مساعده من ملاك البونتو كلاسيك في الاختيار

[amir]

شباب المنتدي
انا معايا صني 2007 و خدت القرار جديا في بيعها لأسباب معينه
المهم
كنت بفكر في اختيارين اتنين و عايز مساعده منكم و نصائح صادقه
متطلباتي كالتالي:
1-قطع غيار مش غاليه قوي بالنسبه للاساسيات انما فوانيس و حاجات تانيه اللي بتتغير في الحوادث مش مشكله لأنها مبتتغيرش الا كل فين و فين و بيبقي في بدائل ليها ما بين اصلي و انواع اخري
2- توفير في استهلاك البنزين, عايز العربيه تخاصم محطات البنزين شويه
3- تكاليف الصيانه الدوريه و المصنعيات متكونش غاليه و امكانيه عمل الصيانات الدوريه خارج التوكيل ان استلزم الامر

و علي اساس الشروط دي فكرت في البونتو كلاسيك و الجين تو
انا عارف ان فرق السعر بيميل الي البونتو خصوصا بعد العرض اللي عاملينه
البونتو من جوه تابلوه و شكل جميل
الجين تو عاجباني قوي من بره كشكل و التابلوه من جوه برضو و ان كانت الخامات كما قال الاخ العزيز احمد صيام لازال عليها لوم شويه انما مش مشكله قوي
بالمناسبه الاختيارات مانيوال و كفايه اوتوماتك عليا انا شبعت منه و واحشني سواقه المانيوال قوي
فياريت تشاركوني القرار

بالمناسبه نفس الموضوع انا عملته في قسم البروتون و مستني ارائهم و ارائكو
و شكرا

[Ahmad Shawky]

والله يا استاذ امير انا بفكر نفس تفكيرك ونفسى اجيب بونتو ان شاء الله بس شكلها الجديد موقفنى شويه بقى اوحش من القديم

[loodaa]

ما تشوف الجراند بونتو أكبر من البونتو و بنفس تمن الجين2 الاوتوماتيك وان كان ده لا يعيب الجين2 كمان شكل الجراند بونتو احلى من البونتو والجين2 انما لو المسألة في الفلوس تبقي البونتو احسن عربية في تمنها 65900 و شكلها مش وحش يعني انا كنت ناوي اشتريها أيام ما كانت ب 72000 بس حظي جتلي فلوس كدة من حيث لا أدري فجبت الجراند بونتو.

[Ahmad Shawky]

ما تشوف الجراند بونتو أكبر من البونتو و بنفس تمن الجين2 الاوتوماتيك وان كان ده لا يعيب الجين2 كمان شكل الجراند بونتو احلى من البونتو والجين2 انما لو المسألة في الفلوس تبقي البونتو احسن عربية في تمنها 65900 و شكلها مش وحش يعني انا كنت ناوي اشتريها أيام ما كانت ب 72000 بس حظي جتلي فلوس كدة من حيث لا أدري فجبت الجراند بونتو.

الجراند عامله معاك ايه يريت تقولى علشان بفكر فيها وسعرها بيبدا من كام وكمليتها ايه

[YoussefMostafa]

امير باشا لو بتفكر في توفير البنزين شيل الجين تو من المقارنة

[tamer51177]

البونتو بتوفرلك كل ده بالاضافة لفرق السعر ... اعتقد البونتو اختيار كويس بالنسبة لك.

[loodaa]

هي جامدة بصراحة بس ما بتجبش بعد 180 كيلو. امكانياتها هي ( 2 ايرباج و فرامل ABS & EBD و مرايات كهربا و زجاج كهربا أمامي - العيب الوحيد- و جنوط 15 و تريب كمبيوتر و سخان زجاج أمامي و خلفي و كاسيت أصلي نازل مع العربية و تقفيل ايطالي 100% و 77 حصان ودة مش شايفة عيب لأنها مش تقيلة و بتجري على البحر بغباء . و تكييف جامد جدا وسنتر لوك بريموت و فتح الشنطة بالريموت وباور بنظام سيتي (رهيب بيخلي الدركسيون مية على السرعات القليلة و بينشف شوية لما السرعة تزيد عشان الثبات) و خاصية بتخلي العربية تتقفل اوتوماتيكيا طالما ماشية عشان محدش يفتح باب العلربية وهي ماشية و كمان منبة للسرعة تظبطه على السرعة اللي عايزها عشان لو عديتها وانت مش واخد بالك ينبهك و فوانيس شبورة خلفية و follow me عشان يخلي العربية تنورلك الشارع لو ضلمة وانت نازل منها و تفضل منورة بعد ما تقفلها لمدة معينة و بعدين تطفي لوحدها . اما بقي النسخة الأعلى فيها فوانيس شبورة أمامية و زجاج فيمية و ايكو درايف و بلوتوث بيوصل بموبايلك ومنة تقدر تطلب نمر تليفونات بصوتك وتتكلم جوة العربية من غير ما تحط السماعة على ودنك و تسمع اللي بيكلمك من سماعات العربية نفسها وفيها مثبت سرعة. و يا رب أكون قدرت أفيدك وبرضة ابقى شوفها في المعرض.

