رابطة مالكي وعشاق التمبرا (الجزء الأول)

[heshamzaky]

يا زلبانى للأسف دى المقاطع الى عندى من الصور انا زى ما قلت لك ما لمستهوش قبل كدة و علشان كدة ما عنديش غير مقاطع الصور دى يمكن جاليليو يعرف يشرح عليهم و الصور حا انزلها بس النت بيعلق شوية

[kdosoki]

الدينامو بـ 150 جنيه

[ZALABANY]

تسلم يا جاليليو باشا على فكره انا مش بشكك في كلامك انا بس عايز افهم عشان لما اروحله اقوله يفكه ازاي عشان امباع طلع عنينا وموضوع ال90 امبير ده كوبي عشان ما كنتش عارفه

[aliit]

كلامه صح بس خليه يحاول ينضفها الأول
ودي صورتها
علي فكرة دي موجوده في الكاربيراتير بس
هي البلاستيكة الي زي الفراشة الي داخل فيها خرطومين

ياباشا متشكر على ردك وعلى الصوره الحلوه دى بالظبط هيا دى اللى عندى انا ان شاء الله هروح للكهربائى واصلحها او اشترى واحده تانيه بس هيا سعرها كام وهل لو بايظه التكييف ميشتغلش خالص يعنى الطابلوه بينور لما بشغل التكييف بس مفيش هوا ولا صوت للكمبروسور خالص فهل منها بس وشكراااااااااااااا

[aliit]

الهرباء عاليه ظبطها وغير البوجيهات

انا ان شاء الله هغير البوجيهات هجيب البلاتينيوم زى ماقرات فى الرابطه وان شاء الله هظبط التاكيهات بس مش عارف اعملها فين الميكانيكى بيقولى هعملهالك

[heshamzaky]

زلبانى دى الصور بعد عذاب فى عملية رفع الصور

[heshamzaky]

انا ان شاء الله هغير البوجيهات هجيب البلاتينيوم زى ماقرات فى الرابطه وان شاء الله هظبط التاكيهات بس مش عارف اعملها فين الميكانيكى بيقولى هعملهالك

أنا بظبط التاكيهات عند الخراط مش الميكانيكى الميكانيكى ممكن ما يعرفش يظبطها و التاكيهات بتاعت التمبرا بيقولو عليها طبق زى قواشيط الطاولة كدة

[galilio_mad]

اية دة يا رجالة الله ينور يا هندسة و بجد مية مية عاش يا بطل انت مخربش يا جاليليو لو المدرسة القديمة بتاعتك خرجت رجالة كدة أن شاء الله انا مطمئن على أدهم و عمر ههههههههه تسلم يا معلم

ربنا يخليك و يخليلك ادهم و عمر و يباركلك فيهم ان شاء الله

و الله يا اتش الموضوع و ما فيه انى فعلا كل ما اروح اصلح حاجة عند ميكانيكى يخربلى حاجة تانية
بجد والله مش تهريج

حاحكيلك ,

مرة عملت شوية شغل فى العفشة و تانى يوم و انا بالف فى ميدان تريومف لقيت العجلة الشمال بتفتح زى التاكسيات كده
انزل الاقى صباع البيضة بتاعة المقص هربان من الصرة , و المسمار فى مكانة
و الكلام ده فى رمضان حوالى الساعة 4 و الفطار كان تقريبا 6
و لك ان تتخيل انى كلمت الميكانيكى و ربنا يسامحنى فطرت عليه من الكلام اللى قلته
و انزل يا عم ارفع العربية و لصم الدنيا و هاتها على جنب و كمل شغل
اتارى الزفت الميكانيكى قعد يدق على المسمار و مسح السن و بالتالى الصباع هرب منه

مرة تانية يوم علبة الدركسيون , بعد ما رحت صلحتها فى شامبليون رجعت عشان الميكانيكى يركبها
مبدئيا بعد ما مشيت اكتشفت انه كاسر مشترك الفاكيوم البلاستيك
و الكارثة ان الدركسيون من بيقفل و لا الكلاكس شغال
رجعتله قاللى انا ماليش دعوة و مجتش جنب الدركسيون , شتمته و سبته و مشيت
و فك يا عم و فور الرقبة و عمود الدركسيون , الاقى البيه مش مركب المشرشر بتاع العمود فى العلبة
طبعا بكده الدركسيون كان طالع برة و ولا بيقفل و لا الكلاكس ملمس صح
و برضو عملته بايدى

