(فيروز) رفعت رأسنا يارجالة....غرز مميتة على 90 بال127 الايطالى....هو دة الثبات

[i_Am_Legend]

ياجماعة .....والله ماليش دعوة.....
انا داخل نفق احمد بدوى .....وفى حالى... وبسمع شريط جنات الجديد ..... (جامد بصراحة)....وماشى حوالى 40 كيلو ولقيت واحد (بماروتى سودا).....
عمال يقلب نور وبتاع هو افتكرنى بشد معاه......... فتحتلة الطريق وعدى منى...لقيتة واد شنكوتى ....وراح باصص لعربيتى بصة رخمة كدة .......وكأنة بيقولى بتشد بايه......:k30:
حسيت ان عربيتى زعلت واتضايقت ...:k30: ؟؟؟؟
روحت مسقط التانى.... وشديت معاه فى مطلع الكوبرى.... فى الملف وفى اول المطلع بتاع الكوبرى ......نتشتها التالت .......والله شبت من على الارض......لقيت الواد جاى ورايا صاروخ ويقلب نور وبتاع ماعدتوش...كنت هالبسة فى الونش اللى فى مطلع الكوبرى.... بس عديتة وخليتة ييجى جانبى.....وبعدين روحت كابس تانى واخدت غرزة من الشمال غرزة موت......من اوكتافيا.....وانا سامع صوت موتورة من الحرق عليه...وبرضة الواد ورايا شغال غرز وعايز يعدى ......بس مين؟ قفلت معايا..... كنت حاسس انة لو عدانى يبقى انا كدة اتعلم عليا... .........المهم فى وسط الملحمة لقيت مين راشق ورايا وبيقلب نور.....:K_crying[1]:.....هيونداى I30....اتارى هو شايفنا من ورا واحنا بنشد مع بعض.......وراح داخل معانا وراح معدى من الماروتى .....المفيرسة.......وهو ورايا وعمال يقلب ويكلكس.....انا راسى والف سيف مش هاعديه.......وشغالين غرز.......والله انا بصيت على الامبير لقيتة 85 وداخل على 90 انا قلقت الصراحة ........وابتديت اهدى شوية وبرضة غرز.......ابتديت الحم فى عربية عربية قدامى واخد الغرزة على بنفس سرعتى والواد هايتجنن......... لحد ما قربت عند النازلة بتاعة الحدايق واديتة اشارة يمين وبعدين انتظار.....وهديت كتير وجيه جنبى وبصلى ورفع ايدة وقالى.....
وشاورلى قالى تكمل:k46:
وانا شاورتلة انى خلاص هانزل من هنا......وسلم عليا ومشى.........
والله فيروز سيطت الفيات يارجالة .......وفى الاخر وانا ومهدى وبتكلم مع بتاع الI30لقيت بتاع الماروتى .......بيقلب وعايز يعدى مننا احنا الاتنين علشان كان مكمل على طولللل......
نفضتلة ومابصتلوش اساسا........

[tabeb]

شوف الموضوع ده كده

http://www.nilemotors.Com/Nile/showthread.php?t=69643

[i_Am_Legend]

شوف الموضوع ده كده
http://www.nilemotors.Com/Nile/showthread.php?t=69643

يا باشا موضوع ايه بس اللينك بيودينى على الصفحة الرئيسية للمنتدى!.......

[tabeb]

جرب تاني انا عدلته_اصلي داخل نت من الموبايل_علي العموم الموضوع اسمه هتشد هشد!

[tutankhamoun]

الحمد لله أنك موجود معانا و قدرت تكتب الموضوع

أنت عارف اللي أنت عملته ده ........ أيه عواقبه ؟؟؟؟؟؟؟؟؟؟؟؟؟؟

طبعا الحمد لله ............ أنك بخير
و لكن لو حصل ما لا هو غير متوقع أو انفجار فردة كاوتش أو أي حاجة حصلت أدامك كان ممكن بكل بساطة .........
تتحول فيروز من سيارة 127 ........... إلى طائرة و تهبط من على الكوبري ............... زي حوادث كتيرة بتحصل في مصر و من عربيات أحسن من ال 127 بكتير زي الأخ اللي توفاه الله منذ حوالي شهور و معاه تقريبا لانسر ............. و الأخ ده .......... طار من فوق كوبري ستة أكتوبر و كان موقع الهبوط هو ميدان عبد المنعم رياض .......... و طبعا الوفاه كانت في الحال و الحمد لله أنه مهبطش على ناس برئية ماشية في حالها في الشارع .

