قدامى تيمبرا 1991

[ZALABANY]

http://www.masrawy.com/Classfied/detail.aspx?code=1880687

http://www.masrawy.com/Classfied/detail.aspx?code=1864035

http://contactcars.com/UsedCars_All.asp?MakeID=15&ModelID=143

[abdelmessih67]

أهلا يا أخ مايكل

انا شوفتها النهارده و جربتها سواقه
الموتور كويس و سحبه حلو

شئ جميل و لكن كبس الموتور في محطة بنزين أفضل و كمان أطلب جهاز فحص الدهان الخارجي علشان تعرف رشة من برة و لا فابريكا زي ما صاحبها بيقول .

بس التابلوه بتاعها من فوق - الفيبره اللى من فوق دى مشرخه و مكسوره كذا كسر و هو رابطها بمسامير شكلها وحش قوى

أغلب اللي شاري تمبرا بيشتكي من فبرة العدادات و أنا عندي مكسورة بسبب ان مالكة السيارة السابقة كانت بتدخل تليفزيون كبير في الكرسي الامامي و زنقته في الفبرة و أتكسرت لكن من الممكن تغييرها أو لحامها عند بتوع الفيبر و البلاستك .

بالنسبه للدركسيون - هو قالى انى فى علبه فوق كده فى علبه الدركسيون بتتباع فى عزبه شلبى ب 120 جنيه 0 تغيرها يروح الصوت

أنا ما أعرفش ايه اللي بيقصده بالعلبة اللي فوق علبة الدركسيون , أحسن حاجة لازم تكشف في البنزينة و لازم لازم ميكانيكي يفحصها لان علبة الدركسيون بتاعة التمبرا تكاليفها عالية جدا و هي مع خراطيم الباور أغلى حاجة فيها .

بالنسبه للتابلوه - قالى انت ممكن تغير الفيبره دى ب 60 جنيه بس
بالنسبه للسعر وقفنا لحد 33 الف
ها ايه رأيكو ؟؟

أنت بتقول العدادت ديجيتال , فيبرة العدادات الديجيتال بتتباع بالعدادات و ما بتتباعش لوحدها و سألت عنها في الوكالة
ببتباع ب 100 جنيه و في واحد في آخر فيصل اسمه الكينج عنده ب 90 جنيه شاملة الامبير .

فيبرة العدادت العادية مش موجودة و بتتباع ب 300 جنيه لندرتها و لكن عموما الفيبرة ممكن تتفك و تتلحم و تترش .

بالنسبة للسعر كفاية 32 لو كانت حالة العربية كويسة و مش عاملة كيلوات كثيرة لان موديلها قديم شوية 1991 و كمان هي 1400 سي سي و بصراحة لو قلنا المتوسط من 10 الى 15 الف كيلو سنويا يبقى هتلاقيها عاملة بالقليلة 180 أو 200 الف كيلو و ده كثير جدا يبقى مش لازم ثمنها يزيد عن 32 شريطة الحالة الجيدة .

[ZALABANY]

abdelmessih67 باشا الكيند ده مكانه فين بالظبط في اخر فيصل

[mikology]

شكرا ليكو قوى بجد
انا فكرت فى اللى قولتو و كمان هاسال بره على حاجة 1600 موديل احدث و حاله انضف و هاشوف اللينكات اللى بعتهالى زلبانى بردو
وربنا يوفقنى والاقى حاجة كويسه
بالنسبه للعربيه انا قولتله 30 باكو وسكتت على كده وعلى فكره المكانيكى بص عليها و قالى الموتور تمام التمام مافيهوش اى مشاكل وعلى فكره لاقيت فى الشنطه مكان كان راكب غاز
عاوز اسالكو سؤال مهم
بالنسبه لانكو معاكو تمبرا - بخصوص العفشه
وانت ماشى لما تاخد نقره او حفر بالعرض كده على سرعه 40 - العربيه بتدب ولا بتحس بنعومه شويه ؟ زى مثلا العربيات اليابانى او الالمانى - ياريت تدونى اقرب مثال - لانى مركبتش عربيه تمبرا زيرو قبل كده
شكرا ليكو بجد بجد

[mikology]

نسيت يا زلبانى معلش - انا من مايو بس شغلى كله فى حلوان

[jant]

الى الاخ جاليليو
هى عربيتك بتعمل كام لتر فى الصفيحه
او اللتر بيعمل كام كيلو
والصفيحه كام لتر

[galilio_mad]

الى الاخ جاليليو
هى عربيتك بتعمل كام لتر فى الصفيحه
او اللتر بيعمل كام كيلو
والصفيحه كام لتر

