فيات اونو مميزات وعيوب

[ehab_11_22]

السلام عليكم ورحمة الله وبركاتة

دى اول مشاركة ليا فى المنتدى الكريم

واتمنى من ربنا انها تكون مشاركة فعالة ليا وللأخوة الاعضاء

كنت ناوى ان شاء الله اشترى العربية الفيات الاونو لان ناس كتير رشحتهالى فى حدود الفلوس الى معايا

وكمان اكلمو معايا فى ان العربية من ناحية قطع الغيار واستهلاكها للبنزين تعتبر عربية مميزة بالنسبة للمواطن الى ظروفة على قدها

ياريت الى معاة العربية دى يدخل ويكلم معانا عن مزاياها وعن مشاكلها معاة والرأى الى كونو عنها من خلال تجربتو الشخصية ليها

ياريت كمان الى معندوش العربية دى ويعرف معلومات عنها يساعدونا باردووو

وان شاء الله يكون الموضوع مفيد ليا ولجميع الاعضاء سواء مالكين السيارة او حتى الى بيفكرو يشتروها

[amrbakly]

انا معايا اونو 98

شوف يا سيدي العربية بالنسبة لقطع الغيار عايز اقولك مفيش تقريبا، رخيصة فعلا، لو دورت حتلاقيني كنت حاطط اسعار بعض قطع الغيار في موضوع تاني

البنزين استهلاكها في السفر مفيش و مش عايز اقولك حتصدقني لو قولتلك راحت اسكندرية تقريبا بإتناشر لتر و مع تكييف تبقي كويسة ولا وحشة؟

و علي فكرة علي السرعات العالية التكييف مش بيفرق نهائيا في السحب

في الزحمة بتاكل بنزين كتير فعلا و كتير بجد مقارنة بسحبها علي السفر، لكن برضة في حدود المعقول برضة ، يعني مثلا تقدر تقول بتعمل حوال 12 كيلو في اللتر في العادي، في الوقفة بقي ممكن توصل لـ 8 كيلو في اللتر

عربية مش ضيقة من جوة و مش واسعة قوي

شنطتها معقولة و تقدر تعمتد عليها كعيلة صغيرة

بالنسبة لشاب تبقي عربية ممتازة

عيوبها بقي :

اولا : تجميعها بطئ شوية
ثانيا : علي السرعات القليلة سحبها بطئ جدا مع التكييف
ثالثا : عفتشها ناشفة شويتين


دة ما اعرفة عنها ، بس نصيحة لو ناوي دور علي حالة كويسة و انطلق فيها عربية كويسة و فيها مزتين اساسيتين، يوم ما تفكر تبيع مش حتخسر كتير و مش حتكلفك كتير صيانة

[mr_sasa]

هى الاونو تعمل اد اية دلوقتى يجماعة فى السوق؟

[mooz55]

شكراا للأهتمام

[ehab_11_22]

متشكر جدا اخى الكريم على مرورك ومتشكر كمان على مشاركتك الجميلة دى

ويارب ينفع الاعضاء بمشاركتك دى

[ayman 2010]

السيارة تجميع ممتاز
ثبات على الطريق مش بتعوم
صالون واسع وسلسة جدا فى الأداء
قطع غيار متوفرة ورخيصة ويفضل الأيطالى منها
شنطة معقولة مش صغيرة ومش كبيرة
وعفشة كويسة جدا
وانتظرو المزيد

[semsem_uno]

مش هقولك اكتر من انك لو جبتها هتعد معاك فترة كبيرة جدا و مش هتحس بأن في فرق بينك و بين اي عربية غالية
و هي فعلا عربية ممتازة و خدها كلمة مني

[waelsaleh]

هى فعلا عربيه ممتازه
بس نصيحه هات عربيه موديل اقل من 2000
عشان من اول موديل 2000 بقت انجكشن يعنى مش اى حد يفهم فيها
والاهم من كده ان قطع غيارها اضرب فى 3
هديك مثال الموبينه عندى باظت رحت عند الكيلانى اجيبها لقيته بيقولى 450 جنيه
قولتله ليه كده قالى موديل 93 ثمن الموبينه 130 جنيه
شفت الفرق

[mandochan]

yareeeeet ya gama3a ele 3ando ay m3lomat tane 3an l uno y2olle w y2ole hya a7sn wala begoo 205 3ashan ana m7taaaar w rabna yesahel

[semsem_uno]

akeed ya man l uno tab3an l 205 yb2a m3ak rabna f kta3 l 3'yar w f kolo :D
w law nawy 7atta tgeeb uno w 7ot l uno l 1300 l turbo hatla2eha kman a7san mn l peugeot l 205 l GTi kman

Uno = gr8 life - peugeot 205 =god wiz u

[mandochan]

shukran ya kebeer bs ana 3ayz a3rf 3yob 205 3'eer qt3 l 3'yar w shokran awe ya man...

[semsem_uno]

l 3afw ya man 3la ah bas
3la l 3omoom ana magarabtesh l peugeot bas lya nas a3rafhom w keda bas 3adatan ana shayef en l peugeot 3arabyat mo7tarama bardo w mo3amera bas l 205 belzat kt3 3'yarha hatet3ebak gdn la2enaha mesh mawgooda aslan ya3ny 2o2af kda 3d kam 205 fel share3 w kan uno fel share3 w hate3raf l far2 w ba3deen wla yhmk l uno ba3mel beha kol 5eer w mabtetkalemsh w gebha w isa hated3eely ;) w kaman 3ayez a2olak en ay 3rbya hat7afez 3aliha hat7afez 3alik bardo sawa2 uno aw peugeot bas l uno kta3 3'yar r5esa gdn w matensash en f masr l cars btt5bet w hya wa2fa :D

[mandochan]

:)shokran gedan 3al ma3lomat de walahe rabna y7'lek lena:D w ed3ele keda rabna yesahel w ageb el 7aga ele tenasbne isa:) shokran again

[semsem_uno]

URW ya man da l wageb w rabna yewafa2ak isa :)