رابطة مالكي وعشاق التمبرا (الجزء الأول)

[heshamzaky]

فى ميدان روكس جنب بنزينة التعاون فى كده توكيل سيارات متواضع انا هناك اسمى خالد دسوقى
رقمى 0121087462

قصدك البنزينة القديمة الى اصبحت معرض سيارات ابو الفتوح عند النافورة

[kdosoki]

جنب السنيما بعدها البنزينه بعدها التوكيل وبعده عمر افندى استنه هبعتلك صورة
شكلك كنت ساكن من زمان قوى هناك

[heshamzaky]

جنب السنيما بعدها البنزينه بعدها التوكيل وبعده عمر افندى استنه هبعتلك صورة
شكلك كنت ساكن من زمان قوى هناك

يا باشا 35 سنة فى المنطقة دى و عند عمر افندى محل تايز بتاع الكرافتات و النحاية التانية هوندا بتاع الموتسيكلات و على نفس صف عمر افندى دار مناسبات و جامع و بعدية غرناطة

[heshamzaky]

بص عاوز اقولك حاجة لو العربية مفيهاش فريون ممكن الكمبريسور ما يلقطش و يشتغل حا يدور على الفاضى و المروحة بس الى حا تشتغل بس مفيش هواء ساقع طالع لان مفيش فريون

[kdosoki]

صح بس هو دلوقتى مش بتاع ابو الفتوح

[kdosoki]

الصورة تقيله مش عايزة تترفع
بص لو جيت عند عمر افندى انا جنبه مباشرة
اصل انا معرفش ولا توكيل الموتسكلات ولا غرناطة اللى انت بتقول عليهم

[heshamzaky]

الصورة تقيله مش عايزة تترفع
بص لو جيت عند عمر افندى انا جنبه مباشرة
اصل انا معرفش ولا توكيل الموتسكلات ولا غرناطة اللى انت بتقول عليهم

مش مشكلة غرناطة دى قفلت دة مكان قديم جدا امام مستشفى القاهرة التخصصى كدة بالتقريب و جنب الحزب الوطنى من الشارع العمومى شارع الحجاز امام المترو مترو عبد العزيز فهمى

[kdosoki]

فى انتظارك يا باشا
هولع على الشاى

[heshamzaky]

فى انتظارك يا باشا
هولع على الشاى

ماشى يا سيدى بص انت عايز تشترى النهاردة اية تحدبدا من العزبة لو رحنا

[kdosoki]

والله يا اتش انا معايا 300 لحلوح النهاردة معنديش مانع افركهم
وحسب ما الاقى الحاجة الكويسة اشترى
وبرضه لما تيجى وتبص على العربية ممكن نغير الخطة

[heshamzaky]

والله يا اتش انا معايا 300 لحلوح النهاردة معنديش مانع افركهم
وحسب ما الاقى الحاجة الكويسة اشترى
وبرضه لما تيجى وتبص على العربية ممكن نغير الخطة

ارجح لك شراء علبة الدريكسيون و دة مجرد رأى فكر كدة و قولى رأيك

[heshamzaky]

حا اقولك لية المساحات سهل جدا شرائها بسهولة و العلبة المثلثة دى لو فى عربيتك زيها ممكن بس دى فيلم علشان تركب مش اقل من ساعتين تقريبا و الحاجة الكبيرة هى علبة الدريكسيون و مشكلة لوحة التكيف ممكن نجرب معايا لوحة ممكن نجربها لو العيب منها ممكن تجيبها و تركيبها 10 دقائق فقط

[kdosoki]

لما تيجى نتفق

[Bonanza]

امبارح بقي روحت للكهربائي بتاعي و شافلي الدنيا فيها ايه

طلع ان الكهربائي الاولاني اللي روحتلة حاطتلي كتاوت 30 اوم و الاصلي اللي كانت راكبة 50 فا طبعا الكتاوت ساحت و هي اللي خلت المروحة ماتشتغلش

اه و خليت الكهربائي يعملي المفتاح الشده واحده تحسبا لايي ظروف طارئة

دي صورة الكتاوت يا هشام اللي كنت بقولك عليها



و دي علبة مجموعة المروحة و هي مفتوحة او اللوحة زي ما بيسموها ( دي اللي ورا الفانوس اليمين )

معلش الصورة مش واضحة شوية

[heshamzaky]

طب و النيا ظبطت و لا لسة بعد تغير الكتاوت دة