سؤال هام للسادة مالكى البونتو كلاسيك

[moos]

السلام عليكم يا جماعة
الحمد لله حجزت بونتو كلاسيك
لو سمحتوا كنت عايز أعرف كل الأوراق اللى بستلمها مع العربية ( أنا حاجز عند أوماترا و تقسيط إنشاءالله)
و لو ممكن كمان أعرف كل الكماليات اللى بتبقى فى العربية و أراجع على إيه عند الإستلام و إيه الحاجات اللى بتبقى فى العربيه مثل مثلا دواسات .. كوريك .. شنطة عدة .. كده يعنى

[moos]

الووووووووووووووووووووووووووو

[SharpArrow]

الف مبروك يا باشا ربنا يباركلك فيها ان شاء الله و اهلا بيك في نادي اعضاء البونتو كلاسيك (مش هتندم ابدا على الاختيار ده ان شاء الله)
هو انا معرفش ورق القسط ايه صراحة لاني اشتريتها كاش بس اهم حاجة انك تكون اشتريتها من اوماترا نقسه لانهم بيدوك الكاسيت بعد كده
انما الكماليات:
سنتر لوك (بدون ريموت او انذار)
باور بنظام سيتي
4 سماعات بدون كاسيت
2 ايرباج
جنوط سبور 14"
زجاج كهرباء (امامي فقط)

و فيها الاستبن جنط سبور 14" برضه و معاه كل العدة (كوريك - مفك - ...) بس مفيش فيها دواسات و عمري ما سمعت عن عربيات بتتباع بدواسات

[moos]

يا باشا متشكر جدا على الرد و الإهتمام
بالنسبة للكاسيت ( أنا جايب من اوماترا) هم بيركبوه يعنى من عندهم و لا إية لأنى سمعت إنهم بياخدوا 600 جنيه زيادة تمن الكاسيت

[moos]

مفيش ردود خالص يا جماعة !!!!!
plzzzzzzzzzzzzz

[Ahmed Taha]

شغل تلات ورقات

السلام عليكم يا جماعة
الحمد لله حجزت بونتو كلاسيك
لو سمحتوا كنت عايز أعرف كل الأوراق اللى بستلمها مع العربية ( أنا حاجز عند أوماترا و تقسيط إنشاءالله)
و لو ممكن كمان أعرف كل الكماليات اللى بتبقى فى العربية و أراجع على إيه عند الإستلام و إيه الحاجات اللى بتبقى فى العربيه مثل مثلا دواسات .. كوريك .. شنطة عدة .. كده يعنى

بتستلم 3 ورقات:

• الإفراج الجمركي (شهادة بيانات السيارة) ورقة ملونة شبه شهادة التجنيد و دي أهم ورقة.
• صورة من بوليصة الشحن و دليل دفع جمارك السيارة (ورقة مصورة فيها لستة من السيارات بينهم سيارتك و بياناتها) دليل دفع الجملرك المستحقة.
• مبايعة من شركة الشرق للتجارة و الصناعة omatra.

عادة الورق ده بيجهز في خلال ثلاث إلي خمس أيام من شرائك السيارة.

ممكن تأمن فورا برقم الشاسية و المتور و تاخد خصم عشان العربية لسة مترخصتش.

الاستلام:
1. أربع سماعات.
2. البلاستكة الخاصة بتركيب الكاسيت.
3. الكاتالوج (أسباني ملوش لزمة) لكن في زملاء رافعين نسخة إنجليزي على المنتدى.
4. كود المفتاح هام جدا (لايمكنك عمل مفتاح جديد بدونه).
5. الاستبن و العدة (كوريك و مفك و مفتاح عجل)

و طبعا إفحص السيارة ظاهريا من الداخل و الخارج على قدر استطاعتك و شوف عداد الكيلو متر (من 20 إل 60 كم طبيعي)
في أي وقت تروح اقرب مركز صيانة لأوماترا تستلم كتيب الضمان.
و تحت أمرك في أى سؤال تاني

[newpower]

الأخ العزيز moos ممكن أعرف نظام القسط عند أوماترا إيه
أقل مقدم والقسط
وهل مباشر ولا فيها بنوك
وربنا يباركلك فيها ويجعلها قدم السعد
شكرا

[moos]

