استهلاك البنزين في الجراند بونتو

[loodaa]

انا بمون العربية بنزين 92 و مكتوب في الكاتالوج بنزين 95 وهي عاملة دلوقتي حوالي 420 كيلو ولما شوفت متوسط استهلاك البنزين لقيته 8.2 لتر لكل 100 كيلو ومشاويري كلها جوة المدينة يعني ما سافرتش بيها, هل دا استهلاك عالي ولا معقول وهل لما احط 95 الاستهلاك حيقل ولا لأ.
وهل سعر ال95 مع الوفر في الاستهلاك حيكون اوفرلي ولا أخليني 92 زي مانا ماشي.
أرجو الرد للأهمية

[loodaa]

ايه يا جماعة فين الردود لأن الموضوع ده قالقني بجد

[SeiffoZ]

التجربة خير من ألف كلمة ..
جرب بنفسك و إحسبها ..
طبعا بنزين 95 يعنى اداء أعلى و يحافظ على الموتور أكتر ..
لكن 92 مش وحش

[farahat]

٩٥ يعني أداء أعلى و نعومة في الموتور و سحب أكثر ، لكن مفيش توفير ملحوظ . يبقى العبرة إنت تحسب بتستهلك قد إيه بنزين في الشهر و تشوف هل الزيادة في الميزانية لو غيرت لل 95 مقبولة ولا لأ بالنسبة ليك

بالنسبة الإستهلاك 8.2 لتر لكل ١٠٠ كلو داخل المدينة فده رقم كويس

[karmouty918]

بس انصح ان تكون الحكاية دي بعد ما حضرتك تكمل الالف كيلو علشان تقدر تحكم صح علي اداء العربية.يعني ماتزعجش نفسك بموضوع الاستهلاك دة غير بعد ماتخلص الالف.