إعـــــــلان

Collapse

.

,
See more
See less

عملت شوية تصليحات في التمبرا ويارب تكون مفيده لاي حد معاه تمبرا او بيفكر يشتريها

Collapse
X
 
  • Filter
  • الوقت
  • Show
Clear All
new posts

  • عملت شوية تصليحات في التمبرا ويارب تكون مفيده لاي حد معاه تمبرا او بيفكر يشتريها

    السلام عليكم
    اخواني اعضاء منتدي نايل موتورز واعضاء منتدي الفيات
    وطبعا مالكي التمبرا علي وجه الخصوص انا


    - شاري عربية والد زوجتي من شهرين وقلت اعمل فيها شده خفيفه كده يعني علشان اكون مرتاح مع العربيه وابقي عارف رايحه فين معايا ولو في مشكله هتكون منين

    نبتدي الموضوع
    - اولا : الميكانيكا
    1- غيرت كل طقم السيور
    كاتينا ودينامو وسير تاني مش فاكر اسمه ( جبتهم ب 85 جنيه)
    2- فلتر بنزين (6 جنيه)
    3- بلية الكاتينه (45 جنيه )
    4- طقم شمبر ب115 جنيه لان العربيه كانت بدخن مع القرص واكل الزيت كان لسه خفيف قوي مش ملحوظ بس قلت الحقها لان الموتور كبسه ممتاز
    5- طقم جوانات موتور(75)جنيه
    6- كاوتشتين كبالن داخلي ب30 جنيه كان في ترشيح زيت فتيس منهم فقلت نضف كل الشغل
    7- طبه المياه في الموتور ب20 جنيه
    8- شغل في وش السلندر ب45 جنيه مش عارف اسمه المهني لكن شغل في الصبابات وتغير كاوتش الصبابات وعمل حاجه اسمه افزنه وكل ده في وش السلندر
    9- ظبط الكربراتير وتغير بيك وتنضيف علشان اقلل استهلاك البنزين الي كان عالي في الفتره الاخيره معايا
    10- غيار زيت كالتكس بعد الشمبر تنضيف الماكنه ولينت بتاع ساعتين ب 36 جنيه ومشيت بتاع 50 كيلو عليه بس براحه
    11- غيار شل ب60 جنيه
    12- فلتر زيت مش فاكر تمنه تقريبا 12 جنيه
    13- طقم بوجيهات بيريو 3 شمعه الكتروني ب80 جنيه
    14- بلتين وراء الواحده بس ب175 جنيه بس مش جبتهم اجلتهم شويه حين ميسره بس لمعرفة الاسعار

    ( اجمالي المصنعيه 250 جنيه لكل الشغل السابق كميكانيكا غير التنقلات والتبس للصبيان واكل وشرب وشم تراب وزيت وخلافه )


    - ثانيا الفرامل
    1- تيل فرامل خلفي ب45 جنيه
    2- طنابير امامي تقريبا الماني مش فاكر قوي ب175 جنيه
    3- تيل فرامل امامي ب40 جنيه
    4- خرطوم فرامل شمال فرنساوي ب30 جنيه
    5- كاوتشه للبستم الشمال ب6 جنيه
    6- علبه زيت فرامل ب5 جنيه
    7- سلك فرامل يد للناحيتين ب 50 جنيه

    ( مصنعيه 50 جنيه غير الاكرميات لحاشية الاسطي الكبير بس في ناس تستحق واجب وهو الاسطي الكبير جار اهل زوجتي )


    - ثالثا: الكهرباء
    1- طقم فيوزات مش فاكر عمل كام لان الفيوزات كتير جدا بس تقريبا 10 جنيه
    2- مروحه استيراد بس مش بتاعة التمبرا وبتاعة التمبرا موجوده بس انا جبت واحده ناعمه وثبتها تمام علي الردياتير ب100 جنيه
    3- تثبت المروحه
    4- غيرت وحده الكنترول بتاع التكييف لانها كانت ملخبطه الدنيا عندي والتكييف كان بيلمس جبتها استيراد ب 120 جنيه
    5- جبت لوحه تكييف ديجتال ب 80 جنيه
    6- جبت جوز كلاكس تركي ب35 جنيه
    7- جبت لمض جديده الماني للفوانيس الاماميه الواحده ب25 جنيه
    8- لمض الماني للشبوره الواحده ب10 جنيه
    9- جبت جوز مساحات زجاج امامي ب 120 جنيه جديده
    10- جبت وش فانوس اشاره شمال ب13 جنيه
    11- جبت ترموستات حراره ب 18 جنيه ايطالي