و تخيل الموقف ده لو حصل لأي حد فينا
و بعدين توفاه الله بعد أن يقتل معه كام فرد برئ

هاتروح تقول ربنا أيه ؟؟؟؟؟؟؟؟؟؟؟ كنت عايز أثبت أن فيروز أصيلة و بتعمل غرز ؟؟؟؟؟؟؟؟؟؟؟؟

أحمد ربنا أنه سترها معاك المرة دي و مش كل مرة تسلم الجرة

متخليش الناس تستفزك ...............

و ممكن سؤال
هو أنت كسبت أيه لما غلبته ؟؟؟؟؟؟؟؟؟؟

أو كنت هاتخسر أيه لو هو اللي غلب ؟؟؟؟؟؟؟؟؟؟؟؟؟؟؟؟؟؟


طبعا و لا حاجة ............ و الحمد لله أنك بخير و لازم نتعلم من تجارب بعض و من تجارب الأعضاء و من تجارب مما يحدث في الشارع المصري

صدقني روحك غالية عليك و على أهلك و على من ينتظرك ............. و ستُسأل عنها يوم القيامة ........... و ستكون المصيبة أكبر لو تسبب الشد و الغرز في قتل ناس ليس لها ذنب إلا وقوعها في طريق فيروز سيارتك ( ربنا يباركلك فيها و يكفيك شرها و يعطيك خيرها )

بس أتقى الله في نفسك أولا ............ و في أهلك الذين ينتظرونك للوصول آمنا للمنزل ........... و تخيل موقفهم إذا حدث مكروه لك لا قدر الله !!!

ربنا يكفيك شر الطريق ............ و يهديك و يهديني و يهدي كل سواق ..........


يا جدعان دي العربيات دي حتى مستوردة و مش أحنا اللي صانعنها ................. يعني تطلع حلوة أو وحشة مش هانخسر و لا هانكسب حاجة

حاجة تانية يا أخي الكريم
السيارة للتنقل من نقطة 1 إلى نقطة 2 .......... و ليس للشد و الغرز و السباقات خصوصا أن أحنا مش راكبين فيراري و لا لوتس
ده أخرنا 1600 سي سي الأغلبية

أنا عايزك متزعلش مني ............ أنا قلبي عليك كأخ لك ..............

[i_Am_Legend]

جرب تاني انا عدلته_اصلي داخل نت من الموبايل_علي العموم الموضوع اسمه هتشد هشد!

يا باشا بس ال127 الايطالى بردة عربية (صايعة)مش بياكل معاها اى حاجة ولا كورولا ولا يحزنون.......بس ياباشا عربيتك مش حلوة فى الغرز......تقيلة قوى والشنطة مش لذيذة.....انا لو كان معايا عربية اكبر شوية من ال127 ماكنتش هاعرف أكل الغرز دى .....الغرز عايزة قلب وموتور يسعفك.....وعايزة عربية صغيرة ......والله الغرزة على قد العربية......انا شايف تعبيرات الناس فى المرايا .....مش مصدقين!!!! ان دى تعمل دة.....

[ahmedsrs]

ربنا يباركلك فيها ويكفيك شر الطريق

[loodaa]

اتفق مع الأخ توت تماما, وبجد حرام اللي احنا بنعرض نفسنا ليه, انت زي ما تقول كدة واحد بيمشي علي سور عالي و مغمض عنيه وبيقول انا واثق من نفسي وهو لو جه عليه شوية هواء حيقع على جدور رقبته

[i_Am_Legend]

اتفق مع الأخ توت تماما, وبجد حرام اللي احنا بنعرض نفسنا ليه, انت زي ما تقول كدة واحد بيمشي علي سور عالي و مغمض عنيه وبيقول انا واثق من نفسي وهو لو جه عليه شوية هواء حيقع على جدور رقبته

