رابطة مالكي وعشاق التمبرا (الجزء الأول)

[JUVENTUS]

انا معايا تمبرا موديل 1997 و عندي التكييف بيسرب فريون و لما كشفت عليها عند واحد بتاع تكييف اكتشفنا ان التسريب ده من الكويل اللي ورا التابلوه و هو بيقولي اغيرهولك ب 1000 جنيه ده غير المصنعية مع العلم انه لو عمله هيفك التابلوه كله طبعا لكن انا شايف ان ده مبلغ كبير
عاوزكم تقولولي ممكن اسأل على الكويل ده فين و هل ده فعلا سعره

[ZALABANY]

بص يا باشا مبدئيا لازم تروح لحد ثقة وفي واحد في العمرانية ممتاز احنا بنتعامل معاه خليه يكشف وشوف المشكلة فين ولو طلع الكويل ده ممكن تجيبه استيراد ان شاء الله مش هايوصل ل 1000 دي خالص خلي بالك بتوع التكييف النصب عندهم كتير انا اتنصب عليا عند صنايعي ولبست في مبالغ محترمه لحد ما رحت الورشه دي

[heshamzaky]

انا معايا تمبرا موديل 1997 و عندي التكييف بيسرب فريون و لما كشفت عليها عند واحد بتاع تكييف اكتشفنا ان التسريب ده من الكويل اللي ورا التابلوه و هو بيقولي اغيرهولك ب 1000 جنيه ده غير المصنعية مع العلم انه لو عمله هيفك التابلوه كله طبعا لكن انا شايف ان ده مبلغ كبير
عاوزكم تقولولي ممكن اسأل على الكويل ده فين و هل ده فعلا سعره

أزيك يا باشا الحوار الى بتتكلم عنة دة حصل معايا بس السؤال الاول و الاهم كيف تأكد الصنايعى ان التسريب فى الكابينة الامامية لو هو عمل الى بقولك علية اولا يبقى الكلام صح لازن يفك الصواميل الى راكبة على خراطيم التكيف الى لازقة فى صدر العربية من ورا الموتور و بعدين يكبس الدائرة الخلفية لوحدها الى ركب فيها الكويل او الثلاجة الى ورا التابلوة و يكبس الجزء الامامى لوحدة و دة الى ناحية الموتور الجزء الامامى يعنى الخراطيم و السربنتينة و الكمبريسور و يبص على بلف الخرطوم الى لوحدة حتلاقية اغلب الظن مستخبى تحت قاعدة البطارية معلش انا بطول عليك بس عاوز اوضحلك الدايرة كلها علشان الصنايعى ما يشتغلكش اذا تم التأكد ان التسريب من الثلاجة دى موجودة فى عزبة شلبى و على التجربة وانا اشتريتها و عملت كل الموضوع بتاعك دة الثلاجة فى حدود 300 جنية والمصنعية ممكن بالكتير قوى قوى حياخد 250 جنية و الشحن 120 جنية و على المنتدى انا رافع صور للتكيف و ملحقاتة فى مواضيع التمبرا حتلاقيها

[JUVENTUS]

الف شكر يا جماعة على اهتمامكم بيا
بالنسبة للكشف على موضوع التكييف فعلا الراجل كبس كل حاجة لوحدها و الكويل ده كبسه لوحده و فعلا انا متأكد ان العيب منه لان باقي الحاجات كلها كويسة ماعدا خرطوم عاوز يتغير
لو ممكن حد يديني رقم او عنوان لحد يكون عنه الكويل ده استيراد اكون متشكر جدا و اسف لاني طولت عليكو

[heshamzaky]

الف شكر يا جماعة على اهتمامكم بيا
بالنسبة للكشف على موضوع التكييف فعلا الراجل كبس كل حاجة لوحدها و الكويل ده كبسه لوحده و فعلا انا متأكد ان العيب منه لان باقي الحاجات كلها كويسة ماعدا خرطوم عاوز يتغير
لو ممكن حد يديني رقم او عنوان لحد يكون عنه الكويل ده استيراد اكون متشكر جدا و اسف لاني طولت عليكو

