موتور السفنتينا (127)... شكله عاوز عمرة

[نور العمر]

بغير بوجيهات كتيير في اربعين يوم 12 واحد
بس مكانوش بيتحطو كلهم مع بعض
يعني كان بيشيل المحروق بس
ده معناه عمرة موتور
واللا طقم شمبر
واللا قطع الغيار الموجودة مضروبة

بس الميكانيكي بيقولي البوجيه معرق زيت
وميكانيكي قاللي محتاجة 3/4 عمرة ب 900 ج
شمبر وصبابات
زمايلي في الشغل بيقولولي اعمليها حتكلفك بس حتمشي مرتاحة فترة طويلة
نصيبي جه كدة [overline]... واللهم لا اعتراض
ارجوا النصيحة [overline]منكم ... وتقيم التكلفة الحقيقية للموضوع ده للمتخصصين ومعاهم ميكانيكيا أمناء
ولو في ميكانيكي في الحي السادس تخصص فيات محترف قولولي
والله المستعان[/overline][/overline][overline][/overline]

[A.Saad]

ممكن سؤال
مين اللى فحص العربية قبل ما تشتريها

تانى حاجة

قيسى الزيت هل بينقص ولا لا

[maka]

1-قيسى الزيت هل بينقص ولا لا؟؟؟؟؟؟؟

+111111
2-هل فيه دخانة بيضاء مزرقة من الشكمان او خرطوم الفايظ ؟؟

3-ايه نوع البوجيهات اللى بتستعمليها؟؟؟؟

4-البوجيهات فعلا بتطلع معرق زيت ولا اشتغالة صنايعية ؟؟؟؟؟

5-بوجيه رقم كام اللى بيعرق زيت؟؟؟؟

[نور العمر]

الزيت داخل على شهر مفيش قلق
اللمبة بتطفي بعد ما أدور بدقيقة أو دقيقتين لو طولت يعني
معرفش البوجيه رقم كام .. بس طلع 2 معرقين زيت ورهملي ميكانيكي كان جالي وصاية في الشغل لطوارئ حصلت بالعربية
مفيش دخنة بيضا
وكان الصوت إللي بيحصل شبه صوت الموتسيكل إللي بيقطع شوية ابلاتين وشوية شكمان
الابلاتين عملته مرة .. وبعدين لدع تاني اتصنفر مشي كويس
بس العربية كركرت مني وبقت تترج وهي ماشية ومفيش عزم وحاجة بطيخ خالص ... وصلت بالعافية لأقرب ميكانيكي روحتله عن طريق حد مش لوحدي ... غير بوجيهات الكلام ده كان السبت ... وكان 2 بوجيه متغيرين يوم الثلاثاء تقريبا
وشال البوجيهات الموجودة وقاللي تعريق الزيت ده طقم شمبر
وصوت الموتسيكل إللي بيقطع دي صبابات
وإللي فحصها في الأول ميكانيكي وقاللي تمام ... وراحت لأكتر من ميكانيكي محدش قاللي موضوع العمرة دي ...
بس موضوع البوجيهات دي 2 قالولي طقم شمبر علطول
دي كانت عربية زميلتي في الشغل ورايحة جاية بيها قدام عيني نفس الطريق واستهلاك أبعد وأكتر كمان ... مش عارفة حظي معاها عامل كدة ليه

سبحان الله

آخر كلام ... أتأكد من الموضوع ده إزاي
1000ج مش قليلين والله يا جماعة دلوقت

[نور العمر]

هو جاب بوجيهات نص مللي ... مش عارفة ب 28 ج الأربعة
هي المفروض يركبلها نوع إيه وبكام

وألف شكر
أنا ممكن أروح لميكانيكي الجيزة يا maka ... أنا أصلي كنت من الدقي ... بس لو حيفيدني بجد ويقول المظبوط
بس لو فعلا حيفيدني

[michohat]

ربنا معاكى وان شاء الله كله خير

[maka]

اول حاجة متقلقيش وسيبها على ربنا

ثانيا الزيت مشى كام كيلو متر ( لان انا معرفش انتى بتمشى اد ايه فى الشهر) وبتحطى زيت نوعه ايه

وكان الصوت إللي بيحصل شبه صوت الموتسيكل إللي بيقطع شوية ابلاتين وشوية شكمان

الصوت ده عامل زى ما تكون حاجة بتفرقع؟؟؟؟

لو اه يبقى ملوش علاقة بالصبابات

وإللي فحصها في الأول ميكانيكي وقاللي تمام ... وراحت لأكتر من ميكانيكي محدش قاللي موضوع العمرة دي ...
بس موضوع البوجيهات دي 2 قالولي طقم شمبر علطول