يا جماعة هما السبب يعنى واحد بالماروتى الحقيرة ال800 دى ييجى يعرضها عليا......
اعملة ايه اسيبة الواد كان شكلة مستفز.....
لكن بتاع الi30لو الطريق مفتوح كان علم عليا طبعا......دى عربية 2009 و1600 لكن فيروز 1974 و903 سى سى بس يعنى كتر خيرها اساسا انها بتجيب 100 كيلو مرتاحة....وبتعمل غرز كمان.....
بس بردة اخوكو سواق جامد...................ههههههه

[mikao]

الحمد لله أنك موجود معانا و قدرت تكتب الموضوع

أنت عارف اللي أنت عملته ده ........ أيه عواقبه ؟؟؟؟؟؟؟؟؟؟؟؟؟؟

طبعا الحمد لله ............ أنك بخير
و لكن لو حصل ما لا هو غير متوقع أو انفجار فردة كاوتش أو أي حاجة حصلت أدامك كان ممكن بكل بساطة .........
تتحول فيروز من سيارة 127 ........... إلى طائرة و تهبط من على الكوبري ............... زي حوادث كتيرة بتحصل في مصر و من عربيات أحسن من ال 127 بكتير زي الأخ اللي توفاه الله منذ حوالي شهور و معاه تقريبا لانسر ............. و الأخ ده .......... طار من فوق كوبري ستة أكتوبر و كان موقع الهبوط هو ميدان عبد المنعم رياض .......... و طبعا الوفاه كانت في الحال و الحمد لله أنه مهبطش على ناس برئية ماشية في حالها في الشارع .

و تخيل الموقف ده لو حصل لأي حد فينا
و بعدين توفاه الله بعد أن يقتل معه كام فرد برئ

هاتروح تقول ربنا أيه ؟؟؟؟؟؟؟؟؟؟؟ كنت عايز أثبت أن فيروز أصيلة و بتعمل غرز ؟؟؟؟؟؟؟؟؟؟؟؟

أحمد ربنا أنه سترها معاك المرة دي و مش كل مرة تسلم الجرة

متخليش الناس تستفزك ...............

و ممكن سؤال
هو أنت كسبت أيه لما غلبته ؟؟؟؟؟؟؟؟؟؟

أو كنت هاتخسر أيه لو هو اللي غلب ؟؟؟؟؟؟؟؟؟؟؟؟؟؟؟؟؟؟


طبعا و لا حاجة ............ و الحمد لله أنك بخير و لازم نتعلم من تجارب بعض و من تجارب الأعضاء و من تجارب مما يحدث في الشارع المصري

صدقني روحك غالية عليك و على أهلك و على من ينتظرك ............. و ستُسأل عنها يوم القيامة ........... و ستكون المصيبة أكبر لو تسبب الشد و الغرز في قتل ناس ليس لها ذنب إلا وقوعها في طريق فيروز سيارتك ( ربنا يباركلك فيها و يكفيك شرها و يعطيك خيرها )

بس أتقى الله في نفسك أولا ............ و في أهلك الذين ينتظرونك للوصول آمنا للمنزل ........... و تخيل موقفهم إذا حدث مكروه لك لا قدر الله !!!

ربنا يكفيك شر الطريق ............ و يهديك و يهديني و يهدي كل سواق ..........


يا جدعان دي العربيات دي حتى مستوردة و مش أحنا اللي صانعنها ................. يعني تطلع حلوة أو وحشة مش هانخسر و لا هانكسب حاجة

حاجة تانية يا أخي الكريم
السيارة للتنقل من نقطة 1 إلى نقطة 2 .......... و ليس للشد و الغرز و السباقات خصوصا أن أحنا مش راكبين فيراري و لا لوتس
ده أخرنا 1600 سي سي الأغلبية

أنا عايزك متزعلش مني ............ أنا قلبي عليك كأخ لك ..............

