رابطة مالكي وعشاق التمبرا (الجزء الأول)

[reemnabel]

الصور فعلا بتكلم تسلم ايدك والشرح بجد مفيد جدا وفي حاجات كتير مكنتش اعرفها بس مرحتش للمكانيكي مسافر بيشتري متور من بورسعيد والعيال الصغيره هما الي هناك

[mlav_cbr]

حد يعرف سعر البرابريز الامامى بكام ؟

[heshamzaky]

حد يعرف سعر البرابريز الامامى بكام ؟

ربنا يبعدنا يا باشا عن الحاجات دى لا ما أعرفش بس شوف الزجاج بتاع دكتور جريش بس معرفش فين و لا بكام لو الاوريجينال معرفش اذا كان فى العزبة ولا لآ

[heshamzaky]

هى العزبه بقت رحله ماشاء الله شكلك بتتفسح كتير يا h

لآ و الله يا باشا بس زى ما انت شفت فى المشاركات الراجل كان ادانى المساعدين و كان لة باقى فلوس 180 جنية و كمان الصرة و الطنبورة و لما اشتريت جدبد قلت ارجعهم و فرصة النهاردة الجمعة و السكة فاضية و لما وصلت هناك لقيت الشارع مقفول علشان صلاة الجمعة صليت الجمعة هناك و رجعت الحاجة و مشيت بس كدة هههههههههههه

[heshamzaky]

ههههههه الجري ده هو مشكلتي بجد عشان كده عماله ادور علي حاجه تخلي العربيه تجري وخلاص الرحله الجايه معاكم الي عزبه شلبي بفكر كمان اعملها في الشغل العيال الي هتقعد محترمه في المكتبه هعملهم رحله لعزبه شلبي ههههههه بس كويس ان انت بتاخد الاولاد الرحلات العلميه دي ربنا يخليهم لك

لو بتدورى على حاجة تخلى العربية تجرى يبقى اهتمى بالموتور و الزيت المستخدم و الكشف على أسطوانة الدبرياج و على فكرة التمبرا ال 1400 مش عربية ضعيفة و لا تعبانة دى تقريبا و الله أعلم 75 حصان و عزم الموتور قوى مش ضعيف و لو الجرى بتحبية كدة قابلى بة تحديات الفورميلا و سباقات الرالى الى حا تدخلى فيها مع باقى التمبراوية اشمعنى انا مسكونى و كل واحد عاوز يخش معايا سباق ههههو بالنسبة لموضوع انك تروخى العزبة ما تروحيش لوحدك معلش حا يدولك اسعر هبل يعنى روحى بس مع اخوكى مثلا او والدك بس مش لوحدك دول صنايعية مستعمل مش محل قطع غيار عادى و بالنسبة لموضوع أولادى ربنا يحفظك و كتر خيرك و على فكرة هما بيفهمو شوية فى العربيات شكلهم حا ياخدو المفتاح و انا نايم و يلعبو بالعربية بس لما يبقى يطول دواسة البنزين ههههه

[heshamzaky]

ايه الحلاوة دي يا عم هشام
وحشتني صورك

بص يا دوك علشان خاطلر الصور الى وحشاك و انا عارف طبعا يا باشا انك عارف الكلام دة بص اهى صور توضيحية باقى الصور تيل الفرامل الخلفى لوحدة و التيل و هو راكب فى الطمبورة

[JUVENTUS]

حد يعرف سعر البرابريز الامامى بكام ؟

التريبلكس (تلات طبقات)الاصلي بتاع العربية 330 عند الثلاثي في شارع الطيران في مدينة نصر و هو ده انضف حاجة

[heshamzaky]

التريبلكس (تلات طبقات)الاصلي بتاع العربية 330 عند الثلاثي في شارع الطيران في مدينة نصر و هو ده انضف حاجة

اية يا باشا انى غيرت الزجاج قبل كدة و بص معلش سؤال كن محيرنى لانى مرة كنت بتكلم انا و جاليليو و قال لى على حاجة كدة بس لفتت انتباهى الزجاج الى انت جبتة دة ملون شوية و لا شفاف تماما اصل جاليليو قال لى مرة انك زجاج التمبرا المكيفة غير التمبرا الى مش مكيفة دة لو انا كنت فهمت منة صح و يا ريت تقولى ماركة الزجاج اكتب كل الى موجود على الزجاج فى ورقة و اكتبة فى مشاركة فى دماغى حاجة عاوز اتأكد منها

[heshamzaky]

يا جماعة عاوزين تضحكو انا لقيت الموضوع دة على النتدى جربو حظكم دة الموضوع اهة
[QUOTE=MoOoON;3872839189]الموقع ده جامد جدا يا جماعه
وكل اللى هتعمله انك تكتب اسمك فى اول خانه وفى تانى خانه اسم والدك
وبعدين تنزل تحت شويه هتلاقى كلمه find out تدوس عليها
واستنى المفاجاه


http://www.czk.com/en/c/?v%5B%5D=moh...it=Find+out%21

اسم المشاركة http://www.nilemotors.net/Nile/163657-a.html

منقول

[heshamzaky]