[Ahmad Shawky]

هي جامدة بصراحة بس ما بتجبش بعد 180 كيلو. امكانياتها هي ( 2 ايرباج و فرامل ABS & EBD و مرايات كهربا و زجاج كهربا أمامي - العيب الوحيد- و جنوط 15 و تريب كمبيوتر و سخان زجاج أمامي و خلفي و كاسيت أصلي نازل مع العربية و تقفيل ايطالي 100% و 77 حصان ودة مش شايفة عيب لأنها مش تقيلة و بتجري على البحر بغباء . و تكييف جامد جدا وسنتر لوك بريموت و فتح الشنطة بالريموت وباور بنظام سيتي (رهيب بيخلي الدركسيون مية على السرعات القليلة و بينشف شوية لما السرعة تزيد عشان الثبات) و خاصية بتخلي العربية تتقفل اوتوماتيكيا طالما ماشية عشان محدش يفتح باب العلربية وهي ماشية و كمان منبة للسرعة تظبطه على السرعة اللي عايزها عشان لو عديتها وانت مش واخد بالك ينبهك و فوانيس شبورة خلفية و follow me عشان يخلي العربية تنورلك الشارع لو ضلمة وانت نازل منها و تفضل منورة بعد ما تقفلها لمدة معينة و بعدين تطفي لوحدها . اما بقي النسخة الأعلى فيها فوانيس شبورة أمامية و زجاج فيمية و ايكو درايف و بلوتوث بيوصل بموبايلك ومنة تقدر تطلب نمر تليفونات بصوتك وتتكلم جوة العربية من غير ما تحط السماعة على ودنك و تسمع اللي بيكلمك من سماعات العربية نفسها وفيها مثبت سرعة. و يا رب أكون قدرت أفيدك وبرضة ابقى شوفها في المعرض.

شكرا لردك الجميل ده والوافى فى نفس الوقت
فعلا شكلها احلى كتير من البونتو كلاسيك بس يريت تقولنا بدايت سعرها كام

[amir]

متشكر لجميع الاعضاء و ربنا يقدم اللي فيه الخير

[amir]

امير باشا لو بتفكر في توفير البنزين شيل الجين تو من المقارنة

ليه بس
الجين تو مانيوال و بالفلتر القديم مع الاخ توت و استهلاكها للبنزين يكاد يكون موازي للبونتو مع السواقه العاقله بدون حرق و نقل عند ار بي ام 3
فما بالك بالفلتر الجديد الاحسن توفيرا للبنزين و اهدي صوتا عن القديم و الكلام هنا عن موديل 2009
و عموما انا برضو عامل موضوع هناك بناقش فيه جين تو ولا بونتو
و اديني بستفيد من هنا و هنا و ربنا يوفقني ابيع الصني جديا ولا اخليها و ان بعتها فلازم اكون حاسم قراري هاشتري ايه

[amir]

يا اصحاب البونتو الكرام برجاء اغراء العبد لله و تشجيعه
مش عايز اروح اعمل صيانه ال 50 الف بتاعت الصني بقي الله يكرمكو لحسن العفاريت بتطلعلي هناك من تحت طقاطيق الارض

[ahmad--ezzat]

ليه بس
الجين تو مانيوال و بالفلتر القديم مع الاخ توت و استهلاكها للبنزين يكاد يكون موازي للبونتو مع السواقه العاقله بدون حرق و نقل عند ار بي ام 3

ال 1600 سى سى ..اصلا تشغيلة بيسحب..لا يقارن بالبنتو..يعنى لو افترضنا ان الاتنين فى السلانسية الجين 2 هيبقى اكترررررررر

[amir]

ال 1600 سى سى ..اصلا تشغيلة بيسحب..لا يقارن بالبنتو..يعنى لو افترضنا ان الاتنين فى السلانسية الجين 2 هيبقى اكترررررررر

يبقي غالبا و بنسبه 90 في الميه التفكير في البونتو ان شاء الله و طبعا العشره في الميه الباقيين في الجين
بس بصراحه انا تعبت من استهلاك البنزين بتاع الصني( و ان كان مش وحش اطلاقا بالنسبه لموتور 1600 اوتوماتك) و ممكن الناس تتأكد شخصيا من استهلاك الصني في موضوعي دهhttp://www.nilemotors.net/Nile/showthread.php?t=62667

انما انا بعمل كيلومتري عالي جدا (ممكن في الاسبوع الواحد اعدي ال400 كيلو مستريح) و معظمها جوه البلد + تكاليف الصيانه و مصنعيات التوكيل
بصراحه انا ناوي ابيع الصني لأتقاء شر التوكيل و الصيانات و المصنعيات
و العشره في الميه بتوع عشقي للجين فأسعار صيانات الجين في التوكيل قربت تطيرها من دماغي لأنها فعلا غاليه قوي يمكن قريبه من الصني

[Dr_Smart]

طالما مش فارق معاك ان العربيه هاتش باك وعايز توفر بنزين يبقى فيه اختيارات تانيه ممكن تفكر فيها

سيريون وان 1000 سي سي ... دي طبعا الاختيار الامثل لواحد مشاويره جوه البلد كتير وعايز يوفر بنزين ... بس عيبها بقى صيانة غاليه شويه في التوكيل زي كل الياباني

هيونداي i10 او كيا بيكانتو ... ودي 1100 سي سي هتبقى موفره جدا في البنزين برضو وعمليه في الزحمه واعتقد ان صيانتها وقطع غيارها متوفره ورخيصه بره التوكيل

ممكن تحطهم برضو في المقارنه مع البونتو

وربنا يوفقك

[amir]

انا عارف ان اعترافي اللي هقوله دلوقتي هيزعل مني ابو عبد الله نجم نجوم قسم الدايهاتسو بس يمكن يعزيه شويه اني من عاشقي التيريوس

انا بكره السيريون كره رهيب
من اول سعرها المبالغ بالقوي انتهاء بشكلها الكريه بالنسبالي من بره و جوه
ده لو هيدوهالي ببلاش برضو مش عايزها
ربنا يستر بقي و ملاكها ما يستنونيش في الدره و يجعله عامر