    ( المصنعيه 80 جنيه غير الاكرميات والتنقلات علشان اجيب الحاجات الاستيراد وتعب القلب في الفصال وغيره)


    - ثالثا بالنسبه للردياتير
    1- سلكت الردياتير وكان فيه تسريب بسيط اتعمل ده ب 15 جنيه
    2- جركن ميه مقطره ب7 جنيه
    3- جبت بودره صدا حططتها علي المياه المقطره ب5جنيه علشان الموتورمن جوه كان في صدا كتير



    - رابعا بالنسبه للسمكره
    - عملت كل الخبطات الي في العربيه كانت خبطات خفيفه لكن مخليه العربيه مش مظبوطه
    - ظبطت الوش من قدام ووراء
    - رديت العتبتين وكان فيهم بارومه في حتت اتعملت

    ( الكلام ده اتعمل ب 400 جنيه ده المفروض كمان علشان هما من الجيره )



    - خامسا ظبطت زجاج الكهرباء والابواب
    1- جبت كاوتشتين زجاج ودول الي بيخلوا الزجاج ثابت في المجرا مش بيخرج بره ب 10 جنيه
    2- ظبت وضع المكنيتن من جوه مكان فك وتركيب السمكره
    3- ظبط وتريح الابواب والكوالين مع الزجاج ب 80 جنيه


    - سادسا الكاوتش
    1- ظبط اربع فرد كاوتش من الداخل يعني شلت كل الخوابير وعملت لحامات مكانهم كان في 6 خوابير في الابع فرد مع الاستبن ب 16 جنيه



    فاضلي وش دوكو للنضافه مش عارف هعمله امتي حين ميسره طبعا
    وكمان عندي حدفه شمال بقاله فتره مع حمايا وانا خلاص ناويت اعملها وارصص العجل علشان بعد 100 كيلو العربيه بتغربل معايا
    وطبعا العفشه بس حمايا كان مظبطها من سنه فهارجع عليها ويارب متكنش محتاجه لاني خلاص بح بح بح بح بح مفيش ولا جنيه للعربيه تاني



    اعتقد دي كل حاجه
    يارب اكون افدت كل الي عاوز يعرف اسعار قطع غيار التمبرا او بيفكر فيها وخايف يشتريها
    حقولوا كل قطع الغيار موجوده
    والاسعار شايف انها مناسبه جدا والعربيه انتشرت جدا في الفتره الاخيره
    [S][all1=#ff0000][SIZE="3"][FONT="Arial Black"][COLOR="Red"]الحذر [/COLOR][COLOR="SandyBrown"]لايمنع القدر[/COLOR]
    [COLOR="SeaGreen"]فارضي بقدر الله تكن أسعد الناس[/COLOR][/FONT][/SIZE][/all1][/S]

  • #2
    موضوع ممتاز ياريت يتثبت للمنفعه العامه .
    حضرتك فعلا عملت شغل كتير فى العربيه , ربنا يسهل و يكمل على خير ان شاء الله
    ياريت تقولى ايه رأيك فى التمبرا كسحب و نعومه و تكيف و استهلاك بنزين .

    Comment


    • #3
      المشاركة الأصلية كتبت بواسطة MohabSaeed مشاهدة المشاركة
      موضوع ممتاز ياريت يتثبت للمنفعه العامه .
      حضرتك فعلا عملت شغل كتير فى العربيه , ربنا يسهل و يكمل على خير ان شاء الله
      ياريت تقولى ايه رأيك فى التمبرا كسحب و نعومه و تكيف و استهلاك بنزين .
      ربنا يخليك يأستاذ مهاب
      يارب يكون الموضوع فعلا مفيد والحمدلله انه وصل بشكل سلس كمعلومات
      ويارب يارب اخلص الشغل الي في العربيه علي خير