حظى طلع العلربية دى الى عاوز سماعات حبقى اديلة

[ZALABANY]

ما شاء كل ما اغيب عن الرابطه يوم ارجع الاقي المشاركات كتير
ازيك يا h باشا والله شوفتني اشوف عزبة شلبي دي اكيد هاجي معاكم مره
الأستاذه ريم بالنسبه للكاوتش بلاش الماكسيس مش كويس على ما اسمع طبعا البريدجستون ممتاز بس غالي الهانكوك كويس والكومهو بعديه كويس برده
هاتلاقي الهانكوك في حدود 280 الفرده والكومهو في رنج 250 او 260 على فكره انا اشتريت فردتين دانلوب جنوب افريقي الفرده ب 280 بالترصيص والتركيب وممتازه اهم حاجه تاخدي بالك منها تاريخ صناعة الفرده انها ما يكونش عدى عليها فتره طويله
عامة انا ارشحلك الهانكوك
بالنسبه لمساحات العربية الكاوتشات بتتغير على فكره بس لازم تكون مكان تركيبها في الدراعات سليم لو مكسوره يبقى لازم تغيري الدراع كله عندك صيني ب 90 جنيه صيني بتتكسر ووحشه ما تشتريهاش عندك تركي هاتلاقيها ب 110 تقريبا انا اشتريتها كانت كويسه في الاول بس دلوقتي مش داخله دماغي وما بتمسحش كويس وعيبها ان مكان التركيب سنه ممسوح مش مشرشر زي الأصلية
الأصلية بأه ب 250 جنيه ودي افضل حاجه بس انا ناوي اجيبهم استيراد حتى لو هاغيرلهم الكاوتش لأن لا الصيني ولا التركي كويسه
انا اخدت بالي انك بتتكلمي انك شغاله في مكتبه هل انتي تخصص مكتبات أنا تخصص مكتبات وخريج اداب مكتبات القاهرة

[reemnabel]

ما شاء كل ما اغيب عن الرابطه يوم ارجع الاقي المشاركات كتير
ازيك يا h باشا والله شوفتني اشوف عزبة شلبي دي اكيد هاجي معاكم مره
الأستاذه ريم بالنسبه للكاوتش بلاش الماكسيس مش كويس على ما اسمع طبعا البريدجستون ممتاز بس غالي الهانكوك كويس والكومهو بعديه كويس برده
هاتلاقي الهانكوك في حدود 280 الفرده والكومهو في رنج 250 او 260 على فكره انا اشتريت فردتين دانلوب جنوب افريقي الفرده ب 280 بالترصيص والتركيب وممتازه اهم حاجه تاخدي بالك منها تاريخ صناعة الفرده انها ما يكونش عدى عليها فتره طويله
عامة انا ارشحلك الهانكوك
بالنسبه لمساحات العربية الكاوتشات بتتغير على فكره بس لازم تكون مكان تركيبها في الدراعات سليم لو مكسوره يبقى لازم تغيري الدراع كله عندك صيني ب 90 جنيه صيني بتتكسر ووحشه ما تشتريهاش عندك تركي هاتلاقيها ب 110 تقريبا انا اشتريتها كانت كويسه في الاول بس دلوقتي مش داخله دماغي وما بتمسحش كويس وعيبها ان مكان التركيب سنه ممسوح مش مشرشر زي الأصلية
الأصلية بأه ب 250 جنيه ودي افضل حاجه بس انا ناوي اجيبهم استيراد حتى لو هاغيرلهم الكاوتش لأن لا الصيني ولا التركي كويسه
انا اخدت بالي انك بتتكلمي انك شغاله في مكتبه هل انتي تخصص مكتبات أنا تخصص مكتبات وخريج اداب مكتبات القاهرة

يااهلا بالزميل انا مكتبات اه بس مش القاهره المنوفيه بس كانت الدكتوره امنيه صادق و د/فتحي سحلنا محاضرات في جامعه القاهره وابحاث الحمد لله عدينا منها علي خير انا مبحبش شغل المدارس اساسا بتخنق من العيال بسرعه ومبحبش الروتين بتاع السجلات وكده اساسا كان نفسي ادخل تجاره واشتغل في شركه لالا كمان مكنشي نفسي ادخل ادبي كنت عايزه علمي وادخل صيدله وكنت عايزه عربيه مكيفه ١٦٠٠ ههههه
بالنسبه للكوتش اعتقد هترسي علي البرجستون او هركب نفس النوع الي فيها بس هعرض المساحه الصيني وحشه جدااا انا جربتها بس الكوتشه عايزه ساحر عشان يركبها انا كمان حاسه ان المسحه القديمه بوظت الزجاج في السواقه باليل لو حد قدامي منور الكشافات تحس الاضائه متوزعه علي الزجاج والواحد مش شايف حاجه ماشي بالبركه

