سؤال عن الريجاتا

[osamafarook]

السادة أعضاء المنتدى وبالذات السيد المهندس سبعاوي
قرأت مشاركاتكم القيمة وبجد حاجة جميلة نقلت الواحد من عدم المعرفة عن السيارات إلى المعرفة البدائية
لي سؤال عن عربية قدامي ريجاتا موديل 85 عاملة نصف عمرة مافيهاش تكييف على 29 ألف
إيه رأيك
السؤال المهم:
هل تركيب التكييف سهل واللا مشكلة؟
وهل أسعار قطع غيار الريجاتا غالية واللا متوسطة واللا رخيصة زي اللادا والشاهين
وشكرا

[hazem_khidr]

استاذ عصام اهلا بيك.
بالنسبه للريجاتا اهم حاجه تشوف اساسيات العربيه يعني القوايم و الصدر و الشنطه لو حالتها نضيفه يبقي تاخدها من غير كلام و اي حاجه في العفشه او الموتور محلوله.
بالنسبه للتمن دا ف لو تحاول تنزل معاه 2000 جنيه يبقي كويس خصوصا انها موديل قديم و من غير تكييف.
موضوع التكييف دا انا مش برشحه الصراحه علان عمر ما التكييف حيبقي كويس زي بتاع الفابريكه غير ان الاوربي مكيفاته ضعيفه شويه في لموديلات دي ف يستحسن تتري عربيه جاهزه احسن.
اسعار قطع الغيار متوسطه لا هيا رخيصه زي ال 128 ولا هيا غاليه يعني معقوله جدا ما تقلقش من اسعارها و كل قطع غيارها متوفره.

[osamafarook]

تشكر يا أستاذ حازم، كلك ذوق والله
وسؤال : يعني العربية الريجاتا حتى لو كانت بتكييف فهو كده كده ضعيف ، فمن الأحسن إني أشوف نوع تاني قصدك واللا إيه؟

[hazem_khidr]

و الله يا استاذ اسامه بيبقي علي حسب العربيه يعني لو العربيه حالتها كويسه و تكمييفها دا اصلي بتاع بلادها يبقي ان شاء الله حيبقي كويس لكن ما تتوقعش منه انه يبقي زي الياباني او الكوري لكن حيشتغل كويس.
يعني لو حضرتك ممكن تزود كمان 10 الاف يبقي تجيب اكسيل او سويفت مكيفه جاهزه و موديلات تسعينات و بكده تبقي طلعت بالموديل 10 سنين و دا حيفرق كتير اوي مع حضرتك.
لكن لو مش ناوي تزود يبقي الريجاتا حل عملي و مقبول جدا لكن الشرط الحاله الجيده و خصوصا الاساسيات و ما تستعجلش دور بالراحه لحد ما تلاقي واحده بنت حلال تستاهلك :)

[ahmed1981]

أولا السعر غالي جداً
موديل 85 وبدون تكييف لا تزيد عن 25 ألف لو كانت فبريكة دواخل

ثانيا تكييف الريجاتا الأصلي لو سليم بيكون أداؤه جيد وأنا جربته في واحدة موديل 92 تقريبا وكان جيد جداً

وتركيب التكييف ليس سهل لأي سيارة
لذلك أنصحك لو عايز سيارة مكيفة يبقى تشتريها مكيفة (حكاية تركب تكييف حكاية خسرانة خسرانة)
وبالنسبة لقطع غيار الريجاتا فهي تقريباً نفس قطع ال 128 لأن أغلب قطع الغيار مشتركة مع ال 128 وإليك رابط بأسعار قطع ال 128

http://www.nilemotors.net/Forum/viewtopic.php?t=5081

ونصيحة تدور على عربية دواخل فبريكة موديل 90 وما حولها مكيفة وحالتها نضيفة وسعرها لن يزيد عن 30 ألف تقريباً

[wsamir]

السلام عليكم و رحمة الله
استاذ اسامة انا هكلمك عن الريجاتا عن تجربة شخصية الريجاتا عربية حلوة جدا قطع الغيار اسعارها معقولة ليست مثل ال 28 و لكن معقولة العربية جامدة و بتستحمل التكييف يتاعها ضعيف مقارنة بالعربيات الكورى او اليابنى بس شغال انا جبت ريجاتا موديل 86 مكيفة و فابريكة من جوة 26.5 الف من شهر 4/2007 بس طيعا كان فيها شغل سروجى و كمان فيه شوية شغل فى الكهرباء بس اهم حاجة تبص عليها فى العربية بعد الاساسيات هيا التابوة لان تابلوة الريجات ضعيف و هو ده اكتر عيب فيها انا هاقولك على بعض اسعار قطع الغيار التى غيرتها حديثا
1-المساعدين الامامى و الخلفى سعرهم يتراوح بين 360 البولندى و الايطالى الى 420 الالمانى
2-المقصات التركى 120 الالمانى 240
3-قربة الماء 90 العادية و الكمبيوتر 140
4-طقم السيرفيز مش غالى السيور الدينامو 10 و سير الكاتينة 40 و البوجيهات دينسو 25 الابلاتين و الكوندنسر 40
5-الفلاتر البنزين 5 الزيت 10 الهواء 10
6-الريادتير النحاس 340
و احيرا الريجاتا عربية عملية جدا و هى عربية عائلية الشنطة بتاعتها كبيرة جدا بتستحمل الاحمال و المطبات و الشوارع المكسرة العفشة بتاعتها جامدة و انت عارف الشوارع فى مصر ماشاء الله حتى الشوراع الرئيسية و المحور لم يخلو من المطبات و التكسير
و شكرا و ربنا يوفقك و تقع فى عربية كويسة