كله كوم و يوم المقصات ده كان كوم , كنت مسافر شرم يوم سبت و من يوم الاتنين باروح للميكانيكى يقوللى مش فاضى اروح للتانى يقولى مش فاضى
جيت يوم الخميس بليل رحت لابس جينز قديم و تى شيرت منتوش و رحت نازل مدخلها الجراج بتاعنا و رافعها على حمالات حديد و اديها شغل لغايه الصبح , طلع نمت ساعتين و صحيت ضبطت زوايا و رجعت كملت نوم و سافرت تانى يوم الصبح

و عندك الابواب و الشنطة و تعديل الفرامل و تنضيف المانيفولد و احتمال اجيب زرجينة سوستة و اغير المساعدين بايدى كمان


و بالمنظر ده تلاقينى تقريبا فكيت كل حاجة فى العربية و الحمد لله

[caysersosaih]

ياباشا متشكر على ردك وعلى الصوره الحلوه دى بالظبط هيا دى اللى عندى انا ان شاء الله هروح للكهربائى واصلحها او اشترى واحده تانيه بس هيا سعرها كام وهل لو بايظه التكييف ميشتغلش خالص يعنى الطابلوه بينور لما بشغل التكييف بس مفيش هوا ولا صوت للكمبروسور خالص فهل منها بس وشكراااااااااااااا

التكييف يشتغل من غيرها بس rpm مش هيكون مظبوط
علي فكره كلامي انا وزلباني مش متناقض عشان في خرطوم بيطلع من الفراشة دي ويخش الجفرنر بتاع الكاربيراتير بس دي الأسها انها تبوظ
حتي لو الاتنين بايظين التكييف والكمبريسور بيشتغلوا عادي

[galilio_mad]

زلبانى دى الصور بعد عذاب فى عملية رفع الصور

هى دى يا اتش , الله ينور عليك

زلابانى , المفروض فى الحتة دى فى بلاستيك حماية و لما بيتفك بيسيب الفراغ اللى انت شايفه ده
تجيب الدينامو شمال فى قدام و يطلع من قدام المقص
بس بيحتاج مسايسة شوية عشان ما يتزنقش

[galilio_mad]

اه و بالمرة

باغير الزيت و الفلاتر و تيل الفرامل و البوجيهات و الجوانات و الطنابير و بارجلش فرامل ورا
و عندى اللقمة بتاعة الكبالن بس لسه ما عملتهاش بايدى :))

[heshamzaky]

هى دى يا اتش , الله ينور عليك

زلابانى , المفروض فى الحتة دى فى بلاستيك حماية و لما بيتفك بيسيب الفراغ اللى انت شايفه ده
تجيب الدينامو شمال فى قدام و يطلع من قدام المقص
بس بيحتاج مسايسة شوية عشان ما يتزنقش

و عليك يا معلم انت ميكانيكى شاطر جدا كدة انت عارف بقى انا اخويا اكبر منى ب 3 سنين بس كان بيحب العربية و بيشتغل فيها بايدة و طبعا احنا كنا صغيرين عيال كدة 15 سنة و 18 سنة و طبعا كنا بنعمل مصايب بالعربية و بعدين نصلح ما يمكن أصلاحة و لازم نركن العربية مكان ما كانت راكنة بالظبط تحت البيت علشان محدش يعرف أننا بنركبها بس زمان يا باشا الشارع كان فاضى مش زحمة لدرجة انك ما تعرفش تركن فردة كاوتش واحدة مش عربية

[heshamzaky]

اه و بالمرة

باغير الزيت و الفلاتر و تيل الفرامل و البوجيهات و الجوانات و الطنابير و بارجلش فرامل ورا
و عندى اللقمة بتاعة الكبالن بس لسه ما عملتهاش بايدى :))

انت غاوى عدة بقى هو مقاس المفتاح دة 22 تقريبا و لا غلط اخويا كان جايب كمية عدة تفتح ورشة و مفتاح بوجيهات و لقم و مفاتيح بلدى و مشرشر ههههههههههههه

[reemnabel]

تعبت من قرايه المشاركات ال فاتت هكمل بكره بقه عشان بجد فى حاجات كتير محتاج يترد عليها
وشطرا لكل ال سال عليه فغيابى ربنا يبارك فيكم

[heshamzaky]

تعبت من قرايه المشاركات ال فاتت هكمل بكره بقه عشان بجد فى حاجات كتير محتاج يترد عليها
وشطرا لكل ال سال عليه فغيابى ربنا يبارك فيكم

أية دة اوعى تقولى النت حا يفصل تانى هههههههههه و اى سؤال احنا هنا و لو فية سؤال تفضلى