      بالنسبه لرأي في التمبرا
      بصراحه عربيه ركوبه فعلا تشعر انك راكب عربيه
      المشكله الداخليه في شكل التابلوه لحد ما قديم لكن مش بطال
      العربيه كنعومه ناعمه جدا جدا بالنسبه ليا
      السحب ممتاز علي الرغم من وزن العربيه التقيل لحد ما
      التكيف مش زي الياباني لكنه جيدا الي جيد جدا
      استهلاك البنزين لغاية دلوقتي مش عارف ارسي علي المعدل السليم بس بشكل عام متوسط الي مرتفع

      وتحت امرك في اي حاجه
      [S][all1=#ff0000][SIZE="3"][FONT="Arial Black"][COLOR="Red"]الحذر [/COLOR][COLOR="SandyBrown"]لايمنع القدر[/COLOR]
      [COLOR="SeaGreen"]فارضي بقدر الله تكن أسعد الناس[/COLOR][/FONT][/SIZE][/all1][/S]

      Comment


      • #4
        ربنا يباركلك فيها
        ماشاء الله لاقوة الا بالله
        لا اله الا انت سبحانك انى كنت من الظالمين

        Comment


        • #5
          المشاركة الأصلية كتبت بواسطة hossam_nasr مشاهدة المشاركة
          ربنا يباركلك فيها
          ماشاء الله لاقوة الا بالله
          الف شكر لزوقك يأستاذ حسام
          ربنا يبارك فيك وشكرا لردك المهذب
          [S][all1=#ff0000][SIZE="3"][FONT="Arial Black"][COLOR="Red"]الحذر [/COLOR][COLOR="SandyBrown"]لايمنع القدر[/COLOR]
          [COLOR="SeaGreen"]فارضي بقدر الله تكن أسعد الناس[/COLOR][/FONT][/SIZE][/all1][/S]

          Comment


          • #6
            المشاركة الأصلية كتبت بواسطة muhamado_sede_beah مشاهدة المشاركة


            ربنا يخليك يأستاذ مهاب
            يارب يكون الموضوع فعلا مفيد والحمدلله انه وصل بشكل سلس كمعلومات
            ويارب يارب اخلص الشغل الي في العربيه علي خير

            بالنسبه لرأي في التمبرا
            بصراحه عربيه ركوبه فعلا تشعر انك راكب عربيه
            المشكله الداخليه في شكل التابلوه لحد ما قديم لكن مش بطال
            العربيه كنعومه ناعمه جدا جدا بالنسبه ليا
            السحب ممتاز علي الرغم من وزن العربيه التقيل لحد ما
            التكيف مش زي الياباني لكنه جيدا الي جيد جدا
            استهلاك البنزين لغاية دلوقتي مش عارف ارسي علي المعدل السليم بس بشكل عام متوسط الي مرتفع

            وتحت امرك في اي حاجه
            طيب الحمد لله ان حضرتك راضى بشكل عام عن العربيه , التمبرا عموما من موديلات فيات الناجحه جدا و فعلا كل الى ركبها بيشكر فيها .
            ربنا يباركلك فيها و تخلص تصليحها على خير ان شاء الله .
            تحياتى ليك .

            Comment


            • #7
              ألف مبروك عليك تظبيط العربيه يا باشا

              Comment


              • #8
                أهلا يا اخ محمد

                أنا برضه لسه شاري تمبرا من حوالي ثلاثة اسابيع و أول حاجة عملتها طبعا نقلت الملكية و غيرت سير الكاتينة و سير الدينامو و التكييف و الباور و كلفوني 120 جنيه .

                و عيز طبعا أركب غطاء لفانوس الاشارة و لكن لقيته ب 15 جنيه عند الاهرام للبلاستك اللي في شارع سيد درويش
                ( زكي ) بالتوفيقية , انت جبته منين ب 12 ؟؟؟؟؟؟؟؟ و بعدين أثبته أزاي لانه مالوش مسمار تثبيت زي وش الفانوس الخلفي فهل مجرد اللصق بسيليكون يكفي ؟؟؟؟ أم ممكن يقع مع السرعة ؟؟؟؟؟؟؟؟؟

                ثانيا لي سؤال : عندي فوانيس الشبورة راكبة بس غالبا لمضها محروقة ووش الفانوس باغة و لكن مكسور .

