ايه رايكوا في الريتمو موديل 88

[bahaa660]

يا جماعه انا نازل اتفرج علي عربيه ريتمو ريجا موديل 88 لونها فيراني
ايه رايكوا في الربيه دي وابص علي ايه فيها قبل ما اشتريها هوه الراجل طالب 20000
هل السعر ده كويس والا كتير ياريت تلحقوني قبل ما اروح اتدبس فيها لو وحشه

[mrghost]

كتييييييييييييير اوى اخرها مفروض 16 الف لوحالتها جيده جدا

[ehabomar1987]

صح على كلام mrghost السعر غالى انا كان قدامى واحدة ريتمو ريجاتا مو 85 كان مطلوب فيها 13,000
بس راحت لصاحب نصيبها و صاحبها ده بالفعل عايز يبيع غير اللى قايلك 20,0000 و العربيات رخصت
و إن شاء الله ربنا يوفقك فى الشراء

[zastaffa]

بلاش الريتمو أعمل معروف في اتنين عندنا في الشارع معاهم ريتمو وركننها مبيركبوهاش طب دي مش حاجه تدعو للتساءل ولا أيه وليه مابعوهاش أدي سؤال تاني وأجابته انها تقيله أوي في بيعها ومعليهاش الطلب هي والهبابة دي اللي أسمها بلو زفت نيز أقصد بلونيز أصلي بحب أدلعها

[mmmmgogommmm]

اضعف شاسية فى مصر شاسية حقير بيفتح دايما اوعى

[maefy]

طيب و ال 127 يا رجالة

[bahaa660]

بتاع الريتمو اختلفنا معاه
قولولي طيب ال128 موديل 90 تعملها كام لو حالتها سليمه

[zastaffa]

أعتقد من 18 ومتزدش عن 20ألف في أفضل حالتها

[zastaffa]

بالنسبه للسؤال عن ال127 أعتقد أها عربية مناسبة جدا طالما اللي سايقها ميتجننش بيها ويخلي باله أوي في الملفات عشان قوة الطرد المركزيه بتقلب أجدع عربيه فمابالك ال127 وكمان يخلي باله جداااااااااااااااااااااااااااااا في منازل الكباري أو أي منزل ايا كان وميمورهاش ويفضل مديها غيار لحد ميخلص المنزل ده غير أنها أقل مصاريفا من ال128 وأخيرا أحب أوضح ان الشاسيه بتاعها مش أقوي من شاسيه ال128 ولا حاجه كل القصه أن ماتورها خفيف وزن ماتور السيات تقريبا فبالتالي الحمل علي الشاسيه بسيط للغايه فمفيش فتح الشاسيه والموواويل بتاعة ال128......بس اكيد شاسيه ال128 ده ليه حل وألا مكانتش أعدت 40 سنه شغاله من أيام مأهالينا كانوا عيال في الجامعة

[bahaa660]

في كلام تاني علي ال128 موديل 90 تعمل كام تاني

[ZAMALEKALX]

والله البلونز عربيه سحبها تحفه بس شكلها مش اوي

[ozy2026]

انا كنت فى السوق الجمعه اللى فاتت لاقيت 128 موديل 89 وحالتها نضيفه
كانت عامله 16500

[mmmmgogommmm]

شاسية الريتمو ضعيف جدا وبيفتح ابعد عنها وبعدين العربية دى انقرضت والسبب انها بتتكهن بسبب الشاسية

[mmmmgogommmm]

شاسية ال128 زبالة واسف لللفظ بس هو الوحيد المعبر وحكاية انها شغالة40 سنة فدة لان مكنش فى غيرها فى الفئة السعرية بتاعتها لغاية سنة1993 ومكنش فى نظام تقسيط البنوك بتاع دلوقتى فمفيش عربية تقدر تدفع فلوسا كاش غيره

[faron525]

فعلا انا بعد البحث و التجربة لاقيت ان شاسية الريتمو هو اكبر مشكلة فيها لان الموتور بتاع العربية شديد علي الشاسية وبيكسره .