الى خبراء الفيات

[hic]

اخوانى عاوز نصيحتكم
قدامى عربيه فيات بيترا موديل 2003 و العداد عامل 100000 كم و فيها شوية سمكره خفيفه و عاوزه رش للرفرف اليمين و كمان الكشاف الخلفى الجزء اللى فى الرفرف عاوز يتغير و التكيف عاوز شحن و السعر المطلوب فيها 34000 جنيه هل كده السعر مناسب و لا لا و كمان اخبار قطع الغيار ايه و هل هى متوفره و لا لا
اسف للاطاله و رجاء سرعة الرد و شكرا

[wet7014]

يابشا السعر اللي حضرتك بتقوله ده سعر قليل جدا علي عربيه زي البترا عربيه ممتازه
وقطع الغيار متوفره في كذا مكان انزل مثلا شارع دمشق
السعر ده بجد في الارض

[abdelmessih67]

الحقيقة السعر قليل جدا لانه من الطبيعي ان واضع السعر بيبقى عامل حسابه على الفصال علشان كده بيضع سعر اعلى من السعر اللي هو عاوزه بالف أو الفين يعني هذه العربية ممكن تخلص على 32 الف رغم أن البترا موديلها حديث و عادة بتكون في حدود 45 الف حسب حالتها .

هناك احتمالان أما أن صاحبها ما عندوش فكرة عن الاسعار أو ان فيها عيب جامد و عايز يبيعها بسرعة

[lord23]

فعلا السعر قليل اوي انا كنت هشتري العربية دي لواحد صاحبي اخر كلام فيها كان 42.500 الكلام ده من شهر تقريبا
خد بالك لتكون معيوبة