فتيس الريجاتا

[safsaf32]

السلام عليكم يا شباب ...انا النهارده لاحظت حاجه غريبه فى عربيتى الريجاتا وانا ماشى ايدى خبطت فى عصايه الفتيس من غير ما اقصد فرجع الفتيس مور بس بكل هدوء من غير ما يزعق او اى حاجه وطبعا انا كنت مش دايس ديبرياج فكررتها تانى بس المره دى كنت قاصد لاقيته برضه رجع من غير مشاكل .. انا عايز اعرف هل ده طبيعى والا ايه مع العلم ان عربيه والدى128 حاولت اعمل فيها الموضوع ده الفتيس مارضيش يفك التعشيقه اصلا وعلى فكره عربيتى بتسحب كويس بس مشكلتها بتتاخر حبتين عشان توصل للسرعه المطلوبه والاولانى مابديش سرعه للعربيه خالص يعنى يدوبك يبدا الحركه بس وبعد كده اجيب التانى هل ده ليه علاقه بموضوع الفتيس والا لا ...اسف على الاطاله ومستنى ردودكم ان شاء الله

[memo81]

أنا عندي نفس الحكاية وكانت عندي قبل كدة في ال 128 القديمة واعتقادي انه كده طبيعي يا ريت حد يفيدنا

[mahamedaraby]

اللى انا فهمته لو كان صح انك مثلا ماشى على الرابع من غير ما تدوس دبرياج روحت مورت الفتيس

لو ده صح

يبقى ده الطبيعى هو ده المفروض اللى يحصل العربيه بتاعتك مفهاش حاجه خلاص

وده عندك وعندى ال128 وعند كل العربيات المنيول

[ahmedzizo131]

نفس الموضوع دة بيحصل معايا بردة

[Michael_Lanos]

بص يا باشا الكلام ده بيحصل لما يبقى فى مشكله فى الدبيراج تلاقى الميكانيكي سايق العربيه عادي وانا جربتها بنفسي فى لانوس اهم حاجه تشبع الغيار كويس على اخره وتنتش الغيار فى نفس الوقت اللى بتشيل رجلك فيه من البنزين ..... هاينقل معاك عادي

بس انا مش مسؤل عن اى خساير تحصل ..... انا جربت الموضوع ده فى نفسي بس علشان انا اللى اتحمل النتيجه ......

[safsaf32]

شكرا يا شباب طمنتونى انا كنت فاكر ان الفتيس بايظ ...الف شكر

[EMADBATTA]

السلام عليكم عندى مشكلة فى الفتيس بتاع الريجاتا وعايز تيش مش عرف اجيبة منين وعندى طقطقه لما ادوس فرامل المكانيكى بقول الاسكتر عايزة حشو افيدونى