عاجل بخصوص الفيات ماريا

[semone]

ارجو من الاحباب بالمنتدى سرعة الرد على اسئلتى لانى ناوى بأذن الله أشترى فبات ماريا وقدامى 3 عربيات 2 موديل2002 وواحده موديل2001 اى المودلين أحسن ومميزات كل موديل وماهى كماليات السياره الفيات ماريا وماهى عيوبها والثباثة عربيات فابريكة وبحاله ممتاذه واسعارهم تتفاوت من 48000 الى 52000 فهل الاسعار مناسبه مع العلم انى عندى ماتريكس 2005 اوتوماتك افيدونى بأقصى سرعه لأنى ناوى أبدل بالفيات ماريا ولكم كل الشكر الرد :b4_564:

[semone]

حد يساعدنى ويرد على طلبى ارجوكم

[semone]

حد يرد لله

[abdelmessih67]

أهلا يا اخ سيمون

أنا تأخرت عليك بالرد شويتين رغم أني كان نفسي أجيب فيات ماريا لكن ماقدرتش على ثمنها و جبت أختها الكبيرة تمبرا .

على قدر معلوماتي فان قطع غيار الفيات الماريا مشتركة مع موديلات ثانية و منها التمبرا لانها التحديث الخاص بها و عفشتها تقريبا زي التمبرا و بالتالي هي مش غالية , المشكلة الوحيدة في الماريا أنها غير متداولة بكثرة في مصر لهذا ستجد صعوبة في الاكسسوار الخارجي من فوانيس و كشافات .

لكن احسن حل أنك تعمل زي ما أنا ماعملت لما اشتريت التمبرا , روح الوكالة و اسأل عن قطع الغيار الخارجية و الاكسسوار من فوانيس و تابلوه و مستلزماته و اكصيدمات .........الخ استيراد و لو لقيتها موجودة و امام عينيك مش مجرد كلام بياعين بيجروا بيه رجلك يبقى اتكل على الله و خلص فيها لان الفيات برأيي الخاص
لا يعلى عليها .

بس لي تساؤل أغلب الناس بتقول الكوري و خاصة الهيونداي و أنت أول واحد اشوفه هيتجرأ و يغير الهيونداي الماتريكس بفيات أقدم منها في الموديل فلماذا ؟؟؟؟؟

هل شعرت أنها أفضل أم لوجود فارق سعر أم ماذا ؟؟؟؟؟؟؟؟؟؟؟؟؟

[semone]

صدقنى فرق السعر والطرق عندنا فى الصعيد مش حلوه وفرق كبير بين ثمن الفيات ماريا والماتريكس وانا معجب بأمكانيات الماريا ياريت تجيب لى معلومات وافيه عن الفيات ماريا ومعدل استهلاك البنزين لانى على وشك البيع والشراء ارجو الرد فى اقرب فرصه

[abdelmessih67]

أهلا بك يا اخ سيمون

أنا ما اعرفش أن كان هناك سوق لقطع غيار الفيات الاستيراد زي ما هو موجود هنا في مصر ام لا , هنا يوجد سوق في الوكالة و سوق آخر في عزبة شلبي و يا حبذا لو تيجي مصر و تشوفه و تسأل زي ما قلت لك .

بالنسبة لمعلوماتي عن الماريا فهي كما شرحت لك من قبل و الصفحة التالية تشرح مواصفاتها

http://en.wikipedia.org/wiki/Fiat_Marea

بالنسبة لاستهلاك البنزين أنا يهيئ لي ممكن يكون زي التمبرا حوالي 200 كيلو في الصفيحة و يمكن بتعمل أكثر من ذلك لانها 1300 سي سي و التمبرا 1600 سي سي .

بس عايز رأيي بدون ما تزعل الماريا برقبة الماتريكس و أنا حتى الان لا أرى تفسيرا لسعر الماتريكس المغالى فيه .

[semone]

شكرا وتعبتك كتير يا اخ عبد المسيح ربنا يباركك