير فلتر البنزين قبل ما احطه ولا بعد ما احطه - مع احتمال اكتشاف ان الفلتر عمره ما اتغير ( الفلتر الاوريجينال ) وهل من الاحسن احط فلتر تانى من ابو 5 جنيه قبل الكربراتير على طول ؟؟
عشان عندى اليومين دول كل شويه لمبه الانجيلكشن تنور و ممكن العربيه تبطل - فشكل الدوره معفنه كده - مع انى بحط 92 - بس شكل الدوره ماتنضفتش بقالها زمن

[galilio_mad]

شكرا يا اتش
شكرا يا جاليليو - عاوز اسالك على حاجة صحيح - انا امبارح اشتريت منظف دوره بنزين اسمه stp على ما اتدكر هو ب65 جنيه من بنزينه وطنيه هو امريكى - دورت على اللى انت كنت حاطت صورته مالقيتهوش
المهم بقى دلوقتى اغير فلتر البنزين قبل ما احطه ولا بعد ما احطه - مع احتمال اكتشاف ان الفلتر عمره ما اتغير ( الفلتر الاوريجينال ) وهل من الاحسن احط فلتر تانى من ابو 5 جنيه قبل الكربراتير على طول ؟؟
عشان عندى اليومين دول كل شويه لمبه الانجيلكشن تنور و ممكن العربيه تبطل - فشكل الدوره معفنه كده - مع انى بحط 92 - بس شكل الدوره ماتنضفتش بقالها زمن

طبعا تغيرة قبل المنظف

و غير الفلتر الاصلى بواحد زيه و مالوش لزمة التانى , حيقلل ضخ البنزين شوية

بس نصيحة هات اخو الاصلى بالضبط عشان بيركب بافيز فى جسم العربية من تحت
و الانواع التانية حتشتغل بس تركيبه حيبقى كفتة
و تقريبا انا كنت جايبة ب65ج

و طالما اللمبة بتنور , شيك بالمرة على البوجيهات و فلتر الهوا

[mikology]

فلتر الهوا انا شيلته خالص من ساعه ما قولتلك على حوار الفلتر الرياضى ههههههههههه
هابص بردو على البوجيهات بس انا مغيرها من 6 شهور كده

[caysersosaih]

اولا شكرا يا جاليليو انا الاسبراتير ما بيتظبطش وال digiplex مش عليه مشط

بالنسبة لطقم الدبرياج انا غيرته من 7 شهور عشان موضوع الرعشة بس الس راكب فيها كان الفابريقة وكان شغال بقاله 11 سنه (خلي بالك من الكلام يا ميكولوجي عشان في عربيات جديده بتغير الكلام ده بدري)
المهم الميكانيكي قالي الفاليو بيرعش ماتجيبوش كان ب 350 جنيه
الكيلاني كان عنده لوك ألماني ب 450 جنيه وكان بيقول عليه نضيف
انا جبت الأصلي ايطالي من الكيلاني ال3 في علبة واحدة زي بتاعه التوكيل Ricambi Originali
ب 680 جنيه بس حاجة تانيه خالص خالص خالص