سؤال فى الشاهين

[رامى خيال]

عايز تركب وحدة زجاج كهرباء ذهبت لواحد فى رمسيس قالى هيتكلفوا 350 الاتنين يابانى معاهم ضمان سنة
سألت فى محل قطع غيار قالى الواحدة ب350 جنيه؟
استغربت اوى لما لقيت الفرق الكبير ده النص بالنص
استغربت اكتر لما لقيت واحد بيقول الواحدة ب80 جنيه
ارجو الافادة مع العلم انى من مدينة طنطا

[hazem_khidr]

اهلا و سهلا استاذ رامي.
بصراحه انا ما اعرفش سعرهم كام لكن مكن الزجاج بتاع الدوجان حيركب عليها تمام اوي و ممكن تجيبه جديد و اسأل عند اوريجينال اللي في شارع سعيد اكيد حتلاقي عنده او ممكن يبعت يجبهم ليك و شوف سعرهم عنده عامل ازاي و هو امين جدا و معاملته محترمه.
لكن نصيحه ما تحاولش توفق مكن بتاع زجاج عربيه تانيه علشان عمره ما حيبقي مضبوط عندك و حيبوظ بسرعه
اخوك
حازم خضر من المحله جيران يعني :D

[رامى خيال]

شكرا يااخ حازم

[hazem_khidr]

العفو يا باشا علي ايه انت تأمر

[رامى خيال]

طب ايه رأيك فى وحدة الرفع؟عملية ولا لأ؟
وتركب مع الزجاج العادى ولا للزم كهرباء؟

[hazem_khidr]

وحده الرفع بتركب مع الزجاج الكهربائي بس و دي فايدتها انك لما بتبقي مركب ريموت للعربيه ف بتقوم برفع الزجاج لوحده لما بتقفل العربيه بالريموت و بتحتاج مكنه واحده لكل بابين و هيا كويسه مش وحشه و احسن نوع ممكن تجيبه في مصر هنا نوع اسمه ولف تقفيل مصري بس ممتاز.

[hmostafaahm]

بص يا استاذ رامى انا كان معايا شاهين موديل 2004 ولسه بايعها من حوالى شهر موضوع زجاج الكهرباء ده انا عانيت منه لانى ركبت للعربية انذار وسنتر وزجاج كهرباء عند واحد فى التوفيقية جنب سينما ريفولى الإنذار والسنتر اشتغلوا كويس معايا طول ال 3 سنين يمكن بس فى الفترة الاخير السنتر بتاع الباب اللى اودام اليمين باه ساعات بيعلق والإنذار كان كويس برده المشكلة الكبرى كانت فى ماكينات الزجاج دول غلبونى اولا مفيش شهرين وبازوا وصلحتهم وبات الماكينة تقيلة وبعدين اتنين منهم مبأوش يشتغلوا واضطريت اغيرهم واجيب ماكينة زجاج كهرباء جديدة وفضلت متعذب معاهم شوية وفى الاخر شلتهم خالص فنصيحة ليك انت راكب شاهين فا يعنى ياسيدى العربية كويسة وقوية والحمد لله اباه افتح الازاز بايدك وخلاص لان فعلا مش هتلاقى ازاى كهرباء معمر

[رامى خيال]

طب ياترى الازاز الكهربا بتاعك كان نوعه ايه وصناعة ايه؟
انا سألت على المكنة بتاعتها التركى الاصلى بتعمل 300 جنيه فى طنطا
ياترى هتبقى غالية كده وبرضه مقرفة؟
ارجو الرد