أي سؤال بخصوص فيات لينيا في هذا الموضوع

[lolo2884]

بسم الله الرحمن الرحيم
اللي عنده اي سؤال عن فيات لينيا يتفضل يسأل وإن شاء الله سيجد إجابة وارجو مشاركة أخواني مالكي اللينيا حتي يستفيد الجميع

[sherifahmed]

شكرا ابل اى حاجة على مبادرتك
انا اعتقد ان احنا عايزين تقييم شامل طويل ممل بالصور زى للى معمول للكيا السيراتو الجديدة فى منتدى كيا
و بعد كدا نبأه نعملوا تثبيت
العربية انا شايف انها تحفة بس مظلومة اودام موبيلات النوكيا و الانسر و ريموت التلفزيون فى الكيس البلاستيك و الصالون اللى بنحطلوا
كسوا و نشيلها ساعت لما الضيوف يجيو

[mezo73]

انا لية استفسار بخصوص استهلاك البنزين
شوفت في البروشور ان معدل الاستهلاك 14 لتر / 100 ك ودة كتير جدا
وشوفت كذا اصدار من العربية علي الموقع بتاعها كنت عاوز اعرف اية اللي متوفر منها هنا في مصر
+ لو في تقرير شامل يبقي خير وفائدة كبيرة وشكرا

[ehabident]

الف مبروك على العربية وربنا يكفيك شرها
انا ناوى اجيب عربية خلال الشهرين الجايين وانا مرتاح لللينيا على عكس أصحابى اللى مرشحينلى السيراتو والبروتون والالانترا والبوما (العربيات المعتاده). وانا عندى كام سؤال ياريت تجاوبنى عليهم علشان اعرف استقر على اللينيا:
(1) يا ريت تقولنا نوع العربية اللى كانت معاك قبل كدا او تقارن بين اللينيا وبين عربية تكون سوقتها بس يا ريت تكون من العربيات الشائعة اللى احنا عارفينها (كورولا، بوما، الانترا، ...).
(2) المساحة الداخليه اخبارها ايه لما تكون العربية محمله خمسه أشخاص.
(3) علو العربية عن الأرض لما تكون محمله (يا ريت تكون مابتهبطش زى الالنترا).
(4) بالنسبة لموتور آخره 165 كلم لو هاجيب بيه 140-150 اثناء السفر بمعدل 4-6 مرات شهريا (طبعا بالليل لما يكون الطريق هادى ومفيش رادار ) هابقى باقسى على الموتور وبكده مش هيعمر معايا ولا لأ؟
(5) أسعار قطع الغيار خاصه المستهلكات (تيل الفرامل، الفلاتر، السيور) وياريت جدول الصيانه علشان نقدر نعرف فى كل زياره هأغير ايه بالظبط.
(6) استهلاك البنزين داخل المدينة.
(7) انا سامع ان العربية بتنزل من غير انذار وده شئ ضرورى فى مصرنا الحبيبة، يا ترى التوكيل بيركب انذار ولا لأ؟ علشان انا سامع ان الموديلات اللى بتنزل من غير فوانيس شبوره التوكيل ما بيركبهاش علشان العربية نازله من غير الضفيره فمش عارف هايعمل ايه فى الانذار.

شكراً وآسف على الاطالة

[lolo2884]

شكرا ابل اى حاجة على مبادرتك
انا اعتقد ان احنا عايزين تقييم شامل طويل ممل بالصور زى للى معمول للكيا السيراتو الجديدة فى منتدى كيا
و بعد كدا نبأه نعملوا تثبيت
العربية انا شايف انها تحفة بس مظلومة اودام موبيلات النوكيا و الانسر و ريموت التلفزيون فى الكيس البلاستيك و الصالون اللى بنحطلوا
كسوا و نشيلها ساعت لما الضيوف يجيو

شكرا علي ايه بس انا عايز اساعد بس وإن شاء الله تقرير مصور ممل يوم الخميس إن شاء الله مافيش اهتمام بفيات الجديد هنا المواضيع المثبتة هنا قديمة قوي عايزين اهتمام شويا وشكرا علي المتابعة

[lolo2884]

