.....<<<جرانــــد بونتــــو>>>.....

[haany_ghazy]

لازم نشتكى لفيات ايطالياو نبعت ايملات

[wesamone5]

يا باشا انت لازم تروح لجهاز حمايه المستهلك هما بيترعبوا منه مجرد ان اسم التوكيل اتشكى هناك بيبوسوا رجلك

[adel1414]

التوكيل نايم زي مالناس نايمة هنا

انا قعدت 4 شهور الف علي العربيه الي مسمعتش عنها غير لما واحد اشتراها وناس تشكر وناس تقول وتعيد وتزيد واجمل جمله "عربيه تسوي 200 الف وهي ب 100 الف بس " لا حد معاه العربيه ولا جربها ولا ركبها ولا حتي عنده صور ليها الا حوالي 3 كل واحد فيهم بيمن علينا كل كام شهر بكلمة وياريتها مفيدة مع احترامي للجميع...

واسف بس ده من مضايقتي بصراحه لانى كنت هحجز زيك برضه واشتريها بس الحمدلله علي كل شئ

اتفق معك قلبا وقالبا +1111111111111111111111111111111111111

[Ahmad Shawky]

لازم نشتكى لفيات ايطالياو نبعت ايملات

انا هحاول فعلا اشتتكى فيات ايطاليا لان التوكيل كده خوفنى جدا واتحاله آمن على حاجه يعملها فى العربيه بعد كده

يا باشا انت لازم تروح لجهاز حمايه المستهلك هما بيترعبوا منه مجرد ان اسم التوكيل اتشكى هناك بيبوسوا رجلك

فين حماية المستهلك ده يا باشا وإزاى ارحله

[Ahmad Shawky]

التوكيل نايم زي مالناس نايمة هنا

انا قعدت 4 شهور الف علي العربيه الي مسمعتش عنها غير لما واحد اشتراها وناس تشكر وناس تقول وتعيد وتزيد واجمل جمله "عربيه تسوي 200 الف وهي ب 100 الف بس " لا حد معاه العربيه ولا جربها ولا ركبها ولا حتي عنده صور ليها الا حوالي 3 كل واحد فيهم بيمن علينا كل كام شهر بكلمة وياريتها مفيدة مع احترامي للجميع...

واسف بس ده من مضايقتي بصراحه لانى كنت هحجز زيك برضه واشتريها بس الحمدلله علي كل شئ

لأسف انته بتظلم ناس كتير بكلامك ده وكويس انى برد عليك فى رمضان علشان مديقش
أولا انا مليش دعوه بغيرى
ثانيا لو تراجع اول صفحه فى المضووع هتلاقى ان طبيعت شغلى سفر ومش بعد فى مصر كتير وده الى خلانى لسه لحد دلؤاتى مكملتش 5000 كيلو ولا حتى اكتشفت امكانيات العربيه كلها ولا اقدر اعملكم تقرير كامل وادحك عليكم بيه لمجرد انى اشتريت العربيه لازم اجربها كلها ويعدى عليا 5000 على الاقل مش تقرير وخلاص
يمكن فى ناس جابها عدت ال5000 ومجدش عبركم بكلمه بس انا ديما برجع ليكم واقولكم انى معاكم وبحكلكم اهم الحجات ولو تلاحظ ان اى حد بيسألنى عن العربيه بجاوب عليه
من غير معمل التقرير
ده غير ان وجب التنويه للناس الى بتموت فى التوكيلات وبتحطها بند فى شراء العربيات لو عاوز توكيل نضيف يبقى البونتو متنفعوش
شخصيا لو رجع بيا لزمن مش عارف كنت هجبها وله لا
بس ربنا يستر فى التوكيل بعد كده فعلا
وحضرتك بتتريق على كلمت ان العربيه تستاهل 200 الف هيه فعلا تستاهلها وانا الى قولت الكلمه دى وجبتها وجربتها ....يريت متقاش تقول كلام مش صح لانان فى الاخر كلنا إخوات وعيب
واخيرا صور ايه الى انته عاوزها للعربيه الصور مليا النت مش دى الى هتخليك تشتريها
انا مستنتش موضوع فى المنتدى علاشن انزل اشتريها هعمل ايه بالصور!!!!!
وشكرا على ان الكلام مش مفيد !!!!!!

