انا اسف بس مضطر اسأل

[sbs]

بصوا بقى يا جماعة انا مكنتش ناوى اسأل السؤال ده لكن انا مضطر اسال لانى تعبت
انا عندى عرسة فى العربية بتاعتى مجننانى
محدش يستغرب ايوة عرسة وكل يوم الصبح بلاقى فضلاتها فى العربية وعملت كل حاجة وكل ما الاقى خرم اسده ومعرفش برضه بتيجى منين لدرجة انى بيت العربية برة كام يوم ولما رجعتها برضه رجعت تانى وعلى فكرة انا عربيتى 128 ومش عارف فى حد واجهته المشكلة دى قبل كده ولا لا
ارجوكم حد يقولى ممكن اعمل ايه وانا اسف على الاطالة

[ahmedzizo131]

رش الموتور و السيارة بالجاز على قد ما تقدر
لان العرسة بتطفش من رائحة الجاز .

[maka]

http://www.nilemotors.net/Nile/showthread.php?t=70383&highlight=%DA%D1%D3%C9

http://www.nilemotors.net/Nile/showthread.php?t=73612&highlight=%DA%D1%D3%C9

[halimo]

yغير المكان ال بتركن فية العربية.

[nabajm]

من عند العطار اشترى شيح ورشه فى السيارة فى الاماكن المحتمل واجد العرسة فيها وايضا فى الجراج تجربة اكيدة ناجحة 100 فى 100

[sbs]

الف شكر لكل من مر وساعد وربن يخلى اعضاء المنتدى الرائع ده ونفيد بعض كلنا

[lord23]

بص ياسيدي الموضوع ده منتشر جدا في العربيات القديمة وخصوصا 128
الحل سهل اوي تروح لواحد سروجي تقوله عايز اقفل فتحات التهوية عشان متدخلش اي حاجة
هو عارف الاماكن بتاعت الفتحات هيقفلهالك بحاجة اسمها لباد وهتتنتهي المشكلة تماما
بس لما تيجي تروحله خليها بالنهار لحسن تقفل الفتحات وتكون العرسة جوا وتطلعلك وانت ماشي هههههه
انا حصل معايا الموضوع ده قبل كدة بس انا كنت عارف اماكن الفتحات وقفلتها بقماش

[sbs]

الف شكر

بص ياسيدي الموضوع ده منتشر جدا في العربيات القديمة وخصوصا 128
الحل سهل اوي تروح لواحد سروجي تقوله عايز اقفل فتحات التهوية عشان متدخلش اي حاجة
هو عارف الاماكن بتاعت الفتحات هيقفلهالك بحاجة اسمها لباد وهتتنتهي المشكلة تماما
بس لما تيجي تروحله خليها بالنهار لحسن تقفل الفتحات وتكون العرسة جوا وتطلعلك وانت ماشي هههههه
انا حصل معايا الموضوع ده قبل كدة بس انا كنت عارف اماكن الفتحات وقفلتها بقماش

الف شكر على اهتمامك يا معلم وانا فعلا لقيت كذا موضوع فى المنتدى عن الحكاية دى على العموم انا بقالى يومين مش شايف لها اثر يا رب تكون زهقت وطفشت من نفسها وريحتنى