                هو ممكن أغير اللمبة لو كانت محروقة لكن الاقي الوش منين و الا أحسن أفصل قطعة باغة أو زجاج 3 مم و الصقة بسيليكون على الفانوس ؟؟؟؟؟؟؟؟؟؟؟ ما رأيك ؟؟؟؟؟

                هل تعرف ممكن أجيب فوانيس الشبورة بتاعتها منين ؟؟؟؟؟؟ هي مربعة و كبيرة و لقيتها استيراد في الوكالة لكن طبعا بتوع الوكالة هباشين واحد بيشتغلني قال لي الجوز ب 100 جنيه رغم اني لقيت فوانيس شبورة جديدة الجوز ب 50 جنيه في التوفيقية و فيه صغيرين ب 25 جنيه .

                ياريت الافادة في هذه النقطة .

                Comment


                • #9
                  المشاركة الأصلية كتبت بواسطة abdelmessih67 مشاهدة المشاركة
                  أهلا يا اخ محمد

                  أنا برضه لسه شاري تمبرا من حوالي ثلاثة اسابيع و أول حاجة عملتها طبعا نقلت الملكية و غيرت سير الكاتينة و سير الدينامو و التكييف و الباور و كلفوني 120 جنيه .

                  و عيز طبعا أركب غطاء لفانوس الاشارة و لكن لقيته ب 15 جنيه عند الاهرام للبلاستك اللي في شارع سيد درويش
                  ( زكي ) بالتوفيقية , انت جبته منين ب 12 ؟؟؟؟؟؟؟؟ و بعدين أثبته أزاي لانه مالوش مسمار تثبيت زي وش الفانوس الخلفي فهل مجرد اللصق بسيليكون يكفي ؟؟؟؟ أم ممكن يقع مع السرعة ؟؟؟؟؟؟؟؟؟

                  ثانيا لي سؤال : عندي فوانيس الشبورة راكبة بس غالبا لمضها محروقة ووش الفانوس باغة و لكن مكسور .

                  هو ممكن أغير اللمبة لو كانت محروقة لكن الاقي الوش منين و الا أحسن أفصل قطعة باغة أو زجاج 3 مم و الصقة بسيليكون على الفانوس ؟؟؟؟؟؟؟؟؟؟؟ ما رأيك ؟؟؟؟؟

                  هل تعرف ممكن أجيب فوانيس الشبورة بتاعتها منين ؟؟؟؟؟؟ هي مربعة و كبيرة و لقيتها استيراد في الوكالة لكن طبعا بتوع الوكالة هباشين واحد بيشتغلني قال لي الجوز ب 100 جنيه رغم اني لقيت فوانيس شبورة جديدة الجوز ب 50 جنيه في التوفيقية و فيه صغيرين ب 25 جنيه .

                  ياريت الافادة في هذه النقطة .
                  انا هارد عليك يا باشا على أد علمي عشان غطا فانوس الإشاره ده كان واقع مني ولسه عامله امبارح
                  لو انت تقصد فانوس الإشاره الأمامي
                  لو دخلت الفانوس في مكانه وبصيت عليه من فوق هاتلاقي مكان فتحه الفتحه دي المفروض بيبقى فيها قطعه بلاستيك طويله بتبقى داخله فيها وماسكه الفانوس مع الكشاف لو البلاستكة دي مش موجوده ممكن تثبتها بمسمار طويل وهاتبقى تمام
                  ياريت لو انت عرفت مكان كويس لفوانيس الشبوره تقولنا جبتها منين وبكام أنا عندي مش موجوده بس الزرار بتاعها موجود في دراع النور
                  يارب أكون أفدتك

                  Comment


                  • #10
                    المشاركة الأصلية كتبت بواسطة muhamado_sede_beah مشاهدة المشاركة
                    السلام عليكم
                    طقم بوجيهات بيريو 3 شمعه الكتروني ب80 جنيه
                    الاخيره [/COLOR][/SIZE][/CENTER]
                    معلش يا باشا هي البوجيهات دي جنسيتها ايه وإيه أخبارها معاك هل فرقت عن القديمه بعد ما ركبتها وأجيبها منين

