تمبرا مو 91 مفيهاش عزم خالص 1400cc

[hany121]

يا جماعه انا اشتريت العربيه من 20يوم ولاحظت ضعف العزم.. العربيه الغيار الاول بيجيب 15ك علي RPM 2.5 و30ك علي التاني 50ك علي التالت 70علي الرابع 85ك علي الخامس ومابتجبش اكتر من كده حتي لو عليت ال RPM... الموتور كان عايز طقم شنبر وطقم دبرياج.. عملت الشغل اللي فيها وغيرت لبوجيهات NGK تلاته شمعه وغيرت فلتر الزيت والهوا وبرده نسب التسارع والعزم ضعيف.. يا تري ده طبيعي ولا ايه.. ارجو المساعده من الخبراء واسف علي الاطاله...

[Ashraf_Ashraf]

ماشوفتش ليه اسطولنه الدبرياج اكيد فيها تأكل كبير بيضيع عزم العربيه

[mikology]

لا انا معايا اختها و التانى بيجيب 45 و التالت 75 والرابع يجيب ال 100

[ZALABANY]

لا طبعا ده مش طبيعي شيك على الإسطوانه والدسك

[mezo73]

دة بيقول انة غير طقم دبرياج!!!!!!!!!!!!!!!!!!!!!!!!!!!!
طيب انت لما عملت الشمبر عملت وش السلندر ولا لا
يعني المفروض لما بتعمل شمبر بتودي وش السلندر الخرطة يبص علي الصبابات يشوفها لو سليم بيعمل رودية ويظبط تاكيهات ولو الصبابات باظت يتم تغييرها
طبعا ظبط التاكيهات بيفرق في سحب العربية
واكاد اشك ان سير الكانينة متأخر
انت لازم تروح لميكانيكي كويس
لان العادي الاول 25 كم
التاني 40-50
التالت 80-90
الرابع100-110الخامس 160
انا كنت ماشي من كام يوم وواحد بتمبرا شد معايا علي طريق الاسماعيلية
شوية ببص لقيت نفسي ماشي 160
اللي انت بتقولة مش طبيعي خالص
بس الاكيد انك روحت لواحد مش ميكانيكي خالص

[galilio_mad]

طيب حضرتك جبت الشمبر زيرو كام , و لينت العربية ازاى ؟؟؟؟؟؟؟؟؟؟؟

و العربية كاربراتير ولا انجكشن ؟

و بالمناسبة , اول 40 , تانى 82 , تالت 121 , رابع 158 , خامس 178
و عربية الحاج التمبرا بتعمل ارقام شبه دى برضو

[ZALABANY]

طيب حضرتك جبت الشمبر زيرو كام , و لينت العربية ازاى ؟؟؟؟؟؟؟؟؟؟؟

و العربية كاربراتير ولا انجكشن ؟

و بالمناسبة , اول 40 , تانى 82 , تالت 121 , رابع 158 , خامس 178
و عربية الحاج التمبرا بتعمل ارقام شبه دى برضو

جاليليوا الأرقام اللي انت بتقولها دي لما rbm بتاع العربية بيوصل 6 على كل غيار ولا كام انا حاسس ان الواحد لو استنى على كل غيار لحد ما يوصل للسرعه دي يبقى بنضغط على العربية جدا

[hany121]

يا جماعه انا مش عارف اشكركم ازاي علي استجابتكم السريعه ده..

انا غيرت طقم دبرياج كامل والشنبر جبته زيرو 10 والعربيه كربراتير ووش السلندر لما اتفك كانت الميه والصدي واكل المجر بتاعة الميه فوديته للخراط ملاه انتمونيا ومسحه وغير كاوتش صباب وقال انه مش محتاج تغيير صبابات او اي حاجه تاني..

انا لينت بحرق صفيحه علي الواقف وبعدين 200 ك جوه البلد و300ك علي طريق مصر اسكندريه الصحراوي وكنت حريص ان ال RPM ميوصلش ل 3 وموصلتش السرعه ل 100ك/س ومكنتش بثبت السرعه او الRPM عند مستوي معين لفتلره طويله..