الصفيحة 20 لتر
عادة العربية بتعمل متوسط 200كم فى الصفيحة ( 1 لتر / 10 كم ) و ده بالسواقه الهاديه
العادى بتاعى 160-180 بالكتير قوى عشان انا سواقتى عصبية شويه


فى السفر بتعدى ال 300 فى الصفيحة ( متوسط سرعة 100 - 120 كم/س )

[galilio_mad]

وانت ماشى لما تاخد نقره او حفر بالعرض كده على سرعه 40 - العربيه بتدب ولا بتحس بنعومه شويه

و المساعدين جديدة بس مش بتدب
عندى بتدب , عند الحاج فى التمبرا كانت بتدب و لما غير المساعدين بقت انعم كتير

[mikology]

تمام - شكرا جاليليو باشا
زلبانى باشا - انا اتصلت باصحاب اللينكات اللى انت اديتهانى
مافيش غير عربيتين منهم اللى لسه ماتبعوش
واحده موديل 1992 وطالب فيها 37
ومواصفاتها :
تمبرا ايطالي/ موديل1992 حالة جيدة جدا/ 100 الف كيلو/، 1600 سي سي ، لون فضى ميتالك/ فتحة سقف كهرباء / تكييف(عاوز شحن) / باور سترينج / زجاج كهرباء / سنتر لوك / راديو كاسيت/ ، كاوتش جديد، بطارية جديدة / رخصة باسم مالكها سارية حتى 2011


التانيه مواصفاتها :
موديل 1998/ 173000 كم/1600 سى سى / 2 زجاج كهربا قدام/ تكييف عادى مش تاتش/ سنتر/كتلوجها /4 كوتش جديد/ بطاريه جديده / الموتور بحالة ممتازة / فبريكة من الداخل/عاوزه شويه دوكو وسمكره من بره/ تانى يد من صاحبها اللى اشتراها من معرض

طالب فيها 35
ايه رأيكو ؟

[ZALABANY]

والله الأولانيه كويسه لو عدادها فعلا 100 ألف بس 37 كتير عليها اظن لو وصلت ل 34 تبقى كويسه لو ما فيهاش مشاكل وبعدين موضوع تكييف عايز يتشحن ده بقلق منه طيب لما هو شحن بس حوالي 180 جنيه ما شحنوش وباع عربيته كل حاجه فيها شغاله ليه عامة تكشف على التكييف كويس وعلى علبة الدركسيون والموتور ده غير الأساسيات طبعا

[abdelmessih67]

abdelmessih67 باشا الكيند ده مكانه فين بالظبط في اخر فيصل

أهلا يا أخ زلباني , بص يا باشا قبل طريق المريوطية و انت جاي من الجيزة بحوالي محطة تلاقي شارع المستقبل اللي فيه مدرسة المستقبل و ده مشهور جدا طبعا زي ما أنت عارف أول حارة يمين بعد شارع المستقبل و على ناصية هذه الحارة
واحد بتاع طلمبات مش فاكر اسمه وواحد بتاع قطع غيار مرسيدس استيراد .

هتلاقي يافطة صغيرة على رأس الحارة مكتوب عليها الكينج قطع غيار استيراد و هي حارة سد صغيرة جدا لذلك لا تدخل فيها بالعربية أحسن ليك و هو شغال في الفيات الاستيراد و معظم حاجة التمبرا المستعملة عنده .

[ZALABANY]

أهلا يا أخ زلباني , بص يا باشا قبل طريق المريوطية و انت جاي من الجيزة بحوالي محطة تلاقي شارع المستقبل اللي فيه مدرسة المستقبل و ده مشهور جدا طبعا زي ما أنت عارف أول حارة يمين بعد شارع المستقبل و على ناصية هذه الحارة
واحد بتاع طلمبات مش فاكر اسمه وواحد بتاع قطع غيار مرسيدس استيراد .

هتلاقي يافطة صغيرة على رأس الحارة مكتوب عليها الكينج قطع غيار استيراد و هي حارة سد صغيرة جدا لذلك لا تدخل فيها بالعربية أحسن ليك و هو شغال في الفيات الاستيراد و معظم حاجة التمبرا المستعملة عنده .