[smg]

السلام عليكم ورحمة الله
انا بتكلم عن تجربة شخصية
الريجاتا مازالت معي وهي عربية رائعة فعلا بس بشرط تكون اسياسيات فابيريقة
التكييف بتعاها ممتاز جدا ويمكن عندي لانة فابريكة وهي عرربية ناعمة جدا اكنك راكب موديل عالي فعلا وعربية حمالة قسية وقطع غيارها رخيصة جدا ماعدا الاجزاء الخارجية
زي الاكصدامات ب 350 جنية و400
والفاونيس الامامية ب220 الواحد استيراد والخلفية 150 كامل والوش خلفي ب60
وغطا تنك البنزين ب 60 استيراد
هو ده عيبها الوحيد
لكن هي افضل من الاكسيل بصراحة لو مظبوطة
وبصراحة فكرت كتير ابيعها بس ارجع في كلامي لانها في رايي افضل من الهيونداي والافضل انك تنقل للانسر او تويوتا

[Karim_Mohy]

rabna yebarklk feha ya smg

[مواطن مصرى]

و الله بعد اللى كل الاخوه قالوه مش هاعرف اقول حاجه غير 4 حاجات

1- 29 الف غالى جدا على عربيه موديل 85 و بدون تكييف لان انا فى فتره ما السنه اللى فاتت و لظروف معينه عرضت عربيتى الريجاتا للبيع (موديل 1989 فول اوبشن) و جالى فيها 32 الف جنيه فبالتالى غير منطقى ان عربيه من غير تكييف و باور و اى حاجه تانى تكون اقل 3000 جنيه بس

2- انت بتقول موتورها عامل نصف عمره لو كانت نصف عمره بمعنى طاقم شمبر و اويلسيلات ووصلات يبقى عادى لكن لو كان مفتوح و متغير فيه البساتم و الاجزاء الميكانيكيه منصحكش تشترى اصلا لان لو حاجه ضربت فى الموتور تكلفه العمره انا سالت عليها عند ميكانيكى بتعامل معاه قالى اسال على اسعار الخامات و قطع الغيار الاصليه لقيتها لوحدخا بحوالى 2500 جنيه غير المصنعيه

3- لو عرفت تنزل بالسعر شويه ركز على الشاسيه و الصاج ميكونش فيه فتح او بارومه لان نقطه ضعف الريجاتا هى بارومه الصاج بالاضافه طبعا للتابلوه لانه ضعيف و مفيش جزء فيه بيتباع لوحده لو بايظ

4- بالنسبه للتكييف :- تكييف الريجاتا الاصلى ممتاز جدا و علشان تركب تكييف يديلك نفس الكفاءه مفيش قدامك غير التكييف الساندن اليابانى و ده تكلفته من 2500 الى 3000 جنيه و علشان يركب كويس لازم حاله الموتور مش تقل عن 70% علشان يديلك كفاءه كويسه

[SOBHYMOHAMED]

بص يا استاذ انا معايا ريجاتا من سنة مو 86 دواخل فابريكة مكيفة +زجاج كهرباء كنت شريها ب 28.500 بس الصراحة عربية جميلة جدا و قطع غيارها كويسة جدا

[mohsen128]

نفسي حد يدلني عن ريجاتا تكون فول اوبش ومكيفه للبيع موديل 89 او 90، وشكراً

[mtageldeen]

نفسي حد يدلني عن ريجاتا تكون فول اوبش ومكيفه للبيع موديل 89 او 90، وشكراً

ريجاتا 88 نوفا 1500 سي سي
فابريكة من الخارج
فابريكة من الداخل
تكيف يعمل جيداً
وكمبيوتر أعطال يعمل
ولا يوجد بارومة
الموتور ممتاز
عداد 74 ألف فقط

أنا لا أعرف شيء عن صاحب العربية غير رقمه لأني قابلته في السوق الجمعة الماضية (72 فبراير 2009)

العربية ممتازة ولكن السعر كان 29 ألف ورفض ينزل جنيه

وممكن ينزل مع الزمن لأنها كانت جايبه من أسبوعين 30 ورفض يبيع وكان طالب أكثر.

لو محتاج الرقم إبعتلي.

[hassn]

اخوانى الكرام
بصراحة اقنعتونى باقتناء السيارة ريجاتا ان شاء الله
فعلى بركة الله سوف اركز فى البحث واشتريها باذن الله
زشكرا لكم جميعا وسعيد بوجودى معكم وارجو ان تقبلونى صديقا لكم

[osama_ruan]

خد بالك انت بترد علي موضوع بقالو سنتين والاسعار دي قديمة