حد يفيدنا في اصلاح السيينا 1600

[ta7nmoot]

أنا معايا سيينا 1600 موديل 2002

وبصراحة خايف أروح التوكيل من الأسعار

الميكانيكي اللي كنت بتعامل معاه أيام ال 128 مش بيفهم في السيينا وقالولي ان ال 1600 بالذات مش أي حد بيفهم فيها

هل حد يعرف أصلحها فين ؟

ميكانيكي ولا فيه مراكز خدمة سعرها معقول

[major123]

ياريت نعرف المشكلة ايه بالظبط لان فيه ميكانيكية بيعرفو يشتغلوا فيها بعيد عن المتور زي تغيير سير كاتينة او تيل فرامل ...... الخ .

[motoxp]

ارجو الكتالوج للسيينا 1400 مو 2001 وشكرااااااااا

[motoxp]

مركز امير و جوزيف كويس بس غالى شوية

[wet7014]

الف مبروك عليك يابشا علي السيينا ( والله عربيه ممتازه جدا )
ربنا يديك خيرها ويكفيك شرها
والف مبروك علينا انضمام فياتوي (سييناوي ) لمنتدينا
و عن اماكن الصيانه في مركز صيانه لفيات جامد في المطار في بنزينه التعاون مركز جامد و سعرهم حنين
ودي نمره المهندس عادل صاحب المركز 0127842442
هما فتحين كل يوم من 10 صباحا معدا الاحد
و لو احتجت اي حاجه انا في الخدمه وربنا يوفقك

[ElDoctor9009]

في واحد في شارع شامبليون اسمه علي جنب الكيلاني كويس برده

[major123]

استاذ motoxp ياريت ننسق مع بعض على معاد عشان انا مش فاضي اعمل اسكان للمانيوال لآنه حجمة كبير .

[motoxp]

انت ساكن فين و انا اجيلك اصوره منك

[major123]

انا ساكن في المعادي بس ممكن يبقي في مدينة نصر عند شغلي زي ما تحب

[motoxp]

ابعتلى على الخاص عنوان شغلك فى مدينة نصر و رقم تليفونك والايام اللى فاضى فيها ووننسق يوم لتصوير الكتالوج

[ta7nmoot]

أصل فيه صوت عالي في الموتور بيختفي لما ال Rpm يعلى

ورحت للميكانيكي قاللي مش عارف

[MohabSaeed]

أصل فيه صوت عالي في الموتور بيختفي لما ال Rpm يعلى

ورحت للميكانيكي قاللي مش عارف

احتمال يكون بليه الكاتينه او سير من السيور محتاجين يتغيرو .
كان فى مشكله مشابهة فى عربية اخويا سيينا 1600 و كان المشكله من السير المجموعه و الصوت راح بعد تغير السير .
اكشف على السيور و البليه " اعتقد هى فيها بليتين "
بس هو دلوقتى عنده مشكله غريبه ؟ اول مايدور العربيه صوت الموتور يعلى اوى و ال RPM يوصل لاكتر من 2500
و بعد كده ينزل ب 1200 و ده كده برده عالى جدا
و ساعات و هو ماشى تبطل لوحديها
و جرب امير و جوزيف و الحقيقه الواد بليه الى على الناصيه طلع بيفهم اكتر منهم عن تجربه فى عربيته و عربيتى الواجا .