[Haitham10]

وانا مقولتش كلام مش صح ولا قصدتك ولا اعرف الي معاهم العربيه اصلا بس هي حاجة تضايق بجد ومش لوحدي بس قلت اتكلم عن نفسي لان دي تقريبا العربيه الوحيده الي صادفني معاها الغموض وعدم تجاوب من حد بالمنظر دة وبصراحه عندي اكتر من الكلام دة بكتير ومن فترة وساكت

والحمدلله حضرتك كرهتني في العربيه واللي عايز يركبها وكل سنة وانت طيب علي كدة ربنا يباركلك فيها وتتهنوا ببعض

[Dr. Halawa]

يا جماعة بلاش نلبس بعض اخطائنا اللى عقله فى راسه يعرف خلاصه و صوابعك مش زى بعضيها يعنى كل واحد و استخدامه و نصيبه و رزقه و مش قصدى بس فى العربية انا قصدى كمان فى الناس اللى بتقابلهم فى التوكيل و المعلومات اللى بتوصلك و كمان يا جماعة الصراحة المصريين مش بيعملو حسابهم فى مصاريف الصيانة او الrunning cost و بلاش لغة تجريح يا جماعة احنا هنا عشان نفيد و نستفيد و على رأى المثل: ربنا وزع الارزاق محدش عجبه رزقه وزع العقول كل واحد عجبه عقله (:

[Ahmad Shawky]

وانا مقولتش كلام مش صح ولا قصدتك ولا اعرف الي معاهم العربيه اصلا بس هي حاجة تضايق بجد ومش لوحدي بس قلت اتكلم عن نفسي لان دي تقريبا العربيه الوحيده الي صادفني معاها الغموض وعدم تجاوب من حد بالمنظر دة وبصراحه عندي اكتر من الكلام دة بكتير ومن فترة وساكت

والحمدلله حضرتك كرهتني في العربيه واللي عايز يركبها وكل سنة وانت طيب علي كدة ربنا يباركلك فيها وتتهنوا ببعض

لا تعليق!!

[Ahmad Shawky]

يا جماعة بلاش نلبس بعض اخطائنا اللى عقله فى راسه يعرف خلاصه و صوابعك مش زى بعضيها يعنى كل واحد و استخدامه و نصيبه و رزقه و مش قصدى بس فى العربية انا قصدى كمان فى الناس اللى بتقابلهم فى التوكيل و المعلومات اللى بتوصلك و كمان يا جماعة الصراحة المصريين مش بيعملو حسابهم فى مصاريف الصيانة او الrunning cost و بلاش لغة تجريح يا جماعة احنا هنا عشان نفيد و نستفيد و على رأى المثل: ربنا وزع الارزاق محدش عجبه رزقه وزع العقول كل واحد عجبه عقله (:

كلامك مظبوط فعلا ممكن حد يروح التوكيل ويمشى الموضوع معاه حلاوه ومن غير مشاكل لكن وجب التنويه على الى حصل علاشن الناس تاخد بالها كويس لانان مهما كان انته اكيد اكيييييد فى مصر

ولو رجع بيا الزمن كنت هجيبا لعربيه دى برضو لانها تحفه

[Dr. Halawa]

ربتا يباركلك فيها اذا كان اللى معاهم الكلاسيك مبسوطين منها جدا بس بصراحة مصر و المصريين (الطبقة المتوسطة يعنى) المفروض ما يركبوش عربيات اوروبى فيها كماليات كتير كده عشان صيانتها بتبقى غالية اوى و هم مش عايزين كده هم عايزين ال128 و الكورى اللى بيتصلح تحت الكوبرى ب5 جنيه و دمتم و اهى عربية و مية مية وبتقول بيب لكن بقى اللى عايز كماليات بسعر رخيص يستحمل بقى عشان كده الناس ما بتحبش رينو و فيات و بيخافو منهم رغم ان بيبقوا ارخص و كمان فيهم كماليات اكتر من فئاتهم

[loodaa]

يا أحمد شوقي بقولك ايه انا الحوار بتاع الاشارات ده حصل مرة معايا ان اكون مدي يمين و بعدين بعد ما يرد يدي شمال لثانية كده و يروح مع قوة السوستة لكن بعد كده مع الاستعمال راح لوحده ومابقاش بيحصل يعني ممكن السوستة عشان جديدة فجامدة شوية بس مع الاستعمال بتنعم .
غير كده مفيش مشاكل الحمد لله

[loodaa]

يا أحمد ده ايميل واحد اسمه شريف صلاح في خدمة العملاء في اوماترا انا لما اشتكيت اوماترا عند فيات هما بعتوا الشكوى له وهو كلمني وهداني و فهمني ليه ما نزلوش اعلانات .
انت ممكن تبعتلوا ايميل بالانجليزي و تشتكي فيه وهو حيرد عليك و تقولوا كل اللي انت عايزه ماشي يا باشا سلام
sherief-salah@omatraegypt.com

[Ahmad Shawky]

