السفنتينا (127) بتاعتي صوت موتورها عالي

[نور العمر]

الثاني هو إللي صادق .. لإني كشفت على الماستر عنده الاول مكانش موجود ... وقاللي مش مهم تركبيه ... معاملش عليا شغل
الميكانيكي إللي المفروض ركبه هو إللي أصر يقنعني بيه خوفا على الفرامل ..
أنا طبعا كلمته وحطيته قدام نفسه ... بس الواضح .. إن الصنايعي إللي عنده هو إللي عمل كدة ... والله اعلم ...
أهو مش حتعامل معاه تاني وخلاص .. الموضوع اخد 210 ج ولسة فانوس إشارة وتركيبه ودوكو ... وحأجل الدوكو لحين مجزرة بقا

زهقت ... بجد نفسيتي تعبانة

[maka]

الثاني هو إللي صادق .. لإني كشفت على الماستر عنده الاول مكانش موجود ... وقاللي مش مهم تركبيه ... معاملش عليا شغل
الميكانيكي إللي المفروض ركبه هو إللي أصر يقنعني بيه خوفا على الفرامل ..
أنا طبعا كلمته وحطيته قدام نفسه ... بس الواضح .. إن الصنايعي إللي عنده هو إللي عمل كدة ... والله اعلم ...
أهو مش حتعامل معاه تاني وخلاص .. الموضوع اخد 210 ج ولسة فانوس إشارة وتركيبه ودوكو ... وحأجل الدوكو لحين مجزرة بقا

زهقت ... بجد نفسيتي تعبانة

متتعمليش معه تانى والمستر الخلفى مش مهم اوى

حاولى متجريش وتسيبى مسافة دائمة بينك وبين اللى قدامك

وحاولى تشغلى قران وانتى ماشية

وربنا معاكى

[YaSSerwIN]

maka باشا
بصراحة مش عارف البيك كام لأنى عمرى ما غيرته
انا بس كنت عامل أكس وباب وأبرة للكربراتير
وبصراحة الى كان بيخلينى أقرص على العربية

لأنى كنت مركبلها بوجيات يابانى 3 شمعة وسلك بوجيهات أنجليزى

ولاحظت بعد تغيير البوجيهات والسلك

ان العربية بقا نفسها طويل فى الغيارات وصوتها بقا واطى

العربية فى السلانسيه وهيا واقفة ما تسمعلهاش صوت زيها زى الجديد


وبالنسبة للأخت نور العمر

رجاء زيارة مختص فرامل وليس ميكانيكى لعمل فحص شامل لدورة الفرامل بالكامل لأنها هيا الأساس ياعنى اى فلوس هاتدفع فى تظبيط حاجة تانية هيكون تظبيط الفرامل رقم واحد من الحاجات دة

وبردك لما تيجى تفرملى مرة واحدة

حاولى ما تدوسيش على الدواسة مرة واحدة للأخر بالبلدى ( ماتقفيش على الفرامل )
دوسى مرة فى مرة هتلاقى العربية بتهدى معاكى جامد

[khaled_sabry]

انا عربيتى بتعمل 130 كم فى الصفيحة مع ان مشوارى من شبرا الخيمة لرمسيس من غير اشارات يعنى

مش عارف اروح لحد بتاع كاربراتيرات ولا ارمى العربية خالص؟؟؟؟؟؟؟؟

ازيك يا حسن
انا خالد صبرى يا بنىىىىىىىىىىىىى
ماكنش اعرف انك بقيت من ذوات السيارات - مبروك يا باشا
المهم الاستهلاك بتاعك اللى بتقوله ده عالى على ال 127 لأنى يتهيألى انها فى حدود 1100 cc
و اللى اعرفه ان استهلاك البنزين بيتناسب مع ال cc
فانا معايا كورولا موديل 80 سعتها 1200cc
بس استهلاكى 220 فى الصفيحه على بنزين 80 على الطريق الطوالى
ولو فى البلد و اشارات و كده قول بتعمل تقريبا 190
وده فارق كبير عن اللى بتقوله
فاللى اعرفه عن اسباب زياده معدل حرق البنزين هى
1- اسطوانه الدبرياج محتاجه تغير (حتلاقى عزمها قليل فى المطالع)
2- الكهربا مش مظبوطه مع البنزين بتاعك سواء 80 او 90
3- الكربراتير مش مظبوط (و ماعرفشى التفاصيل بتاعته ) بس بتبان لما تبص على الشكمان و تلاقيها بتطلع دخان اسود و فيه لون اول لما حد يدوسلك بنزين
بس دى الاسباب اللى اعرفها

[u3mbkp]