انا اسف للاطاله بس لو حد يقدر يساعدني او يحب يشوف العربيه انا ممكن اجيله في اي مكان او توصفولي ميكانيكي كويس يكون بيفهم في العربيه اروحله..

سؤال اخير. هو ممكن العجل اللي ورا يكون مقفول او مفتوح. اقصد مش Straight لاني بحس ان العجل مقفول لجوه شويه من ناحيه الباب ولا انا بيتهيألي علما بان العربيه فابريكه يعني مش واخده خبطه ولا حاجه..

انا اسف مره تانيه ومتشكر ليكم جدا

[ZALABANY]

في ميكانيكي أستاذ في السيده عيشه في سوق الحمام القديم إسأل على الحاج إمام الميكانيكي ألف من هايدلك

[galilio_mad]

لو حد يقدر يساعدني او يحب يشوف العربيه انا ممكن اجيله في اي مكان

سؤال اخير. هو ممكن العجل اللي ورا يكون مقفول او مفتوح. اقصد مش straight لاني بحس ان العجل مقفول لجوه شويه من ناحيه الباب ولا انا بيتهيألي علما بان العربيه فابريكه يعني مش واخده خبطه ولا حاجه..

انا ساكن فى مصر الجديدة لو تحب قابلنى و ربنا يقدرنى و اعرف افيدك ( احمد جلال 0124234223 )

موضوع العجل ده خداع نظر , عشان الصدام فيه سوكه و بروز عن جسم العربية
و اى بتاع زوايا بيعرف لو العجل فاتح او قافل او مرحل قدام او ورا

[galilio_mad]

و بعدين انت مشيت كام كيلو بالعربية من ساعة الشمبر ؟ و ربطت وش السلندر ولا لسه ؟

[hany121]

استاذ أحمد شكرا لاهتمامك. انا هكلم حضرتك اعرف الوقت اللي تكون فاضي فيه وتوصفلي المكان واجي اتشرف بمعرفتك..
انا مشيت 500ك بعد الشمبر ووش السلندر متربط وامبارح ظبط تاكيهات تاني وحطيت العربيه علي جهاز الزوايه عند اتنين صنايعيه واحد قال ان العجله اليمين مقفوله نصف سنتيمتر وااشمال واحد سنتيمتر وعيزه زرجينه والتاني قال العجل سليم والجهاز مدي قرايات تمام..

حاجه تانيه ظهرت امبارح اني بسمع صوت خشونه خارجه من بلية الكاتينه مع اني مغيرها مع طقم الشنبر وجايبها ايطالي. وريتها لميكانيكي قالي عايزه تتغير قلتيلو دي جديده قالي يمكن عايزه تتشحم. انا قلقان منها جدا خصوصا ان العربيه لما اظبط الكهرباء بتدور بسرعه وبعد مشوار طويل اجي ابطل وادور تاني العربيه تعتل كأن البطاريه نايمه وتلقط بالعافيه..

[galilio_mad]

تحت امرك فى اى وقت يا باشا
و ربنا يجيب الخير

لما نتقابل ابصلك على كل اللى بتسأل عليه ان شاء الله

[galilio_mad]

جاليليوا الأرقام اللي انت بتقولها دي لما rbm بتاع العربية بيوصل 6 على كل غيار ولا كام انا حاسس ان الواحد لو استنى على كل غيار لحد ما يوصل للسرعه دي يبقى بنضغط على العربية جدا

معلش ما شفتش مشاركتك فى وسط الزحمة :)

فعلا ال Rpm بيبقى 6000-+6500
و بعدين انا مش باعمل كده على طول يعنى ,

العادى بتاعى فى النقل 3000-3500 , و لو باجرى 4500-5000

[mezo73]

ماقولتناش عاملتوا اية
ياريت تقولولنا عملتوا اية