Tweet
انصحونى
قدامى تيمبرا 1991
فول اوبشن فابريكه بره و جوه
تعمل كام يا جماعه
حالتها كويسه جدا
قدامى تيمبرا 1991
فول اوبشن فابريكه بره و جوه
تعمل كام يا جماعه
حالتها كويسه جدا
-
-
رجاله التمبرا فين يا جدعان
قولولى عيوبها و مميزتها عشان لو كده اخلص مع الراجل
مستنى ردكو ضرورى -
التكمله
العربيه موديل 1991 زى ما بيقول (انا قاعد ادور فى النتدى على الموديل ده ومش لاقيه )
1400 سى سى - ماخدتش بالى عامله كام - هاسال و اقولكو بردو
رشه رفرفين ورا وباب -الباقى فابريقه و شكلها نضيف قوى - ولا الهوا يعنى
هى فول اوبشن و كل اللى فيها بتاعها
تكييف تاتش
مفتاحها الاصلى بالريموت
4 زجاج كهربا
عدادات ديجيتال
فتحه سقف كهربا
باور
بس فى حاجات لاحظتها ..
انا دورت العربيه كده عشان ابص على صوت الموتور وطلع صوته واطى و هادى بس محتاج سيير - السير شكله عاوز يتغير او يتشد
اول ما دورت استنيت دقيقه كده و بصيت على الحراره لا قيتها شارطه واحده
شغلت التكييف لاقيتها هاتبطل - زودت بنزين - لاقيت الموتور رجع تانى
شيلت رجلى من على البدال لاقيتها بتستهبل كده وراحت مبطله
سبتها شويه تانى لحد ما وصل العداد لحد 3 او 4 شرطات
وشغلت التكييف اشتغل تمام بس التكييف بردو فيه حاجة
بدوس على + عشان اعليه - درجه .... درجتين .... افضل دايس لحد قبل الاخر بشرطه وهو مش معبرنى و مش عاوز يشتغل
ييجى عند الشرطه الاخيره و يحن عليا و يشتغل و كمان ساعات بيعلق خالص افضل ادوس ادوس لحد ما ينطق
سألت الراجل قالى العيب فى الزرار بيعلق فعلا
حاجة تانى
الباور و انا واقف احرك الطاره يمين شمال اسمه زنه
قالى اصل الباور كان بيخر زيت وانا سبته كده فتره و نتيجه لكده عمل الصوت ده من علبه الباور عاوزه تتغير - وكمل وقالى: على فكره وهى ماشيه زى الفل مابتسمعش حاجة بس لما بتقف بتسمع الصوت ده!
انا بصراحه لسه مامشتش بيها - لسه هاجربها الصبح فى النور وكمان عشان افليها
عاوز رأيكو بقا يا تيمبراويه ولا انتو مش عاوزنى فى ابقى تمبراوى زيكو؟
الراجل عارضها عليا ب 37 الف
ايه النظام دلونى..Comment
-
عادى يا باشا , فى تمبرا 91
و ساعات فى عربيات احدث بتدخل بنظام المعاقين و ورقها بيكون متغير من بره و بتترخص عادى جدا لان المرور ليه الورق
المهم ,
التكييف تقريبا مشكلة ضبط ممكن برضو تخلى ميكانيكى يبصلك على حالة الموتور عامة و يضبط الموتور و تجرب التكييف
المفاتيح ساعات بتعلق فعلا , عند والدى فى التمبرا النص الاولانى من المؤشر تقريبا ما بيغيرش دفع الهوا
صالصوت اللى فى الطرمبة عادى جدا و فعلا من نقص الزيت , انا ماشى بيه من ييجى سنتين , طالما تم علاج التسريب و العلبة دايما فيها زيت مش حيحصل حاجة ان شاء الله
عامة , العربيات دى جميلة , متوازنة جدا و بتوفر الراحة و الاداء المعقول و التوفير فى المصاريف
قطع غيارها موجودة و باكتر من منشأ و لو كربراتير اى ميكانيكى ممكن يظبطها