فى سبب تانى محدش اتكلم عليه .. وده ممكن يخلى العربية سحبها ضعيف ومكتومة وكمان تاكل بنزين ... وهو ان الفرامل تبقى قافشة فى احدى او بعض العجل .. ودى ممكن معرفتها بوضع يدك على جنوط العربية بعد توقفها مباشرة وتحسسها ان كان بها اى سخونة
المشكلة دى حصلت معايا ومعرفتهاش غير وانا باشحم العربية وهى مرفوعة لقيت العجل مش بيلف بسهولة رغم ان العربية كانت ممورة .
ومعرفتش الكلام ده غير بعد ما غيرت الابلاتين والبوجيهات والكوندنسر وكابلات بوجيهات حرارى وبك اوسع من اللى كان راكب بدون فائدة.
اما بخصوص السرعات فأنا لم استطع تعدى ال 130 كم/س على الخامس وممكن اقول ان العربية كانت بتجيب من 0 الى 100 فى حوالى 20 ثانية .. بس بعد الـ110 كانت بتعوم وفيه دردرة جامدة فى الدركسيون ومنفعش معاها ترصيص ولا كاوتش جديد ولا غيره .. اعتقد ان تصميمها ووزنها الخفيف ميسمحش باكتر من كده. هى كانت موديل 86 وكانت بتعمل حوالى 180 كم فى العشرين لتر.
اما التصليحات فهى كانت بحالات .. احيانا تفتح بقها وتطلع من عطل لعطل لمدة شهر ولا اتنين .. واحيانا تانية كانت تقعد سنة او سنة نص متاخدش غير بنزين ومياه للرادياتير !!

[محمد فريد]

ال127 ماتورها 900 و 950 سى سى فقط

[Maged_Samy]

شوفوا ياجماعه .. كل عربيه وليها ظروفها .. فيه عربيه صاحبها خلاها خرده واهمل فيها وطلع عينها وعربيه صاحبها كسول وبخيل ومش عايز غير انه يروح مشاويره وخلاص وأهي ماشية وعربيه صاحبها راجل محترم وعاقل وبياخد باله منها وبيعاملها زي اولاده ... تيجي سيادتك تشتري ممكن يكون نصيبك في عربية الأولاني .. تفضل تعاني طول عمرك معاها .. ولو كان نصيبك في التانيه هتصرف شويه عليها وبعدين هتستريح ولو ربنا بيحبك يجعل لك نصيب في التالته ... بعد كده تدخل المنتدى بتاعنا وتستفسر وتسأل وتبحث .. وممكن تقول لنفسك اشمعنى عربيتي اللي قرفاني كده ؟؟ ايه المشاكل اللي عندي دي .. ؟؟ هوه فيه ايه ؟؟ وتلاقي ( أخت فاضله) تقول لك اصل ال127 دي زباله والتاني يقولك هيه دي عربيه أصلا دي عربية تخصص انقلاب .. وواحد يصبرك ويقف معاك وينصحك انك تحمد ربنا وخلاص .. يعني مش هتلاقي عربيه زي التانيه ابدا . ... ومش هتلاقي اتنين يتفقوا مثلا على شيئ ثابت وممكن تعمله في عربيتك وينفع ويعمله شخص تاني ويفشل ... انا لقيت اكتر من مائة مشكلة لل127 في المنتدى وبالرغم من كده هيه اكتر عربيه قديمة ماشيه في شوارعنا وهايصه وبتتصلح ببلاش ... بس وصلت لشيء هام غايب عننا .. لو أصلحت نيتك وتعاملت مع الله بإخلاص واتقيته سيصلح لك احوالك مع سيارتك .. بجد جربوا كده وشوفوا .. معاملات نقيه ونيات صافية لاتشوبها احقادولاضغائن وخير تقدمه للآخرين يساوي بركة في سيارتك وبيتك

فيه عربيه مع صديق كانت قرفاه بشكل رهيب وعانى منها كتيييييير ومفيش فايده من تصليحها .. وباعها لصديق آخر .. وسبحان الله بقالها معاه سنتين تقريبا ولم يذهب لتصليحها الا مرة واحده لتغيير الجلب !!!!! يبقى فيه ايه ؟؟؟ قولوا انتم

الله ينور عليك كلامك فوق الرائع

[Maged_Samy]

( .. بس بعد الـ110 كانت بتعوم وفيه دردرة جامدة فى الدركسيون ومنفعش معاها ترصيص ولا كاوتش جديد ولا غيره .. اعتقد ان تصميمها ووزنها الخفيف ميسمحش باكتر من كده. )

اظبط زوايا عند حد محترم ولو عندك اى مشاكل فى العفشه هيقولك تغير ايه وترجعلوا تانى ومش هتلاقى اى دردرة ولا هتعوم تانى انشاء الله مهما كانت سرعتك .