                    Comment


                    • #11
                      موضوع هايل ومفيد جداً
                      ياريت بقى تكمل جميلك وتقول القطع اللي غيرتها دي اشتريتها منين بالتحديد (حبذا لو في أرقام تليفونات) والصنايعية برده مين وفين والتليفونات
                      [CENTER][SIZE=5][FONT=Andalus][COLOR=#177d12][SIZE=5][FONT=Andalus][COLOR=#177d12][URL="http://www.shbab1.com/2minutes.htm"][SIZE=5][FONT=Andalus][COLOR=#177d12]أُدخل ولن تندم إن شاء الله[/COLOR][/FONT][/SIZE][/URL][/COLOR][/FONT][/SIZE][/COLOR][/FONT][/SIZE][URL="http://www.shbab1.com/2minutes.htm"][/CENTER]
                      [/URL]
                      [RIGHT]------------------------------[/RIGHT]


                      [RIGHT][COLOR=navy]مع خالـــــــــص حبـــــــــي وتقديــــــــري[/COLOR][/RIGHT]


                      [RIGHT][COLOR=navy]وائل عطــــــــــــــــــــــــية[/COLOR][/RIGHT]


                      [RIGHT][COLOR=navy]"Je pense; donc je suis"[/COLOR][/RIGHT]


                      [RIGHT][COLOR=navy]"أنا أفكر إذاً أنا موجـــــــــــــــــــود[/COLOR]"[/RIGHT]

                      Comment


                      • #12
                        مبروك عليك الشغل فى العربية

                        وشكرا على مجهودك

                        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                        [/CENTER]
                        [/CENTER]
                        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                        [CENTER] _______________[B]
                        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                        [/CENTER]
                        [B][COLOR=Blue][B][SIZE=2]
                        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                        _______[COLOR=Blue]_______________
                        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                        Comment


                        • #13
                          المشاركة الأصلية كتبت بواسطة zalabany2007 مشاهدة المشاركة
                          انا هارد عليك يا باشا على أد علمي عشان غطا فانوس الإشاره ده كان واقع مني ولسه عامله امبارح
                          لو انت تقصد فانوس الإشاره الأمامي
                          لو دخلت الفانوس في مكانه وبصيت عليه من فوق هاتلاقي مكان فتحه الفتحه دي المفروض بيبقى فيها قطعه بلاستيك طويله بتبقى داخله فيها وماسكه الفانوس مع الكشاف لو البلاستكة دي مش موجوده ممكن تثبتها بمسمار طويل وهاتبقى تمام
                          ياريت لو انت عرفت مكان كويس لفوانيس الشبوره تقولنا جبتها منين وبكام أنا عندي مش موجوده بس الزرار بتاعها موجود في دراع النور
                          يارب أكون أفدتك
                          أهلا يا اخ زلباني

                          شكرا يا باشا على المشاركة , انا عندي الوش الباغة هو اللي وقع لكن فعلا في قطعة البلاستك الطويلة موجودة و هي مثبتة الفانوس لكن الوش مش عارف أثبته أزاي أنا اشتريته و لصقته بسوليتيب و بعدين مرة و انا رايح أرخص فك السوليتيب ووقع مني و اتغظت جدا لاني كنت لسه دافع فيه 15 جنيه و خفت يعلقوا عليها في الفحص لكن نشكر ربنا مشيت و رخصت الحمد لله .

                          بالمناسبة أكصدام التمبرا معمول فيه فتحة مربعة على قد فانوس الشبورة و أنا عندي الفوانيس راكبة لكن محروقة ووشها مكسور , انا لقيت فوانيس الشبورة اللي على قد مقاس الفتحة بتاعة الاكصدام في الوكالة و موجودة أما سايبة أو يفكها لك من أكصدام استيراد لكن طبعا اللي يقوللك الجوز ب 100 وواحد تاني قاللي الجوز ب 200 جنيه و طبعا كل ده كلام فارغ لاني سئلت عن فوانيس الشبورة لقيت الجوز من 25 الى 70 حسب النوع لكن لحد دلوقتي مالقيتش جديد بنفس شكل القديم المربع بتاع التمبرا .

                          لو عايز ممكن تروح الوكالة لكن رجاء اتأكد من سعر الجديد الاول و بعدين فاصل لحد النصف .

                          على فكرة ممكن تجيب فانوسين شبورة جداد و مش لازم مربعين و بنفس شكل الفتحة , ممكن يكونوا مدورين و أصغر شوية من الفتحة المربعة و الفارق مش هيبان و تشتري دماغك من الفصال .