جرب تسأل عند الراجل دة اسمة فاروق 0126473376 و اسأل عند 10 محلات يعنى الى مصلحة لك منة وارخص اشترى من عندة

[heshamzaky]

معلش يا ياشا اخر نصيحة خلى بالك يوجد موديلين من الثلاجة فى تكيف التمبرا انا اعى تماما ما اقول فية شكلين و مش اى واحدة تركب الى فى الشاسية البلاستك المخصص لها

[JUVENTUS]

تمام كده ياباشا متشكر اوي

[heshamzaky]

بص يا باشا لو الثلاجة عندك بالشكل دة صعب تلاقيها بس ممكن تشترى المحموعة كاملة اغلى شوية بس انت الكسبان بس اعتقد ان الثلاجة دى مش ال حتلاقيها عندك و سأرفع لك صورة الثلاجة الاخرى بعد دى

[heshamzaky]

أغلب الظن حتلاقيها زى اللى فى الصورة دى

[JUVENTUS]

أغلب الظن حتلاقيها زى اللى فى الصورة دى

طبعا لازم افك التابلوه الاول و بعدين لما اعرف شكلها انزل اشتري يعني مقدرش اعرف هي انهي شكل من غير ما افك التابلوه و ابص عليها

[caysersosaih]

أستاذ يا هشام باشا

[heshamzaky]

أستاذ يا هشام باشا

العفو يا باشا على اية ومشكور جدا بس كتر الحزن يعلم البكا زى ما بيقولو و انا بصراحة خلقى بيبقى ضيق شوية لو الصنايعى الى شغال غبى و بيفتى اقولك على حاجة و الله العظيم انا الموبيل بتاعى الذاكرة بتاعتة الاجمالى 24 جيجا عاملة ورشة لما بروص لصنايعى و يفتى بطلع الموبيل و اقولة انظر الشكل و اعمل دة معلش طولت عليك

[caysersosaih]

الصراحه الواحد لازم يعمل كده
انا بافكر في المشكلة واقري عنها واستشير ذوي الخبرة والصنايعي اسمع رأيه بس انا اللي امشي اللي في دماغي وهو ينفذ عشان هو احسن مني في الفك والتركيب في حاجات بواقع الخبرة وكمان انا ماعنديش وقت ولا مكان اعمل في الحاجات اللي انا عاوزها
كان زمان براحتي افك واركب واعدل
دلوقتي لأ

[adelco]

الصراحه الواحد لازم يعمل كده
انا بافكر في المشكلة واقري عنها واستشير ذوي الخبرة والصنايعي اسمع رأيه بس انا اللي امشي اللي في دماغي وهو ينفذ عشان هو احسن مني في الفك والتركيب في حاجات بواقع الخبرة وكمان انا ماعنديش وقت ولا مكان اعمل في الحاجات اللي انا عاوزها
كان زمان براحتي افك واركب واعدل
دلوقتي لأ

السلام عليكم
والله انتو الاثنين دكاترة لا وبرفسيرات كمان
ما شاء الله عليكم
ربنا يزيدكم من علمه ويبارك فيكم ويجعلكم عونا لنا

[heshamzaky]

السلام عليكم
والله انتو الاثنين دكاترة لا وبرفسيرات كمان
ما شاء الله عليكم
ربنا يزيدكم من علمه ويبارك فيكم ويجعلكم عونا لنا

يا باشا انت الاستاذ يا استاذ كفارة بس قولى بصراحة كدة محدش واخد بالة انت لما خبطت العربية فى الرصيف و قلت الموضوع انت دوست على زجاجة و لا كنت بتبص على ........ الشارع يعنى ؟؟؟؟؟؟؟؟؟؟