مشكلة في تكييف التمبرا أفتوني يا أهل الخبرة

[ZALABANY]

عندي مشكله ياشباب ان التكييف لما بيشتغل والعربيه على السلانسيه بتبطل وقبل كده بفتره كان في فيوز عندي ضرب جوا العربيه واكتشفنا انه بتاع سخان واصل على المانافو وقاله انه مالوش لازمه لأ ده بيستخدم في البلاد البارده لتسخين السيارة في الصباح المهم رحت لكهربائي وبتاع تكييف قالي هو ده المشكله وده اسمه كفرنر فاكيون بتاع التكييف وده غالي وبيبوظ بسرعه وقالي بحوالي 400 جنيه وقالي احسن تخلي ميكانيكي شاطر يركبلك واحد ياباني ويحاول يقعدهولك مكان ده طبعا انا مش مقتنع بالقصه دي ورحت سألت عليه عند محمد يوسف وكانت الفاجعه لقيته ب 600 جنيه الأصلي بتاع العربيه
أعمل ايه يا شباب أفتوني انا حاسس ان بتاع التكييف حافظ مش فاهم

[caysersosaih]

هاته استيراد من عزبة شلبي بيعمل حوالي 50 جنيه

[mezo73]

هاته استيراد من عزبة شلبي بيعمل حوالي 50 جنيه

انا موافق علي الكلام دة

[ZALABANY]

طيب في سؤالين يا شباب فين عزبة شلبي دي أروحها إزاي
ثانيا هل في حد كويس موثوق منه أجيب منه هناك وهل لو طلعت بايظة ينفع ارجعها واعرف ازاي انها كويسه ولا لا

[galilio_mad]

السخان مالوش علاقه بشغل التكييف و لو عايز تجيبه خليك فى الاستيراد

انت جبت وحده تعلية الموتور و لا لسه ؟
هى دى اللى بتبطل العربيه لما تشغل التكييف على السلانسبه

[ZALABANY]

دلوقتي يا جاليليو معلش عشان أنا تهت
الوحده اللي بتاع التكييف قالي عليها دي اللي اسمها الكفرنر بتاع الفاكيوم هي دي اللي بتعلي الموتور مع التكييف وهي دي اللي بتسخن العربيه الصبح على طول صح كده ولا انا غلطان الوحده دي بأه لقيتها جديده ب 600 جنيه اشتريها استيراد منين بالظبط واعرف ازاي انها سليمه ولا بايظه

[ZALABANY]

ياريت ياشباب حد يوصفلي صنايعي شاطر كهربائي او فني تكييف ممكن يعملي القصه دي لأن الكهربائي مش فاهم وبتاع التكييف شكله كده مش فاهم

[caysersosaih]

عزبة شلبي موجودة في المطرية بتشتريها ويكون معاك كهربائي أو بتاع تكييف وبيديك ضمان شهر لغاية ماتركبهاوتجربها هو النظام هناك كدة
انا اعرف كهربائي شاطر جدا اسمة علاء في ميدان السواح قله جاي من طرف د.ضياء صاحب التمبرا الرمادي

[ZALABANY]

عزبة شلبي موجودة في المطرية بتشتريها ويكون معاك كهربائي أو بتاع تكييف وبيديك ضمان شهر لغاية ماتركبهاوتجربها هو النظام هناك كدة
انا اعرف كهربائي شاطر جدا اسمة علاء في ميدان السواح قله جاي من طرف د.ضياء صاحب التمبرا الرمادي

شكرا على النصيحه الغاليه بس ياريت تفلي فين ميدان السواح

[caysersosaih]

من ميدان روكسي ادخل شارع القبة (علي ناصيتة عبودي سنتر) وامشي علي طول لحد ما تلاقي كوبري(الطاهرة) اطلعة وانزل منة ثم ادخل اول يمين

[galilio_mad]

الوحده اللي بتاع التكييف قالي عليها دي اللي اسمها الكفرنر بتاع الفاكيوم هي دي اللي بتعلي الموتور مع التكييف وهي دي اللي بتسخن العربيه الصبح على طول صح كده ولا انا غلطان

دى حاجه و دى حاجه

و حده التكييف بتبقى مكعب صغير فيه مكان لخرطوم الفاكيوم و اسلاك
انا للاسف معنديش صور و لا فاكر الحاج كان جابها منين
احنا بعنا العربيه الكربراتير من ييجى 4 سنين

السخان ده قصه تانيه خالص ملهاش اى علاقه بالتكييف و اه ممكن يعمل 600
انما السولنويد التانى ده كان ب 60-70 حاجه زى كده

بالنسبة للصنايعية فى المراكبى اللى فى جسر السويس بس مغلوانى شويه و ممكن تفاصل
و فى كمان فى شارع دمشق واحد او اتنين كويسين

لو عندك طلعه لبورسعيد ممكن ابعتك لواحد جامد جدا فى الحرفيين هناك اسمه ماجد
بيعمل شغل فابريكه و تقريبا عنده كل قطع الغيار اللى ممكن اى تكييف يحتاجها

[ZALABANY]

طيب يا جاليليو دلوقتي القطعه دي إسمها إيه هو فني التكييف قالى كفرنر فاكيوم انا اظن انها هي vacume governer ودي انا سألت عليها لقيتها ب 600 جنيه يا ترى هي دي اللي بتتكلم عليها ولا انت تقصد حاجه تانيه وهل الحاجه دي ممكن الاقيها في الوكاله ولا لا ولو هانزل بورسعيد اكيد هاتصل بيك بس مستبعده في الوقت الحالي

[mezo73]

زلباني انا بعتلك علي الخاص ارجو المراجعة

[MAK_US1977]

السولنويد انا جايبو من 3 ايام ب 60 جنيه من شارع دمشق
اما الوحده التانيه اللي بيركب فيها الخرطوم اللي جاي من السولنويد اللي راكبه في جمب الكربيريتر دي ملقتهاش جديده هناك.
نفس المحل عمل لها طقم اصلاح كامل ب 180 جنيه واشتغلت زي الفل زي الجديده
انا مش فاكر اسم المحل اوي - ابناء جرجس (مش فاكر الباقي)
وهو بيشتغل في الفيات والاسبيرانزا

[ZALABANY]

يا با شا انت بتتكلم على عربيه تمبرا والمحل اللي بتقول عليه ده فين