                          أنا مضطر أجيب نفس الشكل لان عندي الاكصدامين مفتوح فيهم فتحة الفوانيس و هي راكبة فعلا لكن مش شغالة و ما فيش قدامي غير حلين أما تغيير اللمبة أو شراء فانوس بنفس الشكل .

                          على فكرة أنا تمبرا مصري و غالبا الزرار في فبرة التابلوه اللي فيها العدادات

                          Comment


                          • #14
                            المشاركة الأصلية كتبت بواسطة zalabany2007 مشاهدة المشاركة
                            ألف مبروك عليك تظبيط العربيه يا باشا
                            ربنا يبارك فيك يا جميل
                            واسف علي التاخير في الرد
                            [S][all1=#ff0000][SIZE="3"][FONT="Arial Black"][COLOR="Red"]الحذر [/COLOR][COLOR="SandyBrown"]لايمنع القدر[/COLOR]
                            [COLOR="SeaGreen"]فارضي بقدر الله تكن أسعد الناس[/COLOR][/FONT][/SIZE][/all1][/S]

                            Comment


                            • #15
                              المشاركة الأصلية كتبت بواسطة abdelmessih67 مشاهدة المشاركة
                              أهلا يا اخ محمد

                              أنا برضه لسه شاري تمبرا من حوالي ثلاثة اسابيع و أول حاجة عملتها طبعا نقلت الملكية و غيرت سير الكاتينة و سير الدينامو و التكييف و الباور و كلفوني 120 جنيه .

                              و عيز طبعا أركب غطاء لفانوس الاشارة و لكن لقيته ب 15 جنيه عند الاهرام للبلاستك اللي في شارع سيد درويش
                              ( زكي ) بالتوفيقية , انت جبته منين ب 12 ؟؟؟؟؟؟؟؟ و بعدين أثبته أزاي لانه مالوش مسمار تثبيت زي وش الفانوس الخلفي فهل مجرد اللصق بسيليكون يكفي ؟؟؟؟ أم ممكن يقع مع السرعة ؟؟؟؟؟؟؟؟؟

                              ثانيا لي سؤال : عندي فوانيس الشبورة راكبة بس غالبا لمضها محروقة ووش الفانوس باغة و لكن مكسور .

                              هو ممكن أغير اللمبة لو كانت محروقة لكن الاقي الوش منين و الا أحسن أفصل قطعة باغة أو زجاج 3 مم و الصقة بسيليكون على الفانوس ؟؟؟؟؟؟؟؟؟؟؟ ما رأيك ؟؟؟؟؟

                              هل تعرف ممكن أجيب فوانيس الشبورة بتاعتها منين ؟؟؟؟؟؟ هي مربعة و كبيرة و لقيتها استيراد في الوكالة لكن طبعا بتوع الوكالة هباشين واحد بيشتغلني قال لي الجوز ب 100 جنيه رغم اني لقيت فوانيس شبورة جديدة الجوز ب 50 جنيه في التوفيقية و فيه صغيرين ب 25 جنيه .

                              ياريت الافادة في هذه النقطة .

                              ربنا يباركلك في عربتك يجميل ومبروك عليك
                              بالنسبه لمعظم قطع الغيار والشغل انا عمله ما بين الزقازيق وابوكبير
                              وجبت حاجات من التوفيقية لقتها اغلي من الزقازيق
                              عموما الفرق بيكون 5 جنيه في حاجه مثلا ب100 جنيه
                              بالنسبه لوش فانوس الاشارة فهو بيتلزق بسيلكون وبيتثبت في الفانوس الكبير
                              بالنسبة لفوانيس الشبورة جيبها جديده
                              ولمض الشبوره هاتي الالماني ب10 جنه بس ممتازه

                              وخلي بالك في حاجات كتير من التمبرا اخص الجديد منها عن القديم
                              واسف علي التاخر في الرد
                              [S][all1=#ff0000][SIZE="3"][FONT="Arial Black"][COLOR="Red"]الحذر [/COLOR][COLOR="SandyBrown"]لايمنع القدر[/COLOR]
                              [COLOR="SeaGreen"]فارضي بقدر الله تكن أسعد الناس[/COLOR][/FONT][/SIZE][/all1][/S]

                              Comment

                              Working...
                              X