معلش انا مش فاهم هما اتنين قالو طقم شنبر والباقيين قالوا لا؟؟؟

ثالثا عاوزك تعملى اللى هقولك عليها

1- لما ترجعى من مشوار والعربية سخنة خليها دايرة وافتحى الكبوت وشيلى مقياس الزيت وشوفى فى دخانة هيطلع بغزارة ولا لا

2- اكبسى بنزين جامد مرتيين متتاليتن وراء بعض وشوفى فى مراية الصالون فيه دخانة مزرقة طلعت من الشكمان ولا لا

اخيرا لو طلع الموضوع طقم شنبر يبقى الحل بسيط جدا و هو

هتستخدمى زيت تقيل + زيت شنبر ولو الزيت طرطش على

البوجيهات تانى هنعملهم كراسى عند اى خراط والموضوع ده مش مكلف

اما البوجيهات فاستعملى بوجيهات بوسنى ( صناعة البوسنة)

سن قصير وده مناسب للفيات القديم وهما بيتباعوا فرط كل

بوجيه فى علبة كرتونة زرقاء ب 5 جنية

اما بالنسبة للصبابات فانا حاسس ان الميكانيكى اللى قالك كده حمار

اما بالنسبة لميكانيكى الجيزة فهو امين جدا بس ان شاء الله مش هتحتجيه

[maka]

دول كام موضوع بيتكلمه عن زيت الشنبر وطقم الشنبر اقريهم مفيدين جدا

http://www.nilemotors.net/Nile/showthread.php?t=64879&highlight=%D2%ED%CA+%D4%E4%C8%D1

http://www.nilemotors.net/Nile/showthread.php?t=16882

http://www.nilemotors.net/Nile/showthread.php?t=61726

[نور العمر]

طمنت قلبي وجيبي والله يا اخي في الله maka
ربنا يقدرك عل رفع كربة من على نفس مؤمن دايما
.. فعلا النهاردة الصبح واحد معرفة قابلني وان ماشية وسألني على العربية ... قاللي على موضوع الكراسي ده ( كلامك تمام )
حشوف موضوع الزيت
بس الحاجات إللي بتقوللي عليها اخاف ألمس حاجة في العربية وهي دايرة
حخللي حد يعملها ونشوف


ألف مليون شكر

[نور العمر]

أنا بمشي من زهراء العاشر للفنجري كل يوم يعني تقريبا 30:40 كم في اليوم فقط لا غير مش ببعد عن صلاح سالم
العربية مخوفاني أروح بيها الدقي حتى
أو حتى كارفور المعادي

[نور العمر]

اما بالنسبة للصبابات فانا حاسس ان الميكانيكى اللى قالك كده حمار


ممكن توضيح عشان اطمن اكتر

[maka]

بس الحاجات إللي بتقوللي عليها اخاف ألمس حاجة في العربية وهي دايرة
حخللي حد يعملها ونشوف

متخفيش عادى جدا لو شيلتى المقياس والعربية دايرة مش هيحصل حاجة

أنا بمشي من زهراء العاشر للفنجري كل يوم يعني تقريبا 30:40 كم في اليوم فقط لا غير مش ببعد عن صلاح سالم
العربية مخوفاني أروح بيها الدقي حتى
أو حتى كارفور المعادي

يعنى بتمشى تقريبا بتاع 700 كيلو فى الشهر .

حاولى تتبعى الزيت وتشوفى بينقص ولا لا

اما بالنسبة للصبابات فانا حاسس ان الميكانيكى اللى قالك كده حمار


ممكن توضيح عشان اطمن اكتر

اصل اول مرة فى حياتى اسمع ان كاوتش الصباب المقطوع بعمل صوت فرقعة!!!!!

[نور العمر]

جابت آخرها

دي قرف مش مسألة مستعمل

نويت أبيعها

كلام نهائي

كان مالها الماروتي

برقبتها

عليه العوض سبحانه وتعالى

[i_Am_Legend]

يا ستى اخرها ليه بس انتى متضايقة قوى كدة ليه..........

بصى ياستى ............

اولا اشترى بوجيهات ngk......وبعدين علبة زيت شنبر......هى بحوالى 10جنيه..........وركبى كراسى على البوجيهات..........

الموضوع كلة مش هايكلفك 70 جنيه وممكن تمشى بالعربية سنة ولا اتنين كمان ..........وروقى كدة مافيش حاجة تستاهل........