رابطة مالكي وعشاق التمبرا (الجزء الأول)

[zago]

المهم...
واحد صاحبي جاب لمبتين ابيض ثلجي للعربيه بتاعته وجابلي اتنين زيهم (( عشان نبقى ننور في وش بعض ))
وصورتهم اهي ..


جيت اركبهم معرفتش بسبب الكاوتشه اللي راكبه ورا الفانوس والدنيا كانت مضلمه ومعرفتش اطلع المبه اللي راكبه منها
بس جربت اللمبتين في عربيه صاحبي وحسيت ان اللي راكبين عندي اعلى منهم
هما مكتوب عليهم 260/200 واللي راكبين معرفش كام
ايه النظام؟؟اركبهم ولا بلاش؟ واللمبه اللي راكبه بتتفك ازاي؟؟

[heshamzaky]

بص يا زاجو فك الفيشة و شد الطاقية الكاوتش بالراحة حا تلاقى سلك زى السوستة راكب فى مشابية كدة حركة لتحت و الجنب حا يفك و غير اللمبة و ارجع ركب السلك على اللمض الجديدة و ركب الطاقية الكاوتش و الفيشة و نور يا باشا براحنك و اللمبة ليها عدلة ما تقلقش مش حا تبات فى مكانها الا بالوضع الصحيح بس بالراحة لحسن تكسرها و امسك اللمبة من المعدن مش من الزجاج و الصورة كمان اهية

[heshamzaky]

على فكرة اللمض دى 90/100 وات بس بص كويس كدة مكتوب اية البياعين بيستهبلو و يقولك دى 260 وات يا باشا بس دة مش مظبوط الاضاءة بتاعتهم كويسة و شكلها حلو مش وحش أنا مركبهم عندى و الصورة دى للأضاءة فى عز الضلمة

[heshamzaky]

صباح الفل يا جاليليو عامل اية يا باشا بص يا سيدى امبارح قعدت ارغى شوية كدة انا و ميكو و عايزين نعمل مقابلة بس نتفق على المكان و الزمان اية النظام يا باشمهدش اقترح كدة و كل الاخوة يقترحو برضو

[heshamzaky]

هانى باشا صباح الفل عايزيم رأيك فى المقابلة و أقتراحاتك و لما ترد عليا مبروك بقيت عضو فعال ههههههههههههههههه

[heshamzaky]

زاجو طريقة تغير اللمبة بالصور صورتهم النهاردة الصبح حظك انا كنت مغير فانوس أمامى و عندى لمبة ههههههههههه علشان كدة صورت العملية لك الصور أهية

[eng_tefa]

صباح الفل يا رجاله
انا من رائى ان النور الاصفر العادى مفيش احسن منه .. انا اشتريت اللمض دى يا استاذ هشام كانت ب 25
هى فعلا شكلها حلو جدا بس الاضاءه مش اللى هى دا بالنسبه للنور الابيض عموما مش عملى خالص
فى الشوارع المضلمه هايل بس ف النور الاصفر ولا كانك مشغله ...اما ف طرق السفر فهو مرعب مش عتشوف اى حاجه اصلا
دا راءى الشخصى ممكن اكون عشان مش مركب كتاوت .. بس صحابى بردوا بيقولو نفس راى وفى النهايه انا ركبت الاصفر تانى
انا معايا اللمبتين البيض لو حد عايزهم يقولى ونا اديهملو

[Tamerelbasry]

صباح الفل ياجماعة وكل سنة وانتم طيبين
الحمد لله خلصت ترخيص العربية وكمان عملت السرفيس بتعها يعنى غيرت السيور والفلاتر كلها والعربية بقت تمام بس باقى مشكلة واحدة
انا كان عندى كل ما اشغل التكييف فى العربية الحرارة تعلى اربع شرط فوق التسعين وقالولى ان المروحة ممكن تكون مابتشتغلش السرعة التانية وبعدين رحت للكهربائى علشان يشوف المروحة وبعد ماكشف على المروحة قال ان التوصيلات مضبوطة ولكن المروحة ضعيفة ولازم تتغير لوانت عايز تشغل التكييف وقالى ان اجيب مروحة تمبرا 1600 تكييف من الكبيرة لانه فى حجمين اوانه ممكن يجبهالى استيراد ب300جنية ارجوكم افيدونى لانى خايف تكون دى اشتغاله من بتاعة الصنايعية

[heshamzaky]

صباح الفل ياجماعة وكل سنة وانتم طيبين
الحمد لله خلصت ترخيص العربية وكمان عملت السرفيس بتعها يعنى غيرت السيور والفلاتر كلها والعربية بقت تمام بس باقى مشكلة واحدة
انا كان عندى كل ما اشغل التكييف فى العربية الحرارة تعلى اربع شرط فوق التسعين وقالولى ان المروحة ممكن تكون مابتشتغلش السرعة التانية وبعدين رحت للكهربائى علشان يشوف المروحة وبعد ماكشف على المروحة قال ان التوصيلات مضبوطة ولكن المروحة ضعيفة ولازم تتغير لوانت عايز تشغل التكييف وقالى ان اجيب مروحة تمبرا 1600 تكييف من الكبيرة لانه فى حجمين اوانه ممكن يجبهالى استيراد ب300جنية ارجوكم افيدونى لانى خايف تكون دى اشتغاله من بتاعة الصنايعية