شكرا يا باشا على المعلومة
انا هاروحله لأني بدور على علبة فيوزات المروحة اللي بتبقى ورا الكشاف ياريت لو تعرف حد تاني ممكن الاقيها عنده تقولي

[jant]

طيب يا اخ جاليليو انا عربيتى 1400 كاربراتير وبتعمل 7كيلو فى اللتر
يعنى الصفيحه بتعمل 140 كيلو مع العلم انى بحرق ساعات على العربيه

[Bonanza]

هو يا جماعة ممكن سؤال بس بعيد عن الموضع د ، و اعتذر لصاحب الموضوع

انا قريت كل كلمة كتبتوها ... و كونت فكرة غلسة كده عن ان التمبرا قطع غيارها دايما فيها مشاكل من حيث علبة الدركسيون و التكيف

طيب انا ان شاء الله ناوي اشتريها ،، ايه بقي النظام تنصحوني بيها ولا ايه ,, انا مش عاوز عربية تتعبني و توديني كل يوم ازور الميكانيكية و الكهربائية انا مش من النوع ده و اصلا انا لسة جديد لانج في العربيات و ماليش خبره خالص

السؤال بقي ... قطع غيارها متوفرة و رخيصة ولا ايه ؟؟؟؟؟

كمان حاجة .. انا كلمت الراجل صاحب العربية اللي عاملة 173000 موديل 98 و ان شاء الله هاروح اشوف العربية بردو و ربنا يكرم

هو بقي عدد الكيلومترات اللي هي مشيتها كتير ولا ايه ؟؟ و اصلا تنصحوني ابص علي عربية مشيت بالكتير قد ايه ؟؟؟ و هو بالمناسبة قالي ان تكيفها تاتش مش عادي مش عارف ازاي بقي هو قال لاستاذ صاحب الموضوع انه عادي ... ما علينا


شكرا

[ZALABANY]

هو يا جماعة ممكن سؤال بس بعيد عن الموضع د ، و اعتذر لصاحب الموضوع

انا قريت كل كلمة كتبتوها ... و كونت فكرة غلسة كده عن ان التمبرا قطع غيارها دايما فيها مشاكل من حيث علبة الدركسيون و التكيف

طيب انا ان شاء الله ناوي اشتريها ،، ايه بقي النظام تنصحوني بيها ولا ايه ,, انا مش عاوز عربية تتعبني و توديني كل يوم ازور الميكانيكية و الكهربائية انا مش من النوع ده و اصلا انا لسة جديد لانج في العربيات و ماليش خبره خالص

السؤال بقي ... قطع غيارها متوفرة و رخيصة ولا ايه ؟؟؟؟؟

كمان حاجة .. انا كلمت الراجل صاحب العربية اللي عاملة 173000 موديل 98 و ان شاء الله هاروح اشوف العربية بردو و ربنا يكرم

هو بقي عدد الكيلومترات اللي هي مشيتها كتير ولا ايه ؟؟ و اصلا تنصحوني ابص علي عربية مشيت بالكتير قد ايه ؟؟؟ و هو بالمناسبة قالي ان تكيفها تاتش مش عادي مش عارف ازاي بقي هو قال لاستاذ صاحب الموضوع انه عادي ... ما علينا


شكرا

يا باشا أهلا بيك معانا وإن شاء الله ربنا يكرمك بعربيه كويسه
بص مبدئيا التمبرا عربية ممتازة وركوبه حلوه فعلا وفيها كل الكماليات الحديثة باور وتكييف وزجاج كهربا وسنتر واحيانا فتحة سقف ومرايات كهربا وعداد ديجيتال كمان يعيبها غلو أسعار بعض قطع الغيار ومع دلك فهي معمرة مش زي ال 28 يعني انا عربيتي رحت صلحت علبة الدركسيون وهي موديل 94 وما كانتش اتفكت قبل كده وكدلك الاسطوانه والديسك ودي حاجات اظن ان كده عمرها الافتراضي يبقى عدى عشان كده بنقول ما تاخدش عربيه ماشيه كتير بالكتير 100 الف عشان في مستهلكات بتبوظ بكتر الاستخدام
بس نرجع ونقول قطع الغيار فيها حاجات غاليه وحاجات عاديه والميزه ان ليها حاجات استيراد كتير يعني مش هاتغلب بالنسبه ل173 الف كيلو اظن انه كتير شويه حاول تدور على حاجه اقل وبرده الحاله تفرق ممكن يكون صاحبها بيحافظ عليها وبيعملها الصيانات الدورية وتلاقيها انضف من واحده ماشيه 100 الف عامة هي معمره وموتورها بيوصل مع ناس ل 250 الف واكتر من غير عمره
التكييف الموجود في أغلب التمبرا تاتش على فكره او على الأقل اللي أنا شوفتهم
أي استفسار تحت أمرك