إعـــــــلان

Collapse

.

,
See more
See less

تعديلات الفيات 131 العادة

Collapse
X
 
  • Filter
  • الوقت
  • Show
Clear All
new posts

  • تعديلات الفيات 131 العادة

    السلام عليم و رحمة الله و بركاتة
    ( أتمني أن تثبتة الادارة )
    أنا أخوكم محمد حسين من المنوفية و أمـتـلك سيارة
    Fiat 131 s Manufacture 1600 CC
    وقمت مؤخراً بعمل تعـديلات عادية فيها منها ...
    ( تغير غطاء الكابوت و غطاء الشنطة الخلفية بأخرين جديدين بتوع المعدلة - تغير الاربع بيبان بأخرين بتوع المعدلة كاملين ومعاهم الإزاز المانيول و الفرش الاصلي - عمل عازل حراري أسفل التابلوة يفصل بين المتور وبين الصالون ويمنع وصول حرارة المتور إي داخل الصالون لاني قبل ذالك في الصيف كنت بحس إني جالس علي المتور - تغير فرش الصالون و الكراسي - تغير لمبة الصالون بأخري بتاعة الشاهين مع تغير اللمبتين الخلفيتين إلي عند السماعات في الخلف بجديدين بتوع الـ 131 المعدلة - إضافة أريل بالكهرباء في الخلف بتاع المرسيدس - تركيب متور مساحات الجولف 2 في المساحات بتعتي لان قبل كدة مكنتش بتعمل حاجة خالص - تركيب رشاشات مية بتوع الدايو لانوس مكان بتوع الفيت الاصلية أمام المساحات وبقت المية تخرج كويس من القربة للرشاشات الحمد لله - عمل 4 بطيخات فيبر تم تركيبهم أعلي كل عجلة من الاربع عجلات من أجل عزل الرفارف من الداخل عن مية المطرة و الطين إلي بتـلمهم الجلات الاربعة وكدة أحميها من الصدء - تركيب لمبة في متور العربية بتاخد كهربتها من البطرية وليها زرار تـشغـيـل عـلـشان أقـدر أعـمـل أي حاجة في متور العربـية لو أنا في مكان ضلمة - فك العربية بالكامل ودهانها من الداخل و الخارج بالون الاحمر الطوبي مع دهان أسف السيارة بعازل للصدء ورد بعض الخبطات بها وصيانة لبعض الاماكن التي كانت بها بارومة لعينة جعلـتـني اغـيـر أربع بـيبان كمان و الحمد لله راحت دلوقـتي - قمت بتغير السيور كلها بالمرة مع تركيب بوجيهات 4 شمعة وعمل أداء كويس معاية الحمد لله - تغير المساعدين الامامين و الخلفين مع تركيب عليتين خلفي - تغير تيل الفرامل - تشحيم السيارة و أجزاء المتور كلة مع تركيب جلب جديدة لان المتور كان بـيـسـرب شوية زيت ودلوقتي بقي صوتها أنعم وهادي جداً الحمد لله - تغير الشكمان بواحد تركي وفـيـة فـلـتـر كويس ) ...

    الـتـكـلـفـة ، كل الكلام دة إتعمل من 8 شهور فقط وكلفني تقريباً حوال 3587 جنية مصري وعـملـتة كلة هنا في مدينة قويسنا بس الحجات إلي جبتها إستيراد زي البـيـبان مثلان كانت من عند واحد في مدينة طنطا .

    أولاً : ياترة إية رايكم في إلي إتعـمـل دة ؟
    ثانياً : أنا عاوز أعرف رايكم في إلي لسة عملة دة ... إن شاء الله و أيضاً أود أن يتفضل الاستاذ سبعاوي ليعطيني رأية العلمي و الخاص في ما حدث فيها و فيما سوف أفعلة فيها إن شاء الله ...

    ما أخطط أن أفعلة فيها إن شاء الله هـو ...

    1- إكسدام خلفي زي دة ...


    2- إكسدام أمامي ذي دة ( أنا عارف إنها 132 بس ممكن يتعمل للـ 131 بتعتي برضو ) ربنا يسهل إن شاء الله ...



    3- عـمـل عـتـب جـانـبـي أسـفـل البـيـبان .

    4- تغير الزجاج الحراري الخلفي بأخر جديد لان إلي عندي بايظ .

    5- تركيب تابلوة الفيات 131 الـمُـعـدلـة .

