ايه الحل لعداد 128 المقدم

[محمد فريد]

هل هناك حل لهذه المشكلة واعلم انها فى كل ال 128 هل العداد بيحسب صح مع العلم انى مرة وصلته ل 160
واللى ضبطه عمل ايه بالظبط؟

وادى صورة عدادى

[zastaffa]

ركز معايا خطوة بخطوة::1-فك العداد من العربية يعني فك المسمار الصليبة اللي في وش العداد وكمان فك فيشتين النور اللي راكبين في العداد من ورا وكمان فك سلك الكيلو متر 2-فك وش العداد الاسود اللي فيه الدواير الازاز 3-اقلب العداد علي وشه وبص علي مكنه الكيلو متر من ورا وفك المسمارين العاده اللي رابطنها 4-هافترض معاك ان العداد كان بيقدم 20كيلو مثلا يبقي انت هاتجيب العقرب بتاع السرعة علي 20 بايدك اليمين وتسبته علي كده ثم تمسك بسبابه ايدك الشمال الابره الرفيعة اللي ماسكه العقرب من تحت تمسكها علي وضع 20 كيلوثم تفك العقرب وهو علي عشرين وتركبه بس المره ديه علي الزيرو يبقي انت كده اخرت السرعة 20 كيلو وشيا ايدك من علي الابره وخلاص كده وارجع جمع كل حاجه زي ماكانت...ملحوظة أخيره ممكن تكرار الخطوات السابقة حسب قيمه السرعة اللي كان العداد بيقدمها يعني لو بيقدم 30 يبقي هتمسك العقرب علي 30 وتعمل نفس الخطوات

[zastaffa]

ركز معايا خطوة بخطوة::1-فك العداد من العربية يعني فك المسمار الصليبة اللي في وش العداد وكمان فك فيشتين النور اللي راكبين في العداد من ورا وكمان فك سلك الكيلو متر 2-فك وش العداد الاسود اللي فيه الدواير الازاز 3-اقلب العداد علي وشه وبص علي مكنه الكيلو متر من ورا وفك المسمارين العاده اللي رابطنها 4-هافترض معاك ان العداد كان بيقدم 20كيلو مثلا يبقي انت هاتجيب العقرب بتاع السرعة علي 20 بايدك اليمين وتفضل ماسكه ثم تمسك بسبابه ايدك الشمال الابره الرفيعة اللي ماسكه العقرب من تحت تمسكها علي وضع 20 كيلو وتتفضل ماسكها ثم تفك العقرب وهو علي عشرين وتركبه بس المره ديه علي الزيرو يبقي انت كده اخرت السرعة 20 كيلو وشيا ايدك من علي الابره وخلاص كده وارجع جمع كل حاجه زي ماكانت...ملحوظة أخيره ممكن تكرار الخطوات السابقة حسب قيمه السرعة اللي كان العداد بيقدمها يعني لو بيقدم 30 يبقي هتمسك العقرب علي 30 وتعمل نفس

[محمد فريد]

بس فى بنز تحت العقرب ده بيمنع ان العقرب ينزل أصلا

على كل حال شكرا جزيلا.

[zastaffa]

يا حبيبي حاول تفهمني أنا ماليش دعوه بالبنز اللي انت قاصدك عليه اللي هو بيخلي العقرب مينزلش تحت الزيرو او تحت العشره في بعض العربيات ومنهم ال128 اللي معايا حاول تركز معايا تاني انت حاتجيب العقرب بايدك علي 20 مثلا ده لو كان بيقدم عشرين زي ماقولتلك قبل كده وهاتخليك ماسكه علي 20 وهاتمسك بطراطيف سبابتك وابهامك الشمال الابره اللي ماسكه العقرب من تحت اللي عامله زي الدبوس بعد كده هتخليك ماسك الابره ديه وبايدك اليمين هتخلع العقرب اللي كنت ماسكه علي 20 والمره ديه هترجع تركبه بس علي الزيرو وخلاص كده

[zastaffa]

ملحوظه مهمة أنت اكيد عندك العقرب البنز بتاعه محطوط عند ال10مش عند الزيرو علي فكره فيه عربيات كده منهم عربيتي وعشان كده خد عندك ياسيدي بعض التعديلات1-لو السرعه عندك بتقدم 20مثلا يبقي انت هتمسك العقرب علي 30ليه؟ عسان انت عندك العقرب بيبدأ من ال10 مش من الزيرووهتكمل نفس الخطوات السابقة بحذافيرها...ولو عندك السرعه بتقدم30يبقي انت هتمسك العقرب علي 40وهكذا مع تكرار نفس الخطوات وع فكرة الكلام ده عن تجربة

[zastaffa]

حاجه أخيره ابل مانسي في حاله ان العقرب بتاعك البنز بتاعه محطوط عند ال10 يبقي هتعمل الخطوات اللي قولتلك عليها ولما هتيجي تركب العقرب مره تانية هتركبه عند ال10 يعني هتركبه في اول نقطه بعد البنز مباشرة وطبعا مستحيل تركبه عند الزيرو والبنز بتاعة عند ال10 لانه في هذه الحاله حايجي يتحرك من الزيرو حيلاقي البنز واقفله عند ال10 وأسف ع الاطاله

[محمد فريد]

فهمت يا باشا بس هو مظبوط كده قشطه؟
انا مالى ياعم احسن يبوظ وساعتها اقولهم عليك هههههههه
بهزر معاك
هو فعلا مزنوق عند ال 15 بالظبط وملوش حل غير انى افك الوش الشفاف اللى فيه الدبوس واعمله خروم جديدة وبكده ينزل على الصفر

طولت عليك سلاااااااااام

[zastaffa]

والله برافو عليك أنت جيبت التايهه أنا كنت واجع البي ليه وأنت بسمالله ماشاء الله عليك أولت اللي انا مش عارف أقوله بجد بجد أنا الغلطان وأستاهل ضرب ال...........................سلام يا فريندي

[محمد فريد]

والله برافو عليك أنت جيبت التايهه أنا كنت واجع البي ليه وأنت بسمالله ماشاء الله عليك أولت اللي انا مش عارف أقوله بجد بجد أنا الغلطان وأستاهل ضرب ال...........................سلام يا فريندي

لا اله الا الله يعنى انا سالت سؤال وحضرتك جاوبت عليا وتاعب نفسك وانا منكرتش ده وشكرتك اكتر من مرة ملوش بقى لازمه الكلام اللى بتقوله ده وتكبر الموضوع

انا قولت انى بهزر معاك --- هو انا غلطت فيك ؟؟؟؟؟
انفز الفكره او منفزهاش حاجة ترجعلى انا.
يا ريت حضرتك تتقبل الكلام ده بصدر رحب احنا هنا فى المنتدى اخوات ومكنتش اتوقع ابدا حد يكلمنى بالطريقة دى
وعلى فكره اسمها فريندلى مش فريندى
وشكرا لذوق حضرتك

[zastaffa]

علي العموم ماتزعلش يا سيدي لو أنا كنت أوفر شويه بس انا بجد والله كنت عايز افيدك مش أكتر أما بالنسبه لل أل بتاعة فريندلي فسقطت سهوا ولذا وجب التوضيح وأخيرا مساءك فل ياباشا