السعر تقريبا كويس بس اهم حاجة فحص العربية كويس جدا ميكانيكا و عفشة و سمكرة عشان لو فى بارومة و لا تكون عاملة حادثة لا قدر الله
و ربنا يوفقك[SIGPIC][/SIGPIC]
I Got Petrol In My VEINSComment
-
بص ياباشا هي العربيه كويسه بس غاليه السعر ده كده كتير على موديل 94 موضوع التكييف ده انه يبطل في حاجه ايمها جفرنر في الكاربيراتير في الغالب فيه مشكله وهو ده اللي بيعلي الموتور لما تشغل التكييف وده باظ عندي ولقيته بطلوع الروح ب 100 جنيه استيراد وكنت هاشتري كاربيراتير كاملالمشاركة الأصلية كتبت بواسطة mikology مشاهدة المشاركة
الحاجه التانيه العربيه دي فول اوبشن فتحة شقف كهربا و4 زجاج كهربا فتحة السقف الكهربا قطع غيارها مش موجوده وكذلك مكن الزجاج الخلفي وده اللي خلاني اشتريت العادة 37 ممكن تجيبلك 1600 وحالة العربية برده تفرق ولو احتجت اي حاجه انا موجودComment
-
مكن الزجاج الخلفى هو هو بتاع اللنشيا الديدرا و ده موجود فى الاستيرادالمشاركة الأصلية كتبت بواسطة zalabany2007 مشاهدة المشاركة
فتحة السقف مفتكرش انها صعبة فى الصيانة لو حاجة باظت
و الف مبروك على الجفرنر يا معلم :)[SIGPIC][/SIGPIC]
I Got Petrol In My VEINSComment
-
الله يبارك فيك يا جاليليوا بس والله يافرحة ما كملت عشان الجفرنر اللي لقيته بتاع التمبرا اللي مش مكيفه ماسوره واحده للتكييف والسخان الاوتوماتيك كده مش شغال لحد ما الاقي الاتنين ماسورة
كويس ان مكن الزجاج هو هو مكن اللانشيا عشان سألت على بتاع التمبرا عند الكيلاني ويوسف ما لقيتهوش
بس انا بتكلم على السعر شايفه كتير على الموديل دهComment
-
شكرا على سرعه استجابتكم يا رجاله
انا مش عارف اذا كانت كارببرتايرولا لأ - عارفه و اقولكو
تانى حاجة نسيت اقولكو ان بردو الفتيس حاسس ان الحارات بتاعته بعيده عن بعض مش زى اى عربيه جديده - حاسس ان فى مشوار من الاول للتانى
ده ايه نظامه دهComment
-
أهلا يا أخ ميكولوجي
أنا لسه شاري تمبرا مو 98 من حوالي شهرين و شوية و بصراحة عربية تحفة و لكن لسه خبرتي في الميكانيكا بتاعتها
مش قوية لكن انا جبتها كاملة مانيوال أول يد ب 36.5 الف جنيه و فابريكة من جوة فقط و من الخارج السقف و رفرف واحد فقط هو اللي فابريكة و الباقي رش .
بصراحة العربية نشكر ربنا حالتها جيدة جدا لانها كلفتني حاجات بسيطة و رجعت كأنها جديدة , 100 جنيه لحام رادياتير
100 جنيه شحن تكييف و بقية أجزاؤه سليمة , 500 جنيه خرطوم ضغط عالي للباور يعني حوالي 700 جنيه و رشيت بعض الحكات و الخربشات و أديتها رشة ورنيش كاملة ب 750 جنيه .
يعني العربية كلها وقفت بعد استكمال كل النواقص ب 38 الف جنيه و لكن ربنا يكفينا شرها بقت كأنها فابريكة .
لهذا فأن 37 الف على مو 1991 كثير جدا حتى لو كانت ايطالي و كاملة لانها كمان 1400 سي سي و ليس 1600 سي سي
ثم كلامك عن علبة الدركسيون يقلق شوية , علبة الدركسيون الجديدة ب 4000 جنيه مرة واحدة و لو استيراد تقف بحوالي
700 جنيه حسب حالتها .