+100/100
معاك فى كل كلمة اللى عمله الاستاذ مش عمايل واحد عاقل السواقة ادب و ذوق واخلاق

[ahmad--ezzat]

يا جماعة هما السبب يعنى واحد بالماروتى الحقيرة ال800 دى ييجى يعرضها عليا......
اعملة ايه اسيبة الواد كان شكلة مستفز.....
لكن بتاع الi30لو الطريق مفتوح كان علم عليا طبعا......دى عربية 2009 و1600 لكن فيروز 1974 و903 سى سى بس يعنى كتر خيرها اساسا انها بتجيب 100 كيلو مرتاحة....وبتعمل غرز كمان.....
بس بردة اخوكو سواق جامد...................ههههههه

بغض الظر عن النصايح وخلافة
الماروتى تطلع من ال 127 لو الطريق مفتوح
عربية ريشة
موتورها احدث من 127
خفيفة وتسارعها حلو
عربية احدث من 127 فى كل شىء

[hesham_shousha]

لما كنت فى سنك كنت باعمل كده برضه
لكن لما إتجوزت وكبرت عرفت إن العربيه وظيفتها توصلنى لمشوارى اللى أنا عايزه بسلام وهدوء- موش أتحدى بيها خلق الله
لإن لما أثبت لنفسى ولخلق الله إن العربيه اللى راكبها عربيه ماحصلتشى ده موش معناه إن أنا واحد ماحصلتش
لا : ده معناه إن الشركه اللى أنتجت العربيه شاطره- وعملت دعايه ليها من غير ما أستفيد منها حاجه - على العكس خسرت كتير لإنى تعبت عربيتى اللى دافع فيها فلوس وشديت عليها فى هذا التحدى و عرضتها لإحتمال تعرضها لحادث - والله أعلم إيه تانى
لأن إنت كل المحهود اللى عملته فى هذا التحدى إنك دوست على دواسه البنزين وأعتقد إن ده موش صعب حتى لو على أى بنت إنها تعمل كده
لكن اللى خلاك تكسب التحدى هو قوه العربيه اللى إنت راكبها - وده مالكش فضل فيه نهائيا
وعموما وأتحداك بكره لما توصل لسنى هيكون ده تفكيرك - دى مراحل ولازم الكل يمر بيها

[samcar]

يا جماعة هما السبب يعنى واحد بالماروتى الحقيرة ال800 دى ييجى يعرضها عليا......
اعملة ايه اسيبة الواد كان شكلة مستفز.....
لكن بتاع الi30لو الطريق مفتوح كان علم عليا طبعا......دى عربية 2009 و1600 لكن فيروز 1974 و903 سى سى بس يعنى كتر خيرها اساسا انها بتجيب 100 كيلو مرتاحة....وبتعمل غرز كمان.....
بس بردة اخوكو سواق جامد...................ههههههه

يا عم الجامد زى مانت احتقرت الماروتى ممكن حد تانى كانت تكبر فى دماغه ازاى 127 بتعدى منى - مع الحاجه اللى كل الجامدين - الله يرحمهم - نسيوها هى خطأ الغير انت جامد وهو غشيم النتيجه اتنين مرحيم - يا جامد

[فادى]

بغض الظر عن النصايح وخلافة
الماروتى تطلع من ال 127 لو الطريق مفتوح
عربية ريشة
موتورها احدث من 127
خفيفة وتسارعها حلو
عربية احدث من 127 فى كل شىء

الماروتى لا يمكنها الطلوع من ال127 بتاتا!
ال127 محركها 900 سى سى يولد 45 حصانا ووزنها على ما اذكر فى حدود ال750 كغ.
الماروتى 800 سى سى محركها اضعف كثيرا و يولد 37 حصانا, و لكن وزنها اخف قليلا 650 كغ.
أعتقد انو ال127 اسرع , لأن العربيتين دفع امامى.

[tutankhamoun]

الماروتى لا يمكنها الطلوع من ال127 بتاتا!
ال127 محركها 900 سى سى يولد 45 حصانا ووزنها على ما اذكر فى حدود ال750 كغ.
الماروتى 800 سى سى محركها اضعف كثيرا و يولد 37 حصانا, و لكن وزنها اخف قليلا 650 كغ.
أعتقد انو ال127 اسرع , لأن العربيتين دفع امامى.

و لكن متنساش يا باشمهندس فادي أن الماروتي موتورها جديد و لسه بخيره فهايطلع القوة بتاعته كلها

إنما ال 127 عربية قديمة و مصنوعة من 30 سنة و مستهلكة …....... و مش بتطلع 45 حصان