السلام عليكم
بص يا باشا .. أنا رحت عند أوماترا اللى فى شارع يوسف عباس فى مدينة نصر( ت : 24014043 ) و أنا كنت جاهز بـ 46000 و العربية أصلا بـ 66900 عندهم و فى أزرق و أحمر بس الأحمر قرب يخلص و العدد بوجه عام قليل .. المهم هناك المعاملة محترمة و ناس زى الفل
قابلتنى مدام / هايدى أيمن و خلتنى أعاين العربية و أشوف كل اللى أنا عايزة و بعدين لما قلتلها على موضوع التقسيط قالتلى مفيش تقسيط مباشر و إنهم كانوا مش ناويين يقسطوا لأن الكمية قليلة و عايزين يخلصوا قبل وصول الدفعة الجديدة اللى نازلة بالسعر الجديد.
بس لما قلتلها إنى حادفع 46000 يعنى حوالى ثلثين تمن العربية فقالتلى أوكى عايز تقسط تبع بنك معين؟
المهم أنا مفيش فى دماغى حاجة عن الموضوع ده فقلتلها لأ .. هى إقترحت بنك كريدى أجريكول .. الفايدة 9.6% المهم وافقت و دفعت 1000 حجز وحددت اللون و هى إتصلت بمندوب البنك و خدت منى صورة البطاقة (مجددة لو كان تاريخها خلصان) و مليت أبليكيشان و راح مندوب البنك للشركة أخد الورق و عملو إستعلام بالتليفون و بعتوا مندوب على البيت خلص المندوب كل الأوراق و طلع موافقة البنك و ناقص على إنى أروح البنك(فى شارع القصر العينى أمام بوابة مجلس الشورى) عشان أمضى الشيكات و الورق و هو بعت موافقة البنك على الشركة
و بعد ما رحت مضيت رحت الشركة دفعت بقيت المقدم و معاه المصاريف الإدارية بتاعة البنك 1.5% من المبلغ المقسط لأنهم بيخصموها من المبلغ المورد للشركة و كمان فى الشركة إقترحت عليا التأمين مع بنك قناة السويس و هو بياخد حوالى 3.25% من إجمالى التمن و هى حتتصل بمندوب البنك ييجى يصور العربية و يخلص كل الإجراءات و يطلع الوثيقة و دفعت 2170 جنيه للتأمين و مستنى لما يخلص مندوب التأمين عشان أحدد ميعاد الإستلام عشان برضه معرض اوتوماك أخر الشغل شوية
أعتقد إنى حكيتلك بالتفاصيل المملة
و أى سؤال و أى خدمة يا باشا

[moos]

بالنسبة لكتالوج العربية النسخة الإنجليزى
الemail بتاعى m_thabita@yahoo.com ممكن حد يبعتهولى؟

[Ahmed Taha]

إستلم

بالنسبة لكتالوج العربية النسخة الإنجليزى
الemail بتاعى m_thabita@yahoo.com ممكن حد يبعتهولى؟

إتبعت يا باشا

[osamafarook]

بتستلم 3 ورقات:

• الإفراج الجمركي (شهادة بيانات السيارة) ورقة ملونة شبه شهادة التجنيد و دي أهم ورقة.
• صورة من بوليصة الشحن و دليل دفع جمارك السيارة (ورقة مصورة فيها لستة من السيارات بينهم سيارتك و بياناتها) دليل دفع الجملرك المستحقة.
• مبايعة من شركة الشرق للتجارة و الصناعة omatra.

عادة الورق ده بيجهز في خلال ثلاث إلي خمس أيام من شرائك السيارة.

لو سمحت سؤال
طب من ساعة ما تستلم العربية لحد مالورق يجهز بعد 3 - 4 أيام ؟؟؟ ينفع تمشي بيها في الشارع؟ وازاي ؟ وقانونا ايه الموقف ؟؟؟

[Ahmed Taha]

لو سمحت سؤال
طب من ساعة ما تستلم العربية لحد مالورق يجهز بعد 3 - 4 أيام ؟؟؟ ينفع تمشي بيها في الشارع؟ وازاي ؟ وقانونا ايه الموقف ؟؟؟

قانونا لا طبعا.

بس المعرض بيديك خطاب إستلام تروح بيه صالح لنفس اليوم فقط.

و طبعا ممكن كل ما تقابل حد تقول له رايح أرخص بس طبعا الصبح.

[ma7mo7]

ياريت با جماعة لو فيها رزالة شوية ممكن أخد نسخة من الكاتلوج بالانجليزى و أكون شاكر جدا جدا
أخوكم محمد معاه بونتو 2009 كلاسيك

[ma7mo7]

معلش نسيت أكتب الميل بتاعىm_saleh735@yahoo.com وشكرا