خرطوم الضغط العالي لعلبة الدركسيون ده لوحده ايطالي ب 450 جنيه .
يعني لا قدر الله لو علبة الدركسيون هتتغير بالخراطيم تخش لوحدها في 1500 جنيه و يمكن أكثر فبرجاء مراجعتها جيدا .
بالنسبة للتكييف فلو وحدة رفع السلانسيه محتاجة تغيير فدي لوحدها بتكلف مبلغ كبير , و بعدين راجع المروحة الكهربائية اللي على الرادياتير و سربنتينة التكييف لانها من المفروض ان تعمل أوتوماتيكيا مع التكييف و مع وصول الحرارة ل 90 .
بصراحة موضوع مو 1991 و فابريكة من بره كمان دي غريبة شوية لان صعب عربية بقالها حوالي عشرين سنة و مرشتش من بره فبرجاء فحص الرش في البنزينة لان عندهم جهاز بيحس بالرش عن طريق مجسات معينة .
أنا يهيئ لي لو هي ممتازة زي ما بتوصف تعمل في حدود 32 الف و ابتدي من هنا , يعني أي تكاليف أضافية تخصم من ال 32 الف .Comment
-
عربية و الدى التمبرا القديمة كانت 91 برضو اشتريناها و بعناها فابريكة , الراجل اللى اشتراها معرفة و لسه ما رشش حاجه
مش مشكلة ان العربية بقالها كام سنة و رشت و لا ما رشتش , القصة فى الحالة و تقييم الحالة دى
فى عربيات موديلات الفينات و رشه بره و جوه
الفيصل بيبقى الكشف الدقيق
السعر , انا باقول تقريبا كويس و السؤال مطلوب برضو
احنا بعنا القديمه 91 و 1400 تكييف و سنتر و زجاج كهربا قدام من 3 سنين بحوالى 41.5 و كانت ال 1600 فى حدود 46-50
دلوقتى معرفش اسعار و عادة بتبقى متقلبة شويه حسب السوق
علبة الدركسيون ملهاش علاقة بالصوت , ده من الطرمبه و تمنها 700 جديده و مرميه عند بتوع الاستيراد
العلبه لو فيها حاجه , اول حاجه حتعملها انها تنقط زيت , طالما مفيش تسريب مفيش مشكلة[SIGPIC][/SIGPIC]
I Got Petrol In My VEINSComment
-
انا متفق مع جاليليو ان السعر طبقا للحالة والموديل معا
مش للموديل بس
ولذلك ممكن تلاقي عربية 92 اغلي من 94 لان حالتها انضف
بس انا لية ملحوظة علي فتحة السقف
انا شوفت كذا عربية بفتحة سقف لاحظت ان السقف فية تمويج في السقف
بسبب الفتحة تقريبا انة ناقص تقوية لان ماكينة الزجاج للسقف تحتاج تقوية اكثرما اعظم ان تكون غائبا حاضرا علي ان تكون حاضرا غائباComment
-
شكرا ليكو قوى لسرعه الاستجابه
انا شوفتها النهارده و جربتها سواقه
الموتور كويس و سحبه حلو
العفشه جيده ممكن نلعب فيها كمان كام شهر
بس التابلوه بتاعها من فوق - الفيبره اللى من فوق دى مشرخه و مكسوره كذا كسر و هو رابطها بمسامير شكلها وحش قوى
اتفقنا انه يظبط التكييف عشان حته التبطيله دى حصلت وانا فى السلانسيه و ماشى بيها كذا مره
حاجة تانى - لاحظت ان فى خرطوم قصير قوى المفروض انه يكون طويل - ويدخل للمكنه - عشان ماتبطلش فى السلانسيه - خارج من علبه صغيره كده موجوده على شمال الحوض فى الكورنال - خارج منها حوالى 3 خراطيم منهم اتنين فى المكنه - واحد منهم بقى هو اللى قصير و مش طايل يروح للمكنه - على ما اعتقد يعنى