الف مبروك يا باشا و ربنا تديلك خيرها و بالنسبة للصنايعى المروحة ب 150 جنية فقط مش ب 300 جنية و لو انت متأكد ان العيب منها غيرها و دى مروحة التمبرا ال 1600 المروحة بالقميص بالمكثف ب 150 استعمال و خلية يديلك الفيشة كمان و اديلة 10 جنية زيادة و السلام

[heshamzaky]

صباح الفل يا رجاله
انا من رائى ان النور الاصفر العادى مفيش احسن منه .. انا اشتريت اللمض دى يا استاذ هشام كانت ب 25
هى فعلا شكلها حلو جدا بس الاضاءه مش اللى هى دا بالنسبه للنور الابيض عموما مش عملى خالص
فى الشوارع المضلمه هايل بس ف النور الاصفر ولا كانك مشغله ...اما ف طرق السفر فهو مرعب مش عتشوف اى حاجه اصلا
دا راءى الشخصى ممكن اكون عشان مش مركب كتاوت .. بس صحابى بردوا بيقولو نفس راى وفى النهايه انا ركبت الاصفر تانى
انا معايا اللمبتين البيض لو حد عايزهم يقولى ونا اديهملو

غريبة جدا انا مركبهم و بسافر بالعربية و الحمد لله نورهم كويس انا اتعودت على الاضاءة البيضاء و لعلمك لما اللمض عندى واحدة بتتحرق برضو بجبل الابيض مش الاصفر هههههههههههه

[heshamzaky]

انا لسة جاى من بعد الصلاة دلوقتى كنت فين كنت مع الاستاذ مايكل فى اسرع مقابلة فى التاريخ الباشا كلمنى و اتقبلنا فى العزبة هههههههههه بس انا مدخلتش و رحت مع ميكو صديقى كام مشوار و الصورة دى يا عم مايكل عند محل كرستين و الشكمانات ههههههههه و صورة بتاع التكيف الى انت أشتريتة و طبعا دى اول مرة اشوف مايكل و تشرفت جدا برؤيتة بس انا حسيت اننا نعرف بعض من مدة طويلة جدا و بجد ميكو انت انسان ذوق جدا و مريح جدا و مبروك التجديدات و قولى اخبار التكيف و الشكمان اية دلوقتى

[Tamerelbasry]

[QUOTE=heshamzaky;3872939588]الف مبروك يا باشا و ربنا تديلك خيرها و بالنسبة للصنايعى المروحة ب 150 جنية فقط مش ب 300 جنية و لو انت متأكد ان العيب منها غيرها و دى مروحة التمبرا ال 1600 المروحة بالقميص بالمكثف ب 150 استعمال و خلية يديلك الفيشة كمان و اديلة 10 جنية زيادة و السلام
متشكر قوى يا باشا وكل سنة وانت طيب
بس اجيبها من عند مين والعنوان بالظبط

[mlav_cbr]

الازاز ادش يا رجاله نزلت الصبح اطلع بالعربيه لاقيت الازاز واخد كدة توبه من فوق المساحات على طول وطالع اربع شروخ متفرقين كأنها شجرة يا ترى الازاز دة يتصلح كمبيوتر ولا يتغير ايه رأيكم يا رجاله ؟

[adelco]

الله يبارك فيك ياباشا
بس انا مش شغال حلواني ولا شيف ههههههههه
انا بكالريوس تجاره جامعه القاهره (الجامعه الأم والباقي نص كم )
بس مش شغال عندهم محاسب لأن معندهمش حسابات اصلا هههههه
شغال بتاع 15 شغلانه جوه المحل ...بتاع كله يعني
باخد الأوردرات واتاكد انها اتعملت وان بتوع التوصيل اخدوها في معادها وكده يعني
يعني بياع تقريبا
بصراحه انا مشفتش في حياتي كميه بني أدمين بيشترو حلويات كده
كأن الحاجات ببلاش
زحمه زحمه زحمه زحمه
مع ان اسعارهم مولعه
كيلو بلح الشام ب 36 جنيه ((حد عايز ؟؟)
ياريت الواحد كان شيف والله ههههههههه
بس انا كل علاقتي بالمطبخ اني أكل
واعرف اعمل بطاطس محمره
:f_eyeb1[1]:

السلام عب\ليكم
ازيك يا زاجو
الشغل مش عيب فى اى مجال
المهم انك تفيد وتستفيد وتتعلم حاجه تنفعك فى حياتك
واعتقد من خلال الفترة اللى دخلت معانا فيها انك راجل وتتحمل المسئوليه
بس اللى انت فيه ده انا ما استحملوش ابدا دا عذاب يابنى يعنى الحلويات رايحه جايه قدامك ليل نهار ايه الجبروت ده
ربنا معاك يا زجو وابقى افتكرنا ولو بلقمه القاضى او ام على اى حاجه منك حلوة وعلى فكرة هاجيب معايا هشام هو دايما اللى بيدفع

[reemnabel]

موضوع الازاز ده عامل عندى مشكله برضو وبفكر اغير الازاز برضو لو حد يعرف يقولى يتغي فين وبكام وهو انواع ولا ايه