استشارة فى نصر 127

[HASSANSG]

الاخوة الكرام
العربية بقالها يومين بسمع زى شخللة من ناحية الدينامو بس مش قادر اركز بالظبط الصوت دة من الدينامو ولا الموتور بس انا كان عندى مشكلة فى الدينامو زكانت لمبة الشحن بتفضل شغالة والكهربائى ظبطهالى وقالى لو نورت تانى كتير لازم نحل الدينامو
انا دلوقتى مش عارف اروح لميكانيكى ولا لكهربائى مع انى حاسس بنسبة 75% ان الصوت من الدينامو

[NaderNabil]

غيرت الكاتينة امتي أخر مره؟؟؟

لأن الشخلله دي غالبا بتكون منها....و هي في نفس منطقة الدينامو تقريباً

هي بتتكلف حوالي 70-80 جنيه بالمصنعيات

[HASSANSG]

غيرت الكاتينة امتي أخر مره؟؟؟

لأن الشخلله دي غالبا بتكون منها....و هي في نفس منطقة الدينامو تقريباً

هي بتتكلف حوالي 70-80 جنيه بالمصنعيات

بصراحة انا شارى العربية من 4 شهور ومعرفش اذا كان صاحبها غير الكاتينة ولا لأ
حضرتك تنصحنى بأية؟

[NaderNabil]

روح لميكانيكي و سمعه الصوت و هو يقوللك...

لأن صعب أحكم من غير ما أسمعه بنفسي

[HASSANSG]

مشكوووووووووور يا اخ نادر

[Abdm]

سير الكاتينة لو كان هو السبب من الافضل انك تغيرة لانة مهم وهيفرق معاك فى السرعات والصوت وهو تمنة الايطالى 75 ج والمصنعية حوالى 30 ج

[NaderNabil]

سير الكاتينة لو كان هو السبب من الافضل انك تغيرة لانة مهم وهيفرق معاك فى السرعات والصوت وهو تمنة الايطالى 75 ج والمصنعية حوالى 30 ج

أعتقد انه أرخص من كده....
انا جبته من سنة ب 40 جنيه الإيطالي

[maka]

بس ده مش سير كاوتش ده جنزير

[sab3aawy]

ال 127 الكاتينة بتاعتها جنزير وعادة مش بيتغير غير فى العمرة، لكن لو شخلل يبقى يتغير بالترسين بتوعه،عموما هو شخللته بتكون منتظمة، يعنى ليها ايقاع ثابت ومتكرر ، لكن لو شخللة مش منتظمة يبقى بلى دينامو او بلى طرمبة الميه، وبالتالى انت محتاج تبدأ من عند المكيانيكى، يسمع الصوت ويقول لك دى كاتينة وللا دينامو وللا طرمبة مية، لو كاتينة او طرمبة يبقى شغل الميكانيكى، لو دينامو يبقى هيبعتك للكهربائى يغير لك بلى الديانمو

[NaderNabil]

ال 127 الكاتينة بتاعتها جنزير وعادة مش بيتغير غير فى العمرة، لكن لو شخلل يبقى يتغير بالترسين بتوعه،عموما هو شخللته بتكون منتظمة، يعنى ليها ايقاع ثابت ومتكرر ، لكن لو شخللة مش منتظمة يبقى بلى دينامو او بلى طرمبة الميه، وبالتالى انت محتاج تبدأ من عند المكيانيكى، يسمع الصوت ويقول لك دى كاتينة وللا دينامو وللا طرمبة مية، لو كاتينة او طرمبة يبقى شغل الميكانيكى، لو دينامو يبقى هيبعتك للكهربائى يغير لك بلى الديانمو

كاتينة ال127 زمان كانت فعلا بتقعد مده كبيرة...لكن دلوقتي خلاص....

انا مغير 2 كاتينة في مدة سنتين....و ده بسبب رداءة صناعتها...مع انها إيطالية و عليها العلامة المائية كمان:)

و مابتتبعش سير لوحده و تروس لوحدها....هي كلها بتتباع علي بعضها في ورقة صفراء مغلفة ....

كنت رأيت مره علي الإنترنت كاتينة لل127 بس السير كان كاوتش مش جنزير........بس سعرها كان معدي ال 700 جنيه

[m000dy]

مادام اللمبه بتنور بتاعت الدينامو يبقى الدينامو
روح لكهربائى هايفكلك الدينامو ويغيرلك طقم شربون ب 20 جنيه او 25 كبيره اوى
ومصنعيته 20 وهاتلاقى العربيه صوتها هدى عن الاول
وخللى بالك انك لو نفضت هاتيجى تدور فى مره هاتلاقى المارش عتل منك والعربيه مش هاتقوم وهاتضطر تزق
فاحفظ كرامتك من دلوقت وماتطنشش

[mohamedabdo012]

صبح صبح ياجماعة

[abosharbat]

و السير كاوتش والا حديد
اصل انا لسة مشترى 127 قريب سوبر فيورا 87
والسير عندى كاوتش
دها صح والا غلط

[NaderNabil]

و السير كاوتش والا حديد
اصل انا لسة مشترى 127 قريب سوبر فيورا 87
والسير عندى كاوتش
دها صح والا غلط

انت أكيد تقصد السير اللي انت شايفه من بره ظاهر...ده سير الدينامو

التاني بيبقى متغطي بعلبة صاج و مش مرئي

[carfreak]

على فكرة انا كان عندى عيب اللمبة دا فى النصر 127 موديل 1983
و لما روحت للكهربائى قاس شحن الدينامو بس طلع ساليم
و بعدين مسك سلكتين طالعين من الدينامو "تقريبا" و جاب الولاعة اللى فى جيبه و قطع حته منهم
انا عارف ان الطريقة جديدة بس من ساعتها اللمبة مابتنورش