انا لية استفسار بخصوص استهلاك البنزين
شوفت في البروشور ان معدل الاستهلاك 14 لتر / 100 ك ودة كتير جدا
وشوفت كذا اصدار من العربية علي الموقع بتاعها كنت عاوز اعرف اية اللي متوفر منها هنا في مصر
+ لو في تقرير شامل يبقي خير وفائدة كبيرة وشكرا

لأ ياباشا استهلاك البنزين حاجة تانية خالص غير اللي بتقولو ده جوا البلد 9لتر لكل 100
وبرة علي الطريق السريع عملت معايا 135 كم ب11 لتر بس وإن شاء الله تقرير مصور قريبا

[lolo2884]

الف مبروك على العربية وربنا يكفيك شرها
انا ناوى اجيب عربية خلال الشهرين الجايين وانا مرتاح لللينيا على عكس أصحابى اللى مرشحينلى السيراتو والبروتون والالانترا والبوما (العربيات المعتاده). وانا عندى كام سؤال ياريت تجاوبنى عليهم علشان اعرف استقر على اللينيا:
(1) يا ريت تقولنا نوع العربية اللى كانت معاك قبل كدا او تقارن بين اللينيا وبين عربية تكون سوقتها بس يا ريت تكون من العربيات الشائعة اللى احنا عارفينها (كورولا، بوما، الانترا، ...).
(2) المساحة الداخليه اخبارها ايه لما تكون العربية محمله خمسه أشخاص.
(3) علو العربية عن الأرض لما تكون محمله (يا ريت تكون مابتهبطش زى الالنترا).
(4) بالنسبة لموتور آخره 165 كلم لو هاجيب بيه 140-150 اثناء السفر بمعدل 4-6 مرات شهريا (طبعا بالليل لما يكون الطريق هادى ومفيش رادار ) هابقى باقسى على الموتور وبكده مش هيعمر معايا ولا لأ؟
(5) أسعار قطع الغيار خاصه المستهلكات (تيل الفرامل، الفلاتر، السيور) وياريت جدول الصيانه علشان نقدر نعرف فى كل زياره هأغير ايه بالظبط.
(6) استهلاك البنزين داخل المدينة.
(7) انا سامع ان العربية بتنزل من غير انذار وده شئ ضرورى فى مصرنا الحبيبة، يا ترى التوكيل بيركب انذار ولا لأ؟ علشان انا سامع ان الموديلات اللى بتنزل من غير فوانيس شبوره التوكيل ما بيركبهاش علشان العربية نازله من غير الضفيره فمش عارف هايعمل ايه فى الانذار.

شكراً وآسف على الاطالة

انا مش هينفع اكلمك عن اي عربية تانية عشا ن دي أول عربية ليا انا سوقت عربيات تانية بس ماينفعش احكم من كام مرة

ثانيا الوسع انا بركب 4 زمايلي ورا ومش بيكونو مزنقين والطول بتاع العربية مديلها وسع صالون تحس بية لكل الركاب

ثالثا العربية عالية عن الارض وفيها مساعدين جامدين بس طبيعي انها تنزل شويا مع الحمل بس الجنط هيفرق معاك

رابعا نظام التبريد للمحرك رائع مع فتحات الإكصدام الأمامي ومحركات فيات معروفة منذ الأزل مش محتاجة كلام وعلي فكرة ثباتها جامد اوي ماشاء الله

خامس انا سألت عن اسعار شوية حاجات تيل فرامل وفوانيس وكلها اسعار كويسة نفس حدود الإلنترا والميجان
وجودة ماشاء الله
للأسف مش معايا جدول الصيانة
بس هحاول اجيبة

سادسا استهلاك البنزين 9 لتر لكل 100
جوه البلد و11 لتر لكل 135 تقريبا برة البلد

سابعا فعلا مافيش جهاز انذار بس مالوش لازمة والتوكيل قالو انهم بيركبو اي حاجة ماعدا حساسات الرجوع للخلف مش عارف لية

اي سؤال تاني انا في الخدمة

[lolo2884]

يرجي تثبيت الموضوع لتعم الفائدة

[sibrahim]

مستنيين تقييمك ياباشا للعربية و للتوكيل كمان اللى محسس الناس انة مكسوف من العربية علشان كدة مش عامل دعاية قوية وكمان عايز اسأل حضرتك معاك العادية وللا التربو وشكرا جزيلا