أسعار بعض قطع غيار فيات أونو

[amrbakly]

أمبارح كنت بغير شوية حاجات في العربية و قولت برضة نكتب اسعارها و الناس تضيف عليها برضة فنعمل موضوع لطيف ينفع الناس بعد كدة و ننجح في تثبيتة كمرجع

سير كاتينة انجليزي 45
فلتر زيت فيات أصلي 35
فلتر بنزين تركي 25
سير دينامو ألماني 20
طقم دبرياج كامل 400
اربع بوجيهات Ngk واحد شمعة 40
طقم دبرياج كامل 400
وش فانوس إشارة من التوفيقية 5 جنية
فانوس إشارة 35

[zeyad1810]

شكرا على الاسعار وفعلا هتفيد اللى عاوز يجيب العربية دى

[waelsaleh]

شكرا على الاسعار دى وفعلا موضوع مفيد

[amrbakly]

اية يا شباب فين وحوش الأونو يكملو الأسعار علشان الموضوع يطول

[ZEMZEM1983]

جزاك الله خيرا استاذ عمرو
انا معروض عليا اونو 97 و محتار فيها جدا فيه ناس بيقولوا مش بياعة و كمان قطع غيارها مش موجوده كتير و غالية و مش كتير بيتشغلوا فيها يا ريت سيادتك تقولي رايك ايه فيها
وشكرا

[amrbakly]

Zemzem1983

يمكن انا مقدرش اقول فيها كلام كتير برضة لكن لحد دلوقتي العربية اللي معايا زي الفل، و قطع غيارها رخيصة بجد مش غالية خالص و موجودة في كذا حتة بس أنا مشيت بنصيحة الأخوة هنا و اعتمدت علي الكيلاني اللي في شارع شمبليون.

اما حكاية مش بياعة دية معتقدش، لأن العربية حجمها معقول و سحبها كويس و مش بتاكل بنزين خالص يكفي اقولك أني جربتها في مشوار من وسط البلد للشيخ زايد وقت زحمة رايح جاي مأكلتش أكتر من خمسة ستة لتر يعني، فإذاي عربية كدة متبعش كويس؟

هي لحد دلوقتي معايا فيها تلات عيوب، عفشتها ناشفة شوية مش ناعمة زي الكوري، تكييفها ضعيف، بعد 120 مفيش ثبات كويس، قبل 120 كويسة جدا و معرفش اذاي بتتحول كدة لأنها علي 100 مثلا بتبقي ثابتة ثبات غريب بيخليني مش متخيل أني جايب بيها 100

يمكن علشان الكاوتش عندي تعبان، بس أعتقد لو أخدت جنط 13 عريض حتبقي فظيعة.

بس في المجمل انا معجب جدا بالعربية لدرجة اني مش ناوي افكر اغيرها إطلاقا قبل سنتين تلاتة

و ربنا يبعدنا عن الكوري

[semsem_uno]

مشكور يا باشا علي الأسعار

و الأونو ديه ممتاااااااازة و صيانتها ابسط و اسهل من ال128

[amrbakly]

العفو يا سمسم باشا

صحيح نسيت أضيف حاجة، العربية دية برضة فيها عيب رزل و هو مكان فلتر الزيت بتاعها

و كل مرة تغيرة تعمل حسابك في خمسة جنية بقشيش للواد بتاع الزيت علشان بيطلع روحة علشان يفكة يا عيني

[ZEMZEM1983]

جزاك الله خيرا استاذ عمرو

[eltorky]

على فكره يا جماعه أنا عربيتى موديل 2001 واشتريت شوية قطع غيار لعربيتى أهمها الشبكه وهى فى حدود 85 جنيه من شارع دمشق والفوانيس تقريبا ذى ما سمسم قال , أما بالنسبه لموضوع الحراره ده محدش يقلق منه حتى لو اللمبه بتنور أحيانا طول ما المروحه سليمه و المياه خضراء توكل على الله وما تقلقش من حاجه.

أنا بس كان عندى كام سؤال كده بالنسبه للاكصدام الاصلى للعربيه لو حد يعرف أقدر أجيبه منين وبكم ياريت يقولى ,, وموضوع فلتر الهواء ده كمان حله ايه؟ والعربيه على سرعة 100 مش بتبقى ثابته خالص فحلها ايه بردو ... وصوت العربيه عندى عالى شويه ,,, هو متهيألى أحسن حل انى أبيع العربيه لو حد عنده حل تانى ياريت يقول.

شكرا جدا

[semsem_uno]

على فكره يا جماعه أنا عربيتى موديل 2001 واشتريت شوية قطع غيار لعربيتى أهمها الشبكه وهى فى حدود 85 جنيه من شارع دمشق والفوانيس تقريبا ذى ما سمسم قال , أما بالنسبه لموضوع الحراره ده محدش يقلق منه حتى لو اللمبه بتنور أحيانا طول ما المروحه سليمه و المياه خضراء توكل على الله وما تقلقش من حاجه.

أنا بس كان عندى كام سؤال كده بالنسبه للاكصدام الاصلى للعربيه لو حد يعرف أقدر أجيبه منين وبكم ياريت يقولى ,, وموضوع فلتر الهواء ده كمان حله ايه؟ والعربيه على سرعة 100 مش بتبقى ثابته خالص فحلها ايه بردو ... وصوت العربيه عندى عالى شويه ,,, هو متهيألى أحسن حل انى أبيع العربيه لو حد عنده حل تانى ياريت يقول.

شكرا جدا

مالو يا باشا فلتر الهواء موجود في كل حته
و انا جبت بيها 130 و ثابتها حلو
ممكن تبقي عايزة زاوايا او ترصيص او النحية الشمال في العربية اعلي من اليمين او العكس
و بالنسبة لصوت الموتور العالي ده ممكن يبقي ليه كزا سبب و لو عايز تستفسر عن حاجة اكتبها في اتحاد ملاك الفيات اونو لأني جمعت ناس كتييييير و خبرة معاهم اونو جوه