الى خبراء ومستخدمى التمبرا 1600 المصرى

[victorasad]

الى الافاضل مستخدمى وخبراء التمبرا 1600 المصرى ذات نسبة انضغاط 1/9.50
هذه المعلومة من الكتالوج
هل ممكن استخدهم بنزين 80
وهل هناك ضبط معين لذلك مع خالص امتنانى

[HOSSNY]

بص انا معايا تمبرا 1400 وعملت فيها العجب غيرت الكربرتير الى عادى واسبراتير عادى ولغيت الكمبيوتر

وندمت اكبر ندم لان المتور معتش نافع يظبط المهم انا العربيه اللى معايا 80 فيها بيخلى المكنه تكركر مهما اتظبط

ومافيش قدامى غير ال90 لان لم بأخر الكهرباء السحب بيضعف

شوف ميكانيكى كويس لو ظبطهالك على 80 خير ما ظبطش يا تستحمل الكركره يا تشتغل بال 90
وربنا معاك ومعايا

[caysersosaih]

أحسن أداء مع 92

[victorasad]

شاكر نصيحتك الممتازة

[mezo73]

حـــــــــــــــــــــــــــــــــــــــــــــــــ ـــــــــــــــــــــــــــــــــرام عليكو
80 اية
دا انتوا بتبوظوا مواتيركو بأيديكم
يا 90 او 92

[abdelmessih67]

نفس رد الاخ ميزو

يا 90 يا مافوق لو الميزانية تسمح لكن 80 انساه غير انه أصلا ماعدش ليه وجود تقريبا

[galilio_mad]

انا معايا 1600 هاف انجكشن باسبراتير الكترونى و Digiplex2
باحط 80 عادى لما الميزانيه تخرم قوى و مفيش كركره و لا تسقيف
وده عشان الاسبراتير الاكترونى بالاشتراك مع الكنترول بيتحكم فى تقديم او تأخير توقيت الاشعال حسب قرايات حساس الاكسجين و ال TPS

[victorasad]

يا 90 يا مافوق لو الميزانية تسمح لكن 80 انساه غير انه أصلا ماعدش ليه وجود تقريبا-------يابيه السيارة كربراتير 1600 مصرى موديل 2000 ياترى هى نفس سيارتك ياريت نصيحة
اخرى مع خالص تحياتى وشكرى

[galilio_mad]

-------يابيه السيارة كربراتير 1600 مصرى موديل 2000 ياترى هى نفس سيارتك ياريت نصيحة
اخرى مع خالص تحياتى وشكرى

لو الاسبراتير عندك بيتظبط
اديها 80 و أخر الكهربا شويه عشان تمنع التسقيف
بس طبعا السحب حيبقى اضعف شويه و حتحس ان العربيه تقيله فى التجميع

[mezo73]

انا وجة نظري لو ظرف طارق انك تحط 80 ماشي 20 لتر وهايعدو
انما تكون القاعدة هي 80 دة غلط العربية تعد تسك منك وعلي فكرة السكة دي بترفع درجة حرارة العربية وبتأثر علي الصبابات
وفي الاخر هاتأصر عمر الموتور

[abdelmessih67]

يا 90 يا مافوق لو الميزانية تسمح لكن 80 انساه غير انه أصلا ماعدش ليه وجود تقريبا-------يابيه السيارة كربراتير 1600 مصرى موديل 2000 ياترى هى نفس سيارتك ياريت نصيحة
اخرى مع خالص تحياتى وشكرى

أنا بتاعتي 1600 سي سي موديل 1998 تجميع شركة النصر يعني تقريبا زي بتاعتك و الكلام ده من أكثر من ميكانيكي و على رأسهم الميكانيكي بتاعي اللي ما بيشغلش غير في الفيات

[victorasad]

كيف اعرف ان الاسبراتير عندى بيتظبط على حد علمى انه الكترونى هل ينفع---مع الشكر

[abdelmessih67]

كيف اعرف ان الاسبراتير عندى بيتظبط على حد علمى انه الكترونى هل ينفع---مع الشكر

أهلا يا أخ فكتور

أنا لسه جديد على العربية لكن هأقوللك كلام الميكانيكي , العربية فيها كارت زي ال board بتاعة الكمبيوتر في واجهة العربية جنب العلبة البلاستك بتاعة زيت الباور و هو مضبوط من نفسه و لا يحتاج كل شوية لتغيير الابلتين و الكوندوسور زي الاسبيراتير العادي , مشكلته الرئيسية لو جت عليه مياه لهذا فحذاري من غسل الموتور بالمياه و يستحسن بالفوم أو الجاز و أبتعد تماما عن كارت الشحن هذا و في حالة الغسيل غطيه بكيس بلاستك .

أقوللك أحسن حل , أنا شخصيا هأعمله عند غسيل الموتور هأغسله بكمبرسور هواء فقط للأتربة و لو لقيت بخار زيوت مثلا على أي جزء هأروح للميكانيكي بتاعي يغسله بكمبرسور و جاز لكن هأبتعد تماما عن محطات البنزين لانهم بصراحة مهملين بعض الش و طبعا مش كلهم .

[caysersosaih]

فين الميكانيكي بتاعك الي ما بيشتغلش غير في الفيات؟
انا عربتي تمبرا 1999

[galilio_mad]

أهلا يا أخ فكتور

العربية فيها كارت زي ال board بتاعة الكمبيوتر في واجهة العربية جنب العلبة البلاستك بتاعة زيت الباور و هو مضبوط من نفسه و لا يحتاج كل شوية لتغيير الابلتين و الكوندوسور زي الاسبيراتير العادي.

دى وحدة ال Digiplex2 المسئولة عن تظبيط توقيت الاشعال و ضبط الشرارة .
و فعلا هى ما بتتظبطش و لا الاسبراتير بيتظبط و كمان مفيش مشط و لا ابلاتين و لا كوندنسر

فى بعض الموديلات فيها ال Digiplex و الاسبراتير راكب على ترس الزيت زى العربيات القديمه و ده بيتظبط عادى خالص

و كمان فى بعض العربيات مغيرين الاصلى و مركبين اسبراتير الكترونى من اللى بمشط او اسبراتير عاده و الحكم فى الموضوع لضبط الاسبراتير , لو المكنه بتتأثر بالتقديم و التأخير يبقى شغال , لو ما بتتظبطش يبقى ترجع الاسبراتير فى النص بالظبط و تسيبه زى ما هو

و دول صور البوبينه الالكترونى و الاسبراتير الالكترونى الاصلى