بالنسبه للدركسيون - هو قالى انى فى علبه فوق كده فى علبه الدركسيون بتتباع فى عزبه شلبى ب 120 جنيه 0 تغيرها يروح الصوت
بالنسبه لفتحه السقف - السقف ميه واحده و هو انضف حاجة فى العربيه اساسا مافيهوشاى مشاكل
بالنسبه للتابلوه - قالى انت ممكن تغير الفيبره دى ب 60 جنيه بس
بالنسبه للسعر وقفنا لحد 33 الف
ها ايه رأيكو ؟؟Comment
-
معلش هي العربيه ماشيه أد إبه الأول وياريت تتأكد من موضوع علبة الدكسيون ده عند حد بتاع عفشه لأن أنا مش عارف ايه العلبه
اللي هو بيتكلم عليها دي وعلبة دركسيون التمبرا غاليه اوي ب 4000 جديده و 350 استيراد وانت وحظك وبتتصلح ب 350
لو هو هايظبط التكييف تمام بس كده هو لازم يغير الجفرنر بتاع الكاربيراتير وده سعره دلوقتي 600 جنيه ومش موجود
اه في حاجه مهمه هي العربيه كاربيراتير ولا انجيكشن ياريت تعرف لأن الكاربيراتير الإنجيكشن موجود كامل استيراد وارخص من العادي لأن العادي بيركبوه للتاكس الشاهين ( على فكره لو العربية انجيكشن يبقى ما فيهاش جفرنر اصلا لأن الكاربيراتير الإنجيكشن ما فيهوش جفرنر وجاليليو ممكن يفيدك في القصة دي)
اما بالنسبه للتابلوه فحضرتك تسأل عند بتوع الاستيراد على الجزء ده بيتباع لوحده ولا لا لأن الأغلب بيبيع اجزاء كامله تابلوه قطمة دركسيون فهاتدخلك في حوارات
من الأخر لو العربية ماشيه كيلو متر قليل ودواخلها سليمه وصاجها تمام وحالة موتورها كويسه لو هاتظبط كل اللي فات ما تاخدهاش باكتر من 31 او 32 بس بصراحه انا ميال لأنك تدور على واحده 1600 وتكون حالتها احسن من كده وهاتلاقي ان شاء اللهComment
-
شكرا يا زلبانى
بخصوص عامله كام كيلو ؟
مشفتش الصبح لان العداد مكنشش باين فى النهار
العربيه كربراتيرطب اسال عند مين وفين عن التابلوه او قطعه منه
طب هقولك على حاجة - لو انا قولتله اعمل انت الحوارات ديه ؟ ونفس السعر ؟
العربيه صاجها تمام و حالتها كويسه و نضيفه من جوه و حته الصالون اخر نضافه بفرشه الجلد الاصلى زى ماهو
لو قدامك حاجة كويسه زى ما بتقول - قولى
ده رقمى 0104311107 اسمى مايكل ماهر من حلوان القاهرهComment
-
التابلوه يا باشا هاتسأل في وكالة البلح عند واحد اسمه محمد القوار وتامر القوار
وتليفونهم 0102628556
0162656847
دول عندهم حاجة التمبرا كلها بص لو كل المشاكل دي اتعملت
صوت علبة الدركسيون التكييف ما يبطلش مع السلانسيه التابلوه يتغير الجزء اللي بايظ فيه 32 حلو اوي عليها ما يزيدوش عن كده بشرط ان الكيلومتر يكون معقول لو الكيلومتر معدي يا باشا 150 او 200 اصرف نظر عن القصة كلها وندور على حاجه تانيه
انا عربيتي موديل 94 كانت ماشيه 95 الف وخدتها ب 35 بس صرفت عليها حوالي 5 علبة دركسيون وتكييف وكاوتش ومقصات وشوية تحابيش
على فكره انت منين من حلوان انا والدي ساكن في مدينة الصلبComment
Comment