استعدال شاسيه 128

[northy]

السلام عليكم
ازيكم يا جماعة
يا اجمد ناس فى العربيات
انا عندى عربية فيات 128 موديل 86
عربية حالتها فبريكة لانها تعتبر مرفوعة طول عمرها ولسه طالعة يدوب من سنتين

المهم واحد ابن حلال خبط العربية وهى واقفة بس كانت خبطة شديدة شوية خلتنى اغير رفرف خلفى شمال
واجيب مقص جديد بدل المقص الخلفى اللى اتعوج
وكمان استعدال لعلبة الشاسيه الخلفيه الشمال

السؤال هنا هل كده العربية رجعت زى مكانت ولا الشاسيه لا يمكن استعداله ابدا وحيسيب اثر ؟؟

وازاى اقدر اتاكد ان الشاسيه رجع مكانه صح ومفيش اى غلط فى المقاسات؟؟

هل بتوع ضبط الزوايا ممكن يكتشفوا اى خطأ فى المقاسات دى؟؟
وشاكر ليكم جدا يا جماعة

[northy]

ولا رد؟؟؟؟!!!!!!!!!!!
ايه يا جماعة فين خبراء المنتدى؟؟؟!!!!

[mrghost]

على ما اعتقد ممكن السمكرى او بتاع الزوايا يكتشف الحكايه دى
عموما انا بصراحه ماعرفش سمكرى كويس انما فى واحد مشهور اسمه درش بتاع زوايا فاتح فى المطريه وكمان فاتح خلف حديقة بدر اللى فى جسر السويس وبصراحه عنده ضمير لانى رحتله بالريتمو مرضيش يعمل فيها اى حاجه خالص وقالى لازم اغير فيها حاجات كتير مع انى قولتله اعملها على مسؤليتى علشان الكاوتش مايتمسحش وكده برضه مارضيش

[abou_ruqi]

الـ 128 مافيهاش شاسيه صلب قطعة وحدة زي باقية العربيات
الـ 128 عبارة عن علب زي ما حضرتك قلت

وعليه فمافيش كلمة ( استعدال) في قاموس العربية دي , ممكن في الـ 127 بس عندك مافيش
وطالما تعاملت مع العلبة المخبوطة فإن شاء الله مافيش مشاكل

[Michael_Lanos]

مش عارف ليه ال 128 بتتعب بسرعه كده

[northy]

متشكر اوى يا جماعة على الردود
mr ghost
شكرا على النصيحة يا باشا بس انا مش عايش فى القاهرة للاسف او لحسن الحظ بقي مش عارف ههههههه

abou ruqi
شكرا يا باشا بس حته العلب دى انا مش فاهمها بصراحة هل معنى ده ان كل علبه مستقله بذاتها؟؟ يعنى لو علبه اتعوجت متخزنش فى بقية الشاسية؟؟

مايكل لانوس
على فكرة يا باشا العربية اللى خبطتنى ادمرت اكتر منى والسمكرى قالى لو عربية جديدة خدت الخبطة دى مكانتش اتحركت من مكانها كانت حتحتاج ونش يقطرها

[zastaffa]

عايز أعرف شاسيه ال128 اللى هو عند حوض الموتور وقاعدته هل من الممكن صب رصاص أو الومنيوم علي العلب بتاعته لتقويتها وده لو ممكن مين يعمل الكلام ده هل توافق شركة النصر على اجراء صيانة لشاسية عربية 128 موديل 88 اصلي انا خايف اظبط الشاسية عند اي سمكري حمار يبوظلي الدنيا وساعتها مش هاعرف اخد منه لاحق ولاباطل

[zastaffa]

يا جماعه حد يعبرني ويقولي أعمل الشاسية فين وماتقولوليش أي سمكري نضيف أنا عايز سمكري عن تجربه وهل علب الشاسيه بتتباع جديده لأنه كان في أحد الاعضاء بيقول انها ممكن تتغير ومنين أشتري البار اللي بيتحط بين البطاحطين ومنين كمان أجيب البار اللي من المقص للميزان لكل ناحيه والنبي عبروني وهل اللحامات ديه حد عملها ومشيت معاه العربيه كويس ولا يوم والتاني وترجع ريمه لعادتها القديمة

[zastaffa]

يعني معقوله با جدعان ولا واحد من أباطرة السيارات اللي في المنتدي معندوش اجابه ولا أنتوا اصدين تنفضولي؟؟؟

[semsem_uno]

انا كمان عايز اعرف موضوع صب الرصاص ده و تكلفته

[mohamed9999]

و انا كماااااااااااااان عاوز اعرف الحوار بتاع صب الرصاص على علب الشاسيه يتعمل بكام

[momen_bondok]

موضوع مهم جدا لانى عايز برضو اعمل علب الشاسيه لو ممكن حد يقول لنا نعمل اية

[الاسد المهاجر]

الموضوع من ٢٠٠٩ لحد دلوقتي محدش رد