    6-تركيب حزامين أمان جديدين لان بتوعي بيظين خالص وبفكر أركب بـتـوع ( الـشـاهـيـن ) ما رأيـكـم وياترة ما هي تكلفتهم .

    7- تركيب فرش أبواب (
    الـشـاهـيـن ) علي الاربع بيبان مع تركيب إزاز كهرباء بتاع ( الـشـاهـيـن ) علي الاربع بـيـبـان كما هـو بالصورة التي بالاسف فأين أقوم بشرائة وكم سعرة ومدي توافرة وبكام إزاز كهرباء الشاهين ولا أشتري متور رفع إزاز ألماني أحسن وكام سعـرة و أين أجدة أرجو المساعـدة .


    8- تركيب سنتر لوك للاربع بـيـبـان وللازاز كمان فما هـو أفضل نوع وكم سعـرة .

    9- تركيب مقابض بـيـبـان
    ( الـشـاهـيـن ) الخارجية فما هو سعرها .

    10- تركيب دريكسيون شكلة وقور زي إلي في الصورة إلي فوق بالاضافة إلي تغير عصاية فتيس النقل الطويلة الرخمة إلي عندي بوحدة صغيرة وقوية أي نوع غير
    ( الـشـاهـيـن ) فبماذا تـنصحوني من الانواع مع العـلم أنا عندي 6 نقلات 5 أمامي و 1 خـلـفـي .

    11- تركيب تكيف
    ( الـشـاهـيـن ) الـ 1600 ويكون زيرو فأين أجدة وكم سعـرة وما مدي قابلية تركيبة عندي وهـل هـغـيـر حجات في الضفيرة أم لا .
    12- تركيب الباور إسترينج بتاع
    ( الـشـاهـيـن ) الـ 1600ويكون زيرو فأين أجدة وكم سعـرة وما مدي قابلية تركيبة عندي .

    13- هل يوجد في مصر مكان أقدر إني أشتري منة ستارة الشبكة الخلفية وتكون بتفتح و بـتـقـفـل بالكهرباء زي بتاعة الـ BMW وهـل ينفع تركب عندي أم لا ولو ينفع ما هو سعرها و أين أجدها

    وفي الختام أتمني معرفة رأيكم بكل صراحة إن شاء الله و مساعدتكم لي فـيـمـا أريد إن شاء الله ولا تهملوني أرجوكم ...

    والله ولي التوفيق



  • #2
    موضوع جميل بجد وعلى فكرة انا من عشاق العربية دى وياريت اعرف سعرها كام حاليا وايه الموديلات بتاعتها
    [SIZE=5][COLOR=Navy][/COLOR][/SIZE][SIGPIC][/SIGPIC]
    [SIZE=5][COLOR=Navy][B] حمل هذا الشعار وضعه فى كل منتدى [/B][/COLOR][/SIZE]

    Comment


    • #3
      أغلب سعرها لو حالتها كويسة جداً بيكون من 15 ألف جنية مصري إلي 25 ألف جنية مصري ...

      بس يا شباب أنا عوزكم تساعدوني في الاسئلة إلي فوق وبخاصة إستاذ سبعاوي أرجوكم كما أنني أريد رأيكم فيما فعلت في هذه السيارة الرائعة جداً ...

      Comment


      • #4
        موضوع هايل بس ياريت تقولنا الموضوع اتكلف كام لكل حاجة لوحدها
        [CENTER][URL="http://www.nilemotors.net/Nile/70645-131.html"][SIZE=2]البوم صور 131[/SIZE][/URL][/CENTER]
        [CENTER][URL="http://www.nilemotors.net/Nile/67141-a.html"][SIZE=2]لغة الكلاكسات[/SIZE][/URL][/CENTER]
        [CENTER][URL="http://www.nilemotors.net/Nile/70929-a.html"][SIZE=2]استمع لاذاعة القرآن الكريم[/SIZE][/URL][/CENTER]

        Comment


        • #5
          للاسف الموضوع بتاع حساب كل حاجة لوحدها صعب ( لاني رحت أتعملت مع عيلة وحدة هم أربع إخوات فتحين سمكري و كهربائي و ميكانيكي في ورشة وحدة والحساب كان في أخر الشغل لما خلص خالص وهم أدوني فاتورة فيها بيان تفصيلي بس للاسف ضاعت مني ) .