يا أحمد شوقي بقولك ايه انا الحوار بتاع الاشارات ده حصل مرة معايا ان اكون مدي يمين و بعدين بعد ما يرد يدي شمال لثانية كده و يروح مع قوة السوستة لكن بعد كده مع الاستعمال راح لوحده ومابقاش بيحصل يعني ممكن السوستة عشان جديدة فجامدة شوية بس مع الاستعمال بتنعم .
غير كده مفيش مشاكل الحمد لله

يا أحمد ده ايميل واحد اسمه شريف صلاح في خدمة العملاء في اوماترا انا لما اشتكيت اوماترا عند فيات هما بعتوا الشكوى له وهو كلمني وهداني و فهمني ليه ما نزلوش اعلانات .
انت ممكن تبعتلوا ايميل بالانجليزي و تشتكي فيه وهو حيرد عليك و تقولوا كل اللي انت عايزه ماشي يا باشا سلام
sherief-salah@omatraegypt.com

اهلا خالد فعلا انا شريف نفسو هوه الى قالى الكلام ده هناك وقالى هتهدى مع الاستعمال وفعلا انا اعدت العب فيها ودلؤاتى بقت كويسه
انا مش ده الى مديقنى الى مديقنى انهوم ركبو واحده قديمه ولو انا مكنتش اتكلمت كانو سابوها
وشريف الى انته بعتلى معلوماتو ده يا خالد هوه الى انا هشتكيه اصلا
لانو راجل معندوش ددم !!
ولمه قولتلو على المشكله قالى هوه الى عندنا مستعمل ببلطجه قالى يا كده ينركبله بتاعتك وتستنى تنعم
لمه زنقتو تخيل يقولى ايه يقولى انته الى مفروض تيجى تقول المشكله قبل متوصل بمشيها 3000 كم
يعنى دبسنى اان فى الاخر وكان المطلوب منى اتفحص العربيه فسفووسه فسفوووسه قبل مستلمها كلام مش منطقى طبعا
فللأسف التليفونات دى مش هتنفعنى لانى وصلتلو وانا هناك فعلا وطلع مش محترم

وعلى فكره فيات المتابعه كلمونى النهارده وقولتلها انا هرفع قضيه هدتنى وكلمت التوكيل وقالتىل هنجبلك واحده جديده من ايطاليا بس ايضاليه اجازه اليومين دول فأول متوصل هكلمك وتيجى تشوف تركبها بنفسك فى عربيتك
عالم تخاف متختشيش فعلا

وكل سنه وانتو طيبين

صحيح يا خاد العربيه اخبارها ايه معاك

[Ammar]

قاعدة هامة

سلامو عليكم يا جماعة ... كل سنة وأنتم طيبين جميعا
أنا بس فيه قاعدة مهمة في الحياة كنت عاوز أقولها وهي "إن لما يكون فيه مشكلة ما بين طرفين لازم نسمع للطرفين الأول وبعدين نحكم" عشان محدش يطلع حكم متحيز للطرف إللي هو سمعله.
الحقيقة بالنيبة للمهندس شريف صلا ح مدير الصيانة أنا اتعاملت معاه قبل كده ومفيش حد حقاني قد الراجل ده و غير كمان إنه فاهم في ميكانيكا السيارات كويس جدا ... وأظن إن إللي حصل ما بينه وما بين الأستاذ أحمد شوقي سوء تفاهم مش أكتر والموضوع بسيط إن شاء الله

وهمسة في أذن أخويا أحمد شوقي متزعلش نفسك وخد الموضوع ببساطة وموضوع الدراع ده حاجة بسيطة زي ما الأستاذ خالد قال ما دام مفيش مشاكل في الأساسيات بتاعة العربية.

وأنا رأيي الشخصي إن الجراند بونتو أحسن عربية في مصر في الفئة ده وفيها مميزات في كل حاجة مش حتلاقيها غير في عربيات عالية أوي

على العموم ربنا يبارك لكل مالكيها ... وعقبال إلي ناويين عليها .. وكل سنة وأنتو طيبين

[loodaa]

الحمد لله يا أحمد العربية تمام و مافيهاش مشاكل.
بقواك ايه طالما حتجيلك واحدة تانية من ايطاليا ما تقولهم يجيبوا معاهم واحدة برافو 150 حصان لأخوك الغلبان أصل العربية دي عيني حتطلع عليها من ساعة ماشوفتها و كنت مستني أكسب ال bmw في فودافون عشان ابيعها وأشتري البرافو بس للأسف ما كسبتهاش مع ان اسمي دخل السحب أربع مرات بحالهم, مش مشكلة بقه ماليش نصيب أكسب ههههههههههههههه