[reemnabel]

لو بتدورى على حاجة تخلى العربية تجرى يبقى اهتمى بالموتور و الزيت المستخدم و الكشف على أسطوانة الدبرياج و على فكرة التمبرا ال 1400 مش عربية ضعيفة و لا تعبانة دى تقريبا و الله أعلم 75 حصان و عزم الموتور قوى مش ضعيف و لو الجرى بتحبية كدة قابلى بة تحديات الفورميلا و سباقات الرالى الى حا تدخلى فيها مع باقى التمبراوية اشمعنى انا مسكونى و كل واحد عاوز يخش معايا سباق ههههو بالنسبة لموضوع انك تروخى العزبة ما تروحيش لوحدك معلش حا يدولك اسعر هبل يعنى روحى بس مع اخوكى مثلا او والدك بس مش لوحدك دول صنايعية مستعمل مش محل قطع غيار عادى و بالنسبة لموضوع أولادى ربنا يحفظك و كتر خيرك و على فكرة هما بيفهمو شوية فى العربيات شكلهم حا ياخدو المفتاح و انا نايم و يلعبو بالعربية بس لما يبقى يطول دواسة البنزين ههههه

محدش عايز يسابق بنت هنا ههههه انا بسوق كويس متخفوش ده انا بجنن الي بيطلع قدامي في زفه بقيت اتعزم عشان اروح الزفه مش الفرح نسيت شكل السوريه ياناس من كتر مابطلت اروح افراح ههههه الشتا الي فات واحده صحبتي عزمتني علي زفه اخوها وانا معرفشي حد من الي طالعين الزفه وكنت محرجه جدا اروح بس محبتشي احرجها ورحت لبست جاكت باكبشو ونزلتو علي وشي وكله بقه عايز يعرف الرجل الغامض ده تبع مين هههههههه ومش هحكي علي الي حصل بس اخدت عين تمام غيرت بعدهم دسك واسطوانه بالنسبه للرحله الي عزبه شلبي مش هروح لوحدي هاخدكم كلكم معايا اخواتي الجدعان انا بابا متوفي واخويه معندوش صبر في الحاجات دي ملوش في انه يروح ويدور وكدا انا لما حاجه بتحصل للعربيه انا الي بروح بيها وبتعامل وبقعد مع المكانيكي وببعت اجيب فطار وشاي لالا انتوا بس لسه متعرفونيش ده انا يعتمد عليا جدا
بالنسبه للاهتمام بالعربيه انا بغير زيت شل ٣٠٠٠ و قبل ال ٣٠٠٠ ب ١٠٠ بكون مغيرا الدسك والاسطوانه عبيت الاسطوانه مره وبعد الزفه اياها غيرت دسك واسطوانه بس المتور بقه اهتم بيه اذاي
صحيح في حاجه غريبه في العربيه ساعات احسها خفيفه والدركسيون ريشه والعربيه علي ٦٠ بس طياره وساعات احسها مبتتحركشي والدركسيون ولا كاني سيقا لادا واحسها عايزه حد يديها زقه عشان تتحرك وبيبان ده في الملفات اكتر يتري من ايه

[heshamzaky]

ازيكو ياجماعة عاملين اية بص يا زلبانى انا زى ما قلت قبل كدة المساحة الاصلية فى العزبة الواحدة ب 40 جنية تحفة و لو الجلد باظ الجلد الشامبيون الجديد الجوز ب 40 جنية و ممكن يتغير و المساحة الاصلية تحفة زى الفل

[heshamzaky]

محدش عايز يسابق بنت هنا ههههه انا بسوق كويس متخفوشبالنسبه للاهتمام بالعربيه انا بغير زيت شل ٣٠٠٠ و قبل ال ٣٠٠٠ ب ١٠٠ بكون مغيرا الدسك والاسطوانه عبيت الاسطوانه مره وبعد الزفه اياها غيرت دسك واسطوانه بس المتور بقه اهتم بيه اذاي
صحيح في حاجه غريبه في العربيه ساعات احسها خفيفه والدركسيون ريشه والعربيه علي ٦٠ بس طياره وساعات احسها مبتتحركشي والدركسيون ولا كاني سيقا لادا واحسها عايزه حد يديها زقه عشان تتحرك وبيبان ده في الملفات اكتر يتري من ايه

دة كدة الرجالة بتوع التمبرا ان شاء الله حا يعملو سباق معاكى انا متفرج و السلام و بالنسبة للزيت انا بحط زيت فيسكو الى ب 72 جنية بغيرة كل 5000 كيلو بالنسبة للدريكسيون معلش انا مش عارف ال 1400 سى سى بها بور ام لا