          Comment


          • #6
            مجهود ممتاز

            الف مبروك
            مجهود ممتاز بس محتاج منك صور و تفاصيل اكتر من كدة بكتير
            اوعدك كمل الموضوع بالصور بالتفصيل الممل وان شاء الله يتم اضافة موضوعك فى رابطة (الاسطورة فيات 131)
            مشكور
            [frame="9 10"]
            [CENTER][B][SIZE=6][COLOR=DarkGreen]سبحان الله و بحمدة ........ سبحان الله العظيم[/COLOR][/SIZE][/B]
            [SIZE=5][B][COLOR=darkred] م/ حسام كمال الدين[/COLOR][/B][/SIZE][/CENTER]
            [CENTER][B][SIZE=5][SIZE=4][URL="http://www.nilemotors.net/Nile/67592-131.html"]مؤسس(( رابطة الاسطورة فيات 131 ))[/URL][/SIZE]
            [/SIZE][/B][img3]http://img48.imageshack.us/img48/9554/63650966.jpg[/img3]
            [B][SIZE=4][COLOR=DarkGreen]
            [/COLOR][/SIZE][/B][/CENTER]
            [/frame]

            Comment


            • #7
              المشاركة الأصلية كتبت بواسطة mohammed_2000 مشاهدة المشاركة
              للاسف الموضوع بتاع حساب كل حاجة لوحدها صعب ( لاني رحت أتعملت مع عيلة وحدة هم أربع إخوات فتحين سمكري و كهربائي و ميكانيكي في ورشة وحدة والحساب كان في أخر الشغل لما خلص خالص وهم أدوني فاتورة فيها بيان تفصيلي بس للاسف ضاعت مني ) .
              انا ان شاء الله ناوي اظبط شوية حاجات في العربية_احنا كنا مغيرين الاربع ابواب_الاتنين اللي قدام كهربا وفيهم سنتر والمقابض شكلها تمام_وكنا مغيرين الكبوت _اللي هو منفوخ من النص_وغيرنا برضه الفانوسين اللي ورا mirafrori‏ اللي عايز اعمله ان شاء الله سمكرة ودوكو بس محتار اغير اللون ولا لأ_اللون سماوي ميتالك جميل بس انا زهقت منه_خارجيا بقي ناوي ان شاء الله علي شبكة ابارث واكصدامات فبر_والفرش عندي متبهدل فإن شاء الله عايز اغيره_ياريت ترفعلنا صور عربيتك من بره وجوه
              [CENTER][URL="http://www.nilemotors.net/Nile/70645-131.html"][SIZE=2]البوم صور 131[/SIZE][/URL][/CENTER]
              [CENTER][URL="http://www.nilemotors.net/Nile/67141-a.html"][SIZE=2]لغة الكلاكسات[/SIZE][/URL][/CENTER]
              [CENTER][URL="http://www.nilemotors.net/Nile/70929-a.html"][SIZE=2]استمع لاذاعة القرآن الكريم[/SIZE][/URL][/CENTER]

              Comment


              • #8
                إن شاء الله عن قرب أحاول أرفع الصور مجمعة ( علي فكر أنا غيرت لون عربيتي من اللون الاخضر للون الاحمر الطوبي وذالك لان السمكري بتاعي قلي إن اللون الاحمر الطوبي هيعلي سعرها عند إعادة البيع لان فية ناس كتير بتطلبة ) فسمعت كلامة بس مكنتش مقتنع ولكن بعد ما شوفت العربية في الاخر عجبني الون قوي عليها الحمد لله .

                Comment


                • #9
                  دة كان لون عربيتي الاول ...
                  7777777777777777

                  ودة لونها الحالي ...
                  7777777777777777
                  :k49:
                  وللاسف اللون الاول كان بيتعبني قوي لما العربية تنخبط أو تـنجرح و أعـوز أدهـن المكان إلي إنجرح فيها مبعرفش الاقي واحد بتاع دوكو كويس عندنا هنا يقدر إنو يظبطلي درجة اللون بتعها .

                  Comment


                  • #10
                    يا شباب ياريت محدش ينسا يجاوب علي أسئلتي لو يعرف ياريت من فضلكم ...:k31:

                    Comment


                    • #11
                      المشاركة الأصلية كتبت بواسطة tabeb مشاهدة المشاركة
                      انا ان شاء الله ناوي اظبط شوية حاجات في العربية_احنا كنا مغيرين الاربع ابواب_الاتنين اللي قدام كهربا وفيهم سنتر والمقابض شكلها تمام_وكنا مغيرين الكبوت _اللي هو منفوخ من النص_وغيرنا برضه الفانوسين اللي ورا mirafrori‏ اللي عايز اعمله ان شاء الله سمكرة ودوكو بس محتار اغير اللون ولا لأ_اللون سماوي ميتالك جميل بس انا زهقت منه_خارجيا بقي ناوي ان شاء الله علي شبكة ابارث واكصدامات فبر_والفرش عندي متبهدل فإن شاء الله عايز اغيره_ياريت ترفعلنا صور عربيتك من بره وجوه
                      باشا بعد اذنك انا عاوز اعرف سعر الحاجة اللى انتا جبتها دى علشان انا محتاج طقم باب و كبوت .
                      https://www.facebook.com/ahmedzizo147?fref=ts
                      [SIGPIC][/SIGPIC]

                      Comment


                      • #12
                        بص زي ما قلت قبل كدة صعب تحديد الاسعار باتلنسبة لي بس علي ما أتزكر ( مش متأكد يعني قوي ) بس الباب الواحد تقريباً عملو بتاع 150 أو 200 جنية تقريباً ...

                        Comment


                        • #13
                          المشاركة الأصلية كتبت بواسطة mohammed_2000 مشاهدة المشاركة
                          بص زي ما قلت قبل كدة صعب تحديد الاسعار باتلنسبة لي بس علي ما أتزكر ( مش متأكد يعني قوي ) بس الباب الواحد تقريباً عملو بتاع 150 أو 200 جنية تقريباً ...
                          اولا : شكر جدا جدا على ردك يا استاذ / محمد
                          ثانيا : لكن السعر 200 جنيها بس انا متهيقلى ان السعر اكتر من كدة بكتير .
                          ثالثا : جديد ولاا استعمال
                          https://www.facebook.com/ahmedzizo147?fref=ts
                          [SIGPIC][/SIGPIC]

                          Comment


                          • #14
                            المشاركة الأصلية كتبت بواسطة ahmedzizo131 مشاهدة المشاركة
                            باشا بعد اذنك انا عاوز اعرف سعر الحاجة اللى انتا جبتها دى علشان انا محتاج طقم باب و كبوت .
                            بص ياسيدي الحاجة دي كان جايبها والدي الله يرحمه من حوالي 8 سنين والاسعار اهي\

                            4‏ ابواب 2منهم كهربا وسنتر:700 جنيه.

                            كبوت : 240 جنيه.

                            2عتب و2رفرف امامي:140 جنيه

                            فيبر و2فانوس خلفي و2خوص:240 جنيه

                            الاسعار دلوقتي طبعا ازيد بس مااعتقدش كتير لانهم استيراد وارد الخارج
                            [CENTER][URL="http://www.nilemotors.net/Nile/70645-131.html"][SIZE=2]البوم صور 131[/SIZE][/URL][/CENTER]
                            [CENTER][URL="http://www.nilemotors.net/Nile/67141-a.html"][SIZE=2]لغة الكلاكسات[/SIZE][/URL][/CENTER]
                            [CENTER][URL="http://www.nilemotors.net/Nile/70929-a.html"][SIZE=2]استمع لاذاعة القرآن الكريم[/SIZE][/URL][/CENTER]

                            Comment


                            • #15
                              المشاركة الأصلية كتبت بواسطة tabeb مشاهدة المشاركة
                              بص ياسيدي الحاجة دي كان جايبها والدي الله يرحمه من حوالي 8 سنين والاسعار اهي\

                              4‏ ابواب 2منهم كهربا وسنتر:700 جنيه.

                              كبوت : 240 جنيه.

                              2عتب و2رفرف امامي:140 جنيه

                              فيبر و2فانوس خلفي و2خوص:240 جنيه

                              الاسعار دلوقتي طبعا ازيد بس مااعتقدش كتير لانهم استيراد وارد الخارج
                              باشا انا سالت على طقم باب استعمال من يومين فى الاسكندرية عندنا و سمعة من ( 1200 جنيها و 1800 جنيها ) .
                              بـــــــــــــــــــــــــــــــــــــــــــــــــ ـــــس .
                              https://www.facebook.com/ahmedzizo147?fref=ts
                              [SIGPIC][/SIGPIC]

